刈Bao台式創意小食 葵芳

刈Bao台式創意小食 評價 相片

話說葵廣三樓呢間小食店，我想幫襯好耐，樣樣野都好岩食之餘，間鋪頭仲有大量文宣，黃到發光，點都要支持下！🔹古早味腩肉刈包 $20👰🏻:🌕🌕🌕🌕🌗🤵🏻:🌕🌕🌕🌕🌗腩肉食落好似東坡肉，肥瘦均秤，每一啖都食到油脂豐腴既肉但又唔會覺得好肥，面頭仲有啲酸酸地既脆身白蘿蔔片，中和油膩感。

而個醬唔重味，少少酸甜，同啲料好夾.刈包係一個口袋包，中間可以夾住啲食材，食落有啲似薄身饅頭，麵包好鬆軟，甜甜地，加埋粒粒花生碎，口感好豐富🔹綜合7號 (鹽酥雞配炸蝦棒) $35👰🏻:🌕🌕🌕🌕🌑🤵🏻:🌕🌕🌕🌕🌑鹽酥雞炸得脆之餘咬落落仲有肉汁咇出黎味道唔會過咸，岩岩好大細岩岩好，一口啪一粒，正！.蝦同樣好脆，default一條係唧沙律醬，另一條係千島醬，味道正路既可惜有少少油.🔹薯花4號 (薯花配香芋地瓜球) $32👰🏻:🌕🌕🌕🌕🌖🤵🏻:🌕🌕🌕🌕🌖呢個組合真係邪惡到震炸薯花唔會太硬脆，外面一層薄薄既脆皮，包住中間勁多薯蓉，口感好綿密。

配埋黑松露味沙律醬食😍😍店家仲要怕黑松露唔夠，整多一pat俾你，真係不得了！.食完咸野食甜野，係我最愛既芋泥，仲要俾炸過既煙靭地瓜球包住，食起黎酥酥qq的🤤

眾所週知葵廣小食數不勝數，位於三樓的TOP世界亦是其中一個美食集中地，日新月異，幾乎每次來到都有新店進駐，在街知巷聞的卷之屋附近又發現了這間台式小食店——刈Bao台式創意小食。

從遠處已經看到店外貼滿密密麻麻的便利貼，形成色彩繽紛的連儂牆，最近更兼賣聖誕卡將收益撥捐星火。

傳統刈包一般配以滷五花肉、花生及芫茜等材料，但這裡更別開生面創作出手撕牛和麻辣雞等其他新款刈包，另外更有各式各樣的炸饅頭、小食、甜品和飲品。

黑松露雞刈包 ($18)刈包外層饅頭即使放涼後亦保持濕潤鬆軟，中間夾著炸雞粒和椰菜絲，黑松露沙律醬令整體香氣更加濃郁。

辣芝滋軟殼蟹炸饅頭 ($32)饅頭即場切半油炸，故裡裡外外均炸至金黃酥脆亦不會過份油膩，餡料與饅頭之間更有一片生菜作間隔，避免饅頭受醬汁影響而變得濕軟，軟殼蟹加上芝士和辣味沙律醬更加惹味。

香芋地瓜球 ($25)地瓜球炸得外酥內軟，口感煙韌軟糯而不黏牙，香甜芋頭味更愈嚼愈濃。

3.6牛乳雪花糕 ($20)雪花糕外層裹上椰絲，質感軟滑且細緻綿密，帶淡淡溫醇奶香，甜而不膩。

值得一提的是老闆和老闆娘謙恭有禮的待客之道，在我們點餐猶豫不決時為我們推薦和介紹各款美食，又在我們吃得狼狽不堪時為我們提供紙巾。

良心店舖毋庸置疑本就值得支持，縱使撇除其他因素，單論食物質素與服務態度已經物超所值。

又到星期六同媽媽行街街嘅日子，去咗細個成日去嘅葵芳XD，呢到真係好正，因為比起旺中更平民更MK！如果講要掃街，食小食，真係葵廣敢認第二，無場敢認第一😎。

3樓真係超多人，成個迷宮咁，周圍都係食物同人。

我哋捐窿捐罅，喺TOP嗰邊入面有條街全部都係小食店，轉角位有間勁養眼嘅舖頭，無他嘅因為有成大幅連儂牆，差啲連舖名同餐牌都遮埋😝。

另一邊就有好多食物圖片同雪櫃，樣樣都好吸引，好想食🤤，加上台灣食物連我媽都啱。

由於餐廳名叫刈bao，就一於試試招牌菜吧XD。

我見就見得多，但食真係第一次，同埋我而家先知刈包係讀「掛包」，而唔係「劉包」🙈。

刈包又名虎咬包，饅頭包膜夾住唔同嘅餡，有67款選擇。

$18/1個，$30/2個，所以我哋一人叫咗一款。

古早味腩肉刈包，呢個可以講係原味吧，包膜內包住一塊豬腩肉🐷，花生碎、辣菜甫同生菜等！成個組合食喺嚟超夾，但有少少辣🌶，而且新鮮整起，個包包熱辣辣超鬆軟呀😋。

手撕牛刈包，呢個包就夾住滿滿嘅手撕牛肉🐮，上面再搭幾粒紅薑點綴。

咬咗一啖我就上癮了，因為啲牛肉好正好入味，雖然係一絲絲，但完全唔鞋口，連埋個包食一流。

由於好食😋嘅關係，會覺得個包包比較迷你，唔夠喉。

另外，我哋都要咗一份綜合5號($30)，即係有鹽酥雞同香芋地瓜球，份量唔算多，勝在熱辣辣炸起。

鹽酥雞🐔個炸皮唔會太厚，所以食到大啖雞肉，食得出有啲孜然粉味，但味道相對都係比較清淡，我自己就鍾意食濃味少少。

至於炸香芋地瓜球就有3粒，外脆內軟，QQ口感，甜甜的，唔錯😛。

總括嚟講，呢間小食店都幾好，主打台式小食，但唔係剩係得鹽酥雞/大雞扒咁單調。

而作為小店名字嘅刈包就真係好出色，特別係佢哋唔止古早味一款，推介手撕牛🤤，再加上呢到嘅刈包係迷你版，所以可以一次食多幾款口味。

老闆娘斯文有禮，會問我哋有無乜想食，簡單介紹下。

呢日嘅軟腳蟹賣哂😭，如果唔係都想試下。

環境就比黃黃嘅氣氛包圍，但有啲熱，應該係商場問題🙈，呢間小店喺轉角位，相對大小小，所以都有張高枱方便立食。

最後，小店加油💛。

間唔中都會嚟葵廣掃街，淨係一個3樓已經夠你食上大半日😋😋除咗出面林林總總嘅小食店，TOP世界入面堪稱3樓嘅新世界兼世外桃源特別係作為一個真正嘅香港人，入到嚟率先被一段彩虹memo連儂路所震撼及感動😍😇今次就停留咗係呢間夠晒「黃」嘅刈包🐷一邊品嘗小食一邊細味小店風情★★★★★古早味腩肉刈包 $18@1 $30@2非常具台灣特色的招牌刈包有豬腩肉、花生糖粉、菜脯、生菜絲、酸蘿蔔，包食落感覺鬆軟裡層嘅腩肉用秘製醬汁腌製再慢火煮4個鐘，相當誠意製作咬落口感非常香濃軟淋，肉質肥瘦有致，食落完全唔會覺得太肥膩再配上酸蘿蔔，生菜甘筍絲等，夠健康又能去肥膩感★★★★麻辣雞刈包 $18@1 $30@2好微的辣度，不常吃辣的人都能接受到雞肉嫩滑juicy，配上特別醬汁夠晒惹味包身索滿麻辣雞d醬汁，食落唔會乾身再佐以生菜絲等同樣十分搭配★★★★綜合5號(鹽酥雞+香芋地瓜球) $30鹽酥雞炸得非常香脆，炸粉薄身，雞肉滑溜再灑上椒鹽調味，簡簡單單又酥香地瓜球新鮮熱辣辣，炸得外脆內軟，小心一咬開，熱辣辣嘅香芋味撲鼻而來😻咬感偏地瓜嘅香脆軟糯，食落更偏濃厚嘅芋頭香芋泥夠晒足料，整體酥脆香甜，高質！★★★★★黑松露醬薯花 $25薯花係將薯仔壓成蓉再炸，賣相整成扭紋花咁更吸引份量仲好多tim！表層炸至微微香脆，內裡薯蓉夠晒軟綿香滑，完全唔會乾最正係佢俾好多黑松露醬🤩更香更層次食完駐足細味連儂墻片刻，亦可親自寫寫畫畫一張雖說微不足道亦算是可表達身份認同的小小途徑💛另仲有大大小小的精美卡片可取繼續加油，一起堅守信念走下去刈Bao台式創意小食整體評分★★★★★地理環境★★★★葵廣旺場位置小店只可立食，非常熱鬧服務★★★★★老闆同員工都非常nice非常熱情，主動介紹各種美食影相打卡時仲留意到我影緊幫我擺靚d位😳💕食物★★★★人流較多，等候時間會稍長但所有食物都是即叫即製，能保持良好質素水準👍🏻種類亦包羅萬有價位＄價錢相宜，CP極高

今日黎到葵廣食野，第二站就黎到呢間刈包專門店啦，刈包係臺灣傳統小吃之一。

簡單黎講就係蒸饅頭內夾滷肉，但呢度就比較新式，入面就變左唔同款既特色餡料😍😍🤩🤩麻辣雞刈包 $20值得留意呢度係迷你刈包，比起傳統來講比較細，但係葵廣細細地先留到肚食其他野架ma👍🏻👍🏻係咪？講番個包本身，麻辣雞好惹味，唔會太辣，雞又少少脆，幾好食👍🏻👍🏻包本身唔會太厚又細細舊，唔會太頂肚，唔錯整體黎講質素不錯，可以一戰👍🏻👍🏻

刈Bao台式創意小食餐單提供台灣菜, 小食店等推介美食位於葵芳區，餐廳座位數未知人均消費約$50以下，結賬可以用AlipayHK,支付寶,現金。

您對於葵芳餐廳「刈Bao台式創意小食」有何 comment？

刈Bao台式創意小食餐廳詳細資料：

• 刈Bao台式創意小食地址:
  葵芳葵富路7號葵涌廣場3樓TOP世界3069-T26&T27號舖
  Guabao, Shop3069- T26& T27, Top World,3/ F, Kwai Chung Plaza,7 Kwai Foo Road, Kwai Fong
• 刈Bao台式創意小食電話:  
• 刈Bao台式創意小食價錢: $50以下
• 分類: 台灣菜, 小食店
• 座位: 未知
• 付款: AlipayHK,支付寶,現金
• FB專頁: 刈Bao台式創意小食 Facebook

更多刈Bao台式創意小食相關資料:

• 刈Bao台式創意小食分店
• Youtube
• Facebook
• Twitter
• Google