三和 葵芳

三和 評價 相片

葵廣掃街多到眼花撩亂，到底邊間試得過呢？給大家推介一下呢碗「重慶拌麵」😆 $25麻辣手撕雞、雞腎、豬耳三款都有😍 (我仲以為得一種...)然後加上黑醋、辣油、花椒粒🤤 再撈撈撈就食得啦💖 麻辣手撕雞幾惹味 但係唔夠辣🙈🙈🙈雞腎、豬耳就唔係太入味。

不過夠腍😳整個撈麵靠著黑醋的酸味😆仲有d蠶豆粒&海帶絲😜 口感不錯的還是嫌佢麻辣味不夠！！！消暑良伴👏🏻👏🏻近來見佢地都再開左分店，我個人認為$25都算OK抵食，不過只靠黑醋味道帶出整個涼麵的味道可能令人回頭率不高，希望可調高麻辣比例～

去到葵廣唔掃番幾間食店好似對唔住個肚咁😂係3樓見到呢間好似幾抵又試下～👉🏿✨重慶套餐 Hkd 25💸📌我揀左涼皮，職員話係用米做既，但食落有啲臭臭地，好奇怪😂但送就有幾多，手撕雞，雞翼，豬耳，全部都足料喎，但個豬耳又係好似臭臭地咁🤦🏽‍♀️抵係幾抵，料係幾多，但味道真係普通啦，試下好嚕～

葵涌廣場嘅美食越開越多， 已經有一段時間冇來了，咁岩今日同朋友到附近商場做facial，一場黎到，就當然要掃下街啦。

我地決定先上3樓行一轉，而第一個吸引我地嘅食物，就係涼拌涼皮了。

其實吸引我哋嘅唔單止係涼皮，更因為佢嘅價錢，哈哈，大大碗都只係$15，梗係要試一試！分別有三款麵可供選擇：涼皮，涼面同酸辣粉另外仲有得+$10，有齊手撕雞，豬耳，豬珍同豬雜。

重慶涼拌涼皮（$15)由於我哋想留肚試多啲其他嘢食，所以就叫咗淨涼皮。

老闆娘會加炸過的青豆同炸菜落麵中，增加口感。

脆豆真係好脆好香口，撈埋涼皮一齊食又幾夾。

佢地嘅涼皮食落比較硬身，口感普通，反而佢地嘅醬汁就幾正，食落有麻油香，怕辣嘅我嗌左少辣，但都好夠麻好惹味！但其實淨麵都已經好大碗好聚手$15真係好抵食！呢個價錢很可以！糧尾嘅寶寶首選哈哈另外鋪頭旁邊有一壺雪梨湯比客人自取，飲落偏甜，但好能夠解辣，怕辣嘅我一到食都飲咗兩杯。

又黎到葵廣，又係搵新野食既時候！睇黎好多香港人同我一樣中意食麻辣川味野，麻辣鋪頭愈開愈多，好正呀，又多左野揀！_________________________🔹麻辣拌涼皮 $25開頭以為只係其中揀一款配料再拌面，點知原來係四款有齊晒，分別係手撕雞，雞胗，豬耳同豬雜，岩晒我呢啲選擇困難既人，每樣都可以試下😂👍🏻👍🏻👍🏻.麵底方面都有三款您揀, 可以揀涼面，酸辣粉或者涼皮。

涼面酸辣粉成日見，而且我平時去上海鋪幾乎必嗌雞絲粉皮，就一於揀涼皮喇！.見老闆同老闆娘好熟練咁執料，落香油，香菜同調味，一路整仲一路笑笑口，覺得睇住佢地整既過程都好治癒。

.拎到上手都幾重手下，真係好足料，就咁食呢個都飽八成。

一打開好香香油味，即時已經流緊口水！配料真心多，亦夠香夠麻，唯一不足就係唔夠辣😭本身啲肉亦應該無點醃製過，所以真係靠掛上去既調味同辣椒粒，重口味人士可能唔係好夠力。

豬雜係啲豬手肉，豬爽肉咁，selection 好好！.另外，要大力讚既係佢加左啲脆豆，好脆好香口, 每一啖都食到啲脆口野再加麻辣涼皮感覺好多層次！(放心唔係好難食既青豆拎去炸).您話好好食又未至於，不過勝在配料多，又夠香，不過係咁多美食既葵廣就唔係特別出色，但都值得一試既。

同埋，佢個份量大到我飽左，攪到我戰鬥力下降左好多😂

上次黎葵廣仲未見到呢間店應該係新開既？呢間三和當日去到都見幾多人食好多人手上都有拎住每碗麵都係即叫即撈首先係揀麵有d後悔無選到薯粉感覺薯粉好似好食過普通麵今次就要左個手撕雞涼面$25其實佢配料都幾多 雖然係叫手撕雞但都有豬耳鴨腎同埋d炸過既青豆不過相對手撕雞既分量就好少味道方面個人覺得係幾辣 由於本人唔係太食得辣但同行友人就覺得唔辣佢撈麵既醬汁幾好食 有麻辣香個腎幾好食但炸過果d青豆就有d奇怪 總括黎講 成碗分量都幾大 幾抵食

三和餐單提供東北菜, 粉麵, 米線, 小食店等推介美食位於葵芳區，餐廳座位數未知人均消費約$50以下，結賬可以用現金。

您對於葵芳餐廳「三和」有何 comment？

三和餐廳詳細資料：

• 三和地址:
  葵芳葵富路7號葵涌廣場3樓K27號舗
  三和, Shop K27,3/ F, Kwai Chung Plaza,7 Kwai Foo Road, Kwai Fong
• 三和電話:  
• 三和價錢: $50以下
• 分類: 東北菜, 粉麵, 米線, 小食店
• 座位: 未知
• 付款: 現金
• FB專頁: 三和 Facebook

更多三和相關資料:

• 三和分店
• Youtube
• Facebook
• Twitter
• Google