水記 葵芳

水記 評價 相片

食完個手抓餅意猶未盡, 就再周圍搵下有咩好食,響人群中不停穿插, 經過一間又一間既食店,男朋友話不如就試下呢間~今次被選中既就係水記好老實, 呢間鋪完全唔起眼, 行過時miss左佢都一d唔出奇呢間鋪頭唔似其他小店, 專賣一類形食物,而係大雜燴咁, 由小食到飯麵類都有,其實佢小店2邊仲有手寫既menu但來往既人實在太多, 唔方便一一影低炸燒賣 (6粒/$10) 炸雞粒 (半份/$16)呢兜野$26都食得過既, 2樣都即叫即炸, 脆卜卜熱辣辣, 不過不失不過佢用外賣膠兜呢方面我就唔多支持,雖然對於佢地黎講, 可能係為方便食客, 自己成本都高左但成件事變得好唔環保....如果佢響呢方面諗方法改善一下, 就更好了

到這裏都為了餃子.這店有兩款餃子：韮菜豬肉和白菜豬肉（好似係）.豬肉是黑毛豬的肉.由於個人喜好, 只點韮菜豬肉餃.份量可選六隻或十隻。

煮法有二：湯或煎. 曾經諗住健康啲而選放湯.但還是煎的可愛佻皮. 它皮薄內裹材料多.店主用心把它們煎得外面香香脆脆，又不失皮本身ＱＱ煙靱. 吃時要小心，好熱！另外. 由於卧即叫即煎, 製作須時, 約５分鐘右.不過，個人認為值得的.味道好，用料足, 價錢合理。

還有小店的人情味, 加分～唯一只有兩三個座位.

繼續葵廣特輯縱使有好多店都想再食都堅持每次嚟都盡量搵啲未食過嘅舖嚟試行過水記見到貼左好多小食嘅紙出嚟相全部都似係自己影菜名價錢都係手寫平實嘅店面充滿人情味最初係比餃子吸引小編停下腳步再細睇 小店主食嚟講主力做撈麵縱觀小食選擇係無一個特定風格或者某一國嘅菜式又燒賣魚蛋碗仔翅雞尖滷水蛋又泰式魚餅香茅豬扒泰式鳳爪完完全全係地道小食店店前面放左一張小檯子兩張小凳小編同朋友坐底左嗌左一份香茅豬扒撈面($24)等左5分鐘 從老闆娘手上接過食物驚喜地發現原來包兩粒燒賣 開心麵似大光麵 汁原本想像係咖哩汁但食落無乜味 唔香小編寧願食印尼撈麵燒賣就…真係燒賣嚟唔係靚貨 蒸到過哂龍 口感勁淋燒賣認真不推香茅豬扒算係比較好但唔知係咪鬆肉粉太勁 好淋淋到唔似肉咁香茅味係有啲總括而言 價錢相宜無奈質素欠奉基於係小店嘅關係 有加分小編會畀多次機會佢下次試下點其他嘢可能今次嗌錯嘢啫

好耐冇去葵涌廣場行街路過見到呢間舖頭就畀佢嘅食物吸引門外有3 張椅for 食客所以好多人都係外賣食入面見到有好多唔同嘅掃街必食既 撈麵、魚蛋、燒賣等見到有客人食b仔 雞翼尖， 就決定要跟風啦分試食size、中size同大size本身叫咗試食size, 但見到人哋食到好似好好食，咁就轉咗做中size其實份量都足夠嘅兩個人食，個汁好正， 夠辣，雞翼尖唔會煮到溶溶爛爛，每隻都有肉，好入味😄之後再要咗個炸韭菜餃其實冇諗過炸韭菜餃可以咁好味因為之前食其他店炸韭菜餃，外面炸到濃濃地，但入面好似未熟咁，就令我好抗拒但呢間唔會，完全係脆，但唔油😄

我就先講一講去食物嘅味道先再講佢既環境。

我嗌咗B仔雞翼尖小辣，分量我覺得係少 $13有大約6隻？？唔記得咗大概有幾多隻啦，我覺得佢嘅味道偏辣蒜味極少，好啖，簡單啲來講只係辣味..咁如果你真係鍾意淨係食辣嘅都可以去試吓嘅咁再講一講佢嘅環境啦其實佢嘅環境好細，空間好逼夾，而且最誇張嘅就係佢竟然有昆蟲嘅屍體，係當眼處。

冇處理到，其實地下仲有幾隻，唔夠膽影，因為其實我自己都好驚，但係影岀嚟，就係想俾個事實你地睇，我唔係亂講㗎...雖然我自己都唔係好相信呢個係事實，但係事實擺在眼前你真係有幾隻昆蟲屍體，其實地下好似有經過過識郁既小昆蟲。

。

不過我唔確定係唔係真嘅，定係只係我錯覺所以對於件事我有少少保留。

水記餐單提供港式等推介美食位於葵芳區，餐廳座位數未知人均消費約$50以下，結賬可以用現金,八達通。

您對於葵芳餐廳「水記」有何 comment？

水記餐廳詳細資料：

• 水記地址:
  葵芳葵富路7號葵涌廣場2樓C86號舖
  水記, Shop C86,2/ F, Kwai Chung Plaza,7 Kwai Foo Road, Kwai Fong
• 水記電話:  
• 水記價錢: $50以下
• 分類: 港式
• 座位: 未知
• 付款: 現金,八達通
• FB專頁: 水記 Facebook

更多水記相關資料:

• 水記分店
• Youtube
• Facebook
• Twitter
• Google