金星 葵芳

金星 評價 相片

心血來潮，想去茶記食午飯 .... 於是就乘坐van仔 去到最近的市集 , 求其找間茶記便衝入去食 , 就是這間 "金星" ~Menu ~凍檸茶 : 茶底味道不錯 , 可惜檸檬帶點苦澀 , 而且冰粒太多 , 扣了分 ~例湯 : 青紅蘿蔔豬骨湯 , 好基本的家常湯 , 無奈味道好鹹 , 而且紅蘿蔔未煲得腍 ~豆腐火腩飯 : 這一道是茶記好基本的飯 , 坊間又稱之為 "男人的浪漫" , 可惜的是 , 不論豆腐或是火腩都未能煮得入味 , 火腩只得幾件且切得細細 , 有點孤寒 ; 芡汁煮得過杰 , 味道亦好鹹 ; 完全不好吃 , 看來廚師的功夫未到家 ~椒鹽豬扒飯 : 這個更加差到一個點 , 都知道椒鹽豬扒會是重口味 , 但都不至於這樣鹹 , 而且豬扒吃得出有雪氣味 , 肉質又炸到柴皮 , 十分不好吃 ~感覺是 .... 中伏 ~筆者評分向來鬆手 , 但今次實在笑不下來本篇完 ~

今日同屋企人去葵芳金星食早餐，平時去開的椰林閣完來執左，所以今日試下金星。

叫左西式早餐，牛扒+蛋加腸加火腿。

$33. 腸同火腿，極級咸，好耐未試過咁咸的腸仔。

牛扒出奇地大塊，牛扒煎得剛剛好，唔會熟到過硬，咬唔開，又完全冇根。

幾好味。

媽咪比埋佢碗炸菜肉絲米我。

好大碗，炸菜同肉絲同米粉分量出奇地多，通常茶餐廳都放好小。

湯淡左小小，米粉軟硬適中，加埋辣椒油幾好味。

不過不失的早餐，只是不太衛生的環境同好迫。

今天工作中晚餐！呢間門口可以泊車，地方光猛乾淨，茶餐廳格局，紅白色傢俬，幾光鮮搶眼！坐到收銀旁卡位！晚餐有5款選擇！我揀咗：(A)中式焗牛柳雖然唔知佢點焗，同平時嘅中式牛柳一樣，一碟六件，牛肉都好大件厚肉，肉質唔韌，雖然無乜牛肉味，汁料酸酸甜甜（唔夠多汁撈飯），再加爽口洋蔥，好好味！配白米飯一碗，飯粒鬆軟！餐湯羅宋湯：除羅宋湯外，仲可以揀白湯或中式木瓜湯，羅宋湯香濃，酸酸辣辣！蔬菜又多！好味！油菜生菜：套餐加錢，份量都唔細，欣賞蠔油放旁邊！可以比客人選擇唔點咁多醬油！生菜唔老夠爽脆！唔錯！服務唔錯，落單女店員好爽手，問嘢都有禮！上菜速度都好快！茶餐廳檸茶有保證，唔澀正常！本來無祈望的一餐！結果比到驚喜自己！

下午茶︰雞翼、吉列魚柳、西多士以$25包以上三種「美食」，真是天真了一點。

沒錯！的確「包」了三種，但三種都絕非美食，一點也也不美。

先吃點魚柳，它稱是吉列嘛，切也差點切不開，外炸皮好像有點兒韌，初步懷疑翻炸過，內裏魚肉少中之少，差。

雞翼還好，輕輕兩隻，像是有點鹵水汁味道。

西多士則是近來吃過最差，外皮不脆，內裏又乾又沒醬，即使是糖漿也像是混和了水，即使將小塊西多士沾滿糖漿也不覺很甜。

茶走，像是沒加煉奶般，但茶味亦同樣欠奉，實在沒意思。

為左慳錢去左茶餐廳食晚飯，無諗過又幾好食，叫左兩個晚餐。

第一：茄子牛柳絲煲，跟羅宋湯第二：焗洋蔥汁鮮茄豬排飯，跟西洋菜湯第三：灼白菜仔首先湯肯定好咸啦，其次個茄子煲好多油，但好夠熱，好味；而豬排無用梳打粉，有咬口同入味，仲好大碟，兩個餐都食唔晒！不過個白菜仔好細碟，都要加$9，唔抵。

最嬲係無啦啦係度掃地，好彩我食完飯姐。

金星餐單提供港式等推介美食位於葵芳區，餐廳座位數未知人均消費約$50以下，結賬可以用現金，Booking訂位可以電話致電 24260264 查詢。

您對於葵芳餐廳「金星」有何 comment？

金星餐廳詳細資料：

• 金星地址:
  葵芳信芳街25號地下
  金星, G/ F,25 Shun Fong Street, Kwai Fong
• 金星電話: 24260264
• 金星價錢: $50以下
• 分類: 港式
• 座位: 未知
• 付款: 現金
• FB專頁: 金星 Facebook

更多金星相關資料:

• 金星分店
• Youtube
• Facebook
• Twitter
• Google