富臨皇宮 葵芳
最後更新:
富臨皇宮推介
抵食家常便飯、經典中菜，分店遍佈港九新界，不時供應每月推介特價套餐、優惠。特別推介大大盅足料燉湯。
葵芳富臨皇宮
| 餐廳分店 | 富臨皇宮 |
|---|---|
| 地區 | 葵芳 |
| 電話訂位 | 沒有電話提供 |
| 餐單 Menu | 粵菜, 廣東, 點心, 酒樓 |
| 人氣指數 | 874 |
| 價錢幾錢 | $101-200 |
富臨皇宮訂位位於葵芳區，詳細地址是葵芳榮芳路恆景花園商場2樓201-204號，餐廳寬敞座位數目共有未知幾多個。富臨皇宮幾錢？價錢優惠後人均消費大約$101-200埋單，早餐午餐晚餐富臨皇宮餐單包括有粵菜, 廣東, 點心, 酒樓等美食，付款方式有Visa,Master,現金,AE,銀聯付款。
富臨皇宮優惠
富臨皇宮 評價 相片
周末下晝同屋企人黎飲茶，個茶壺無水，咁啱有個樓面阿姐企係我隔離，諗住叫佢幫手斟水啦，點知嗌左佢三次都冇反應! 睇下佢做緊咩，原來佢攞住個托盤企係度禁電話! huffyhuffyhuffy 見到已經好嬲，再叫多佢一聲，佢竟然大大聲鬧我： 擺低個茶壺係度啦! 嘈! 真係不知所謂! 我攞起埋個茶壺叫你幫手斟水仲俾你鬧番你轉頭! 呢間野d野已經唔係特別好食, 仲請埋d咁惡劣既員工，一個都嫌多, 我係熟客都唔會再幫襯!
看到Openrice的comments 不錯，建議與家人試試，點知十個中伏。
不夠侍應，不停揮手5分鐘才有人理你19:30去到，問侍應有冇冬瓜盅加蒸魚優惠，有，訂了話等齊人上。
人齊加餸，想要$19木桶雞，話不能重覆享用優惠。
算了，等了45分鐘，追冬瓜盅，竟話賣晒?!咁做乜要訂?侍應話改魚肚，不情願下都要接受。
過了10分鐘，又話蒸魚賣哂，改你改別的算吧，都取消吧，侍應沒一點抱歉的意思。
其實如果唔想做生意，大可摺咗佢，食物水準不濟，服務差，完全唔会再去。
同屋企人間中都會嚟食，但唔係因為佢好食，而只係佢近屋企，方便家人。
老實講，呢間野我唔知點解會有咁多好評，我真係諗唔到佢有咩好。
我多數同屋企人都係去食晚飯，通常都只係得10枱客左右，至於侍應....得幾個，想叫人做野，等好耐都無人有反應。
莫講話普通侍應，就算部長經理級都好唔掂，通常佢地都係服侍d熟客，熟客就有求必應，我地呢d唔多去嘅呢，就叫你等下先啦，等等下就人影都無埋。
其實我地都慣咗呢間野嘅服務態度差，但有時又真係忍唔到。
有次同我一個家人再加埋個bb，推住bb車，去飲早茶，我地都知道要搭枱，但周圍都唔見有細枱可以坐到兩個大人，再放到車，咁咪去張大枱坐囉，點知個侍應見我地人少唔幫我地開位，仲求其指我地地第二張只可以坐到兩個人嘅枱，咁我架bb車咁點呢？張枱係就算我收埋架車都放唔落，叫我地點坐呀？個侍應之後都係唔開位俾我地，咁即係趕我地走？最後我地都唔留喺度食喇，去食野俾錢，仲要受氣！
一知道挑戰者一號要上映，成班朋友就約好要一齊睇所以一收工就拿拿臨過黎醫肚。
貪呢度近戲院食完行過去啱啱好開場。
閒時週未都會間唔中係度飲茶，所以就係睇戲前坐埋食返餐飯。
飯前先黎飲返碗湯，金銀菜燉白肺。
一上台就覺佢份量十足因為啲湯料裝滿左成個盅咁濟。
白肺湯好夠火候，將白菜同菜乾嘅甜味逼晒出黎，再加上雞腳／豬肺／雞肉及紅棗等熬煮，味道清甜又滋潤。
侍應姐姐仲分完湯後亦將湯料盛出，等我地飲完湯仲可以食埋啲湯渣，服務唔錯。
西蘭花帶子珊瑚蚌。
帶子同珊瑚蚌入口爽甜，炒得啱啱好無過老配上香濃嘅蒜茸黎食，十分惹味。
伴菜西蘭花一定要沾上蝦醬同食，否則味道會無咁突出。
鮮茄魚茸蒸蛋白。
用左上湯蒸煮所以味道都好濃郁，蛋白入口滑溜配上魚茸及菜粒增加口感，幾啱送飯。
而蕃茄更加係亮點，微酸味道令整個餸菜味道變得更清爽。
鐵板黑椒德國豬手，有別於平時用炸嘅方式，呢個用左半煎焗方式炮製所以油膩感少左好多。
侍應姐姐一上枱就幫我地將豬手解體，滋滋聲及黑椒汁醬味同時出現，未食都覺開心。
豬手入口腍滑鬆化，食落唔覺特別油膩。
配上香辣黑椒汁惹味非常。
因為食完咁多餸之後大家都幾飽了，所以就唔食飯揀左食生煎菜肉包補充澱粉質。
生煎包兩面都煎得算香口，入面嘅菜肉餡都飽滿，但就乾身左少少配湯飲可以平衡返。
一邊食一邊傾差啲食過左時間都唔知，所以拿拿臨埋單趕去戲院開場。
朋友都話好在呢度夠就腳，唔係就睇唔到電影開場時嘅彩蛋了。
人大左，越來越喜歡食中菜，喜歡與朋友們圍著吃，好似比西餐坐長檯更開心。
今晚同我加兩位朋友收工後，齊齊屋企無飯開，決定一齊去葵芳富臨皇宮食埋飯先番屋企。
佢地做緊特價小菜優惠，分別有壹蚊雞小菜、優惠三寶。
壹蚊雞小菜有五選一，包括上湯焗波士頓龍蝦(半隻) 、極品燒鵝皇、木桶豉油雞、勝瓜濃湯浸大肥蜆、紅燒乳鴿半隻；而優惠三寶有清蒸富貴龍躉斑、金蒜銀絲蒸鮮帶子、頂級叉燒皇。
我地無特別點特價小菜，因為本身菜牌的小菜價錢好合理，最後我地叫左『花膠北菇鵝掌煲』、『鐵板黑椒德國豬手』 同『生煎菜肉包(6個)』、『啫啫蝦乾芥蘭煲』。
『花膠北菇鵝掌煲』 呢道菜平時去婚宴吃得多，不過今晚突然又好想食，特別係鵝掌。
冬菇爽口，花膠黏口彈牙，非常惹味。
花膠配上鵝掌，兩者充滿膠質，食完都覺得自己青春左。
『鐵板黑椒德國豬手』這道菜非常吸睛，份量夠大，用鐵板上，熱辣辣。
店員會幫手切，分成細件，豬手夠淋，肉質入晒味，配上濃味黑椒，豬手肉唔會好乾身，皮香脆惹味，可以食幾碗白飯。
『生煎菜肉包(6個)』睇到隔離檯叫了這道菜，每個又大又多汁，好似好吸引，攪到我地都忍唔住要叫黎試下。
雖然不能與上海菜館的菜肉包相比，不過呢個都唔失色。
包內是熱騰騰的肉汁，包身皮適中，包底香脆，餡料是半肥瘦豬肉，肉汁鮮甜，其實每日食兩個都已經飽飽地。
『啫啫蝦乾芥蘭煲』食左咁多肉，點都要叫道蔬菜，不過我地呢班朋友都係重口味，所以連吃蔬菜都食啫啫煲上。
平時係屋企唔敢煮芥蘭，因為要炒得好食有難度，所以去到酒樓大排檔，就會叫，貪佢夠火喉。
呢道菜一上，其香噴噴既程度，真係連隔離檯都聞到。
我地仲帶左一支紅酒去，免開瓶费，我們邊吃邊飲，大排檔價錢但酒樓質素，真係無得輸。
富臨皇宮餐單提供粵菜, 廣東, 點心, 酒樓等推介美食位於葵芳區，餐廳座位數未知人均消費約$101-200，結賬可以用Visa,Master,現金,AE,銀聯。
您對於葵芳餐廳「富臨皇宮」有何 comment？
富臨皇宮餐廳詳細資料：
- 富臨皇宮地址: 葵芳榮芳路恆景花園商場2樓201-204號 Fulum Palace, Shop201-204,2/ F., Hang King Garden Plaza. Wing Fong Road, Kwai Fong
- 富臨皇宮電話:
- 富臨皇宮價錢: $101-200
- 分類: 粵菜, 廣東, 點心, 酒樓
- 座位: 未知
- 付款: Visa,Master,現金,AE,銀聯
- FB專頁: 富臨皇宮 Facebook
更多富臨皇宮相關資料:
香港餐廳2026推介8月