夢工房西日料理 葵芳

夢工房西日料理 評價 相片

正常放題質素，食物正常，沒有驚喜，價錢就一般，又唔太平，但全店服務態度極差，沒有服務可言。

由一入門口，要自己行去收銀到，報返自己幾多位，再大聲叫個人，好唔願意帶你去檯，黑口黑口樓面態度差，點知一山還有一山高，個傳菜仲衰，直接將啲新既食物，放係啲唔要既碟上面，我就算大排檔都唔會咁拉，呢間一定冇下次，一定唔會再去。

如果為左填飽個肚，唔理味覺就歡迎入內填肚，壽司飯好酸，其中要加錢的拖羅冰感十足，咬下件件嗰啲冰醉，惟有自我溶雪擺大半個鐘先食，個沙律仲大鑊，菜係咖啡色邊，hmmm!!左口魚邊壽司係最好味嗰種。

用250食個飽不過無好諗住有質素。

4月時為慶祝生日食咗呢間dinner buffet最爽係嗰期有生日免費優惠當日生日可以免人頭費，有人當日生日就可以用到個優惠即係2個人只需俾1個人價錢，埋單加埋一都唔使200蚊！之前食過一次係用剔紙方式今次去食已經變成用APP點餐款式唔算多，其第2、第3 round已經係咁重覆叫嘢食刺身同壽司質素比之前好咗，啲雪味無咁勁串燒同燒物炸物反而幾OK有舊係薯絲蝦，用薯仔刨絲包裹蝦肉幾得意焗蠔炸蠔都唔錯，凍蝦都幾爽甜係甜品比較失色，出面攞嗰啲蛋糕難食過美心蛋糕最多喺APP叫嗰2個獨立裝嘅雪糕好啦最大特色真係一個平價放題想慳啲錢又想過口癮就好啱食

星期日路過葵涌，好耐無食放題，搵下附近有無先。

咁啱葵芳有間，咁多好評，既管去試下啦。

結果，呵呵。

刺身：款式不多，無傳說中既三文魚腩，䲞魚是冰的, I mean, 真係冰，未溶。

燒物：燒蠔係全場最好食既，但黎第二轉既時候未燒透，有腥味。

其他燒物例如雞軟骨就無乜未。

壽司：正路，不過不失。

簡單黎講，168星期日中午食放題，ok啦；但如果你對食物質素有啲啲要求，建議你俾貴少少，可以食好好多。

俾我再揀一次，我寧願是隔離酒樓；如果一定要食，我一定唔會加錢食刺身。

至於點解咁多好評，呵呵，我真係不予置評咯。

呢間日式放題已食過好幾次，今晚又想同我的他重溫一下🥰以前係填紙落單，今次餐廳已跟隨大勢，嘟咗QR Code後網上落單，咁樣真係好方便，環保之餘亦絕不會漏單👍入咗餐廳，見到依然係好多款飲品、甜品同埋雪糕任君選擇😋竟然仲見到到幾款「冰水果」，幾特別喎🤩餐廳防疫措施做得好，枱與枱之間都隔有膠板，防止病毒傳播👏刺身款式好多，都食唔哂咁多款，所以點咗幾款最鍾意食嘅熱下身！象拔蚌、蠑螺好鮮甜爽口😋甜蝦好甜好新鮮，大愛🥰餐廳嘅美食要數一下黃金焗蠔，用咗沙律醬酸酸甜甜，加上蠔剛剛熟，仍然好多汁，令人胃口大開👍其他熟食亦點了不少，餐廳嘅羊架、煎牛扒做得很好，肉汁豐富，我的他也讚不絕口🤣炸物上到枱非常熱辣辣，當然有點芝心蝦丸，芝士味濃，好喜歡💕一定要點的當然係榴槤炸彈！糯米炸皮内的榴槤蓉非常濃郁，外脆內軟真係令我倆停唔到口！每人都食咗好幾粒🤣最吸引嘅放題店就係咩都有得食，呢度可以點埋火鍋，我哋點咗豬骨湯底，奶白色嘅湯底好足味，我哋簡單點咗肥牛、牛丸、豬肉丸、餃子、蘿蔔過吓癮🤣嚟到甜品時間已經好飽，完全食唔到芝士蛋糕呢類型太飽肚嘅甜品😵所以我倆揀選咗喜歡嘅甜筒、雪條、冰水果作結🤪呢度都有奶蓋芝士桃茶新口味甜筒，必食😋仲有，冰荔枝真係好好味！食落好甜又冰凍，好滿足啊🥰🥰價錢依然係每位唔過$200，勝價比好高👍當我倆開始食咗一陣嘅時候，收到傳來訊息原來因為疫情嚴重咗嘅關係，後日又開始實施限聚令😢加上晚上6點後不設堂食😣希望各大大小小嘅餐廳都可以捱過呢個逆境💪

夢工房西日料理餐單提供日本菜, 自助餐, 日式放題, 日式西餐等推介美食位於葵芳區，餐廳座位數150人均消費約$101-200，結賬可以用Visa,Master,AlipayHK,支付寶,現金。

您對於葵芳餐廳「夢工房西日料理」有何 comment？

夢工房西日料理餐廳詳細資料：

• 夢工房西日料理地址:
  葵芳葵義路2-10號新葵芳花園好爵中心商場1樓
  Dream Maker Restaurant, 1/ F, New Kwai Fong Gardens, Ho Chuck Centre,2-10 Kwai Yi Road, Kwai Fong
• 夢工房西日料理電話:  
• 夢工房西日料理價錢: $101-200
• 分類: 日本菜, 自助餐, 日式放題, 日式西餐
• 座位: 150
• 付款: Visa,Master,AlipayHK,支付寶,現金
• FB專頁: 夢工房西日料理 Facebook

更多夢工房西日料理相關資料:

• 夢工房西日料理分店
• Youtube
• Facebook
• Twitter
• Google