Maker 葵芳

Maker 評價 相片

有次誤打誤撞經過呢間小店，好唔起眼，以為佢又係一般嘅台式飲品店，再望真啲，雖然都有黑糖同牛乳，但佢mix and match左唔同嘅材料，變岀一啲比較特別嘅野飲。

店面分左兩part，一邊係賣野飲，另一邊有部夾公仔機。

有幾個學生哥都圍住部公仔機，所以無影到。

望下menu，主要分左“迷你冰團”，meiji4.3牛乳系列，梳打，同無糖茶/花茶。

今次試左兩杯野飲，兩杯都有驚喜，好高質素，飲得岀用靚料去做而且價錢好親民，所以都見到有唔少學生哥幫襯。

不過老闆自己一腳踢，沖野飲，寫語錄，收錢都係自己搞掂，所以買野飲可能就要等一陣啦。

下次想試埋佢個“迷你冰團”系列好似好多配料好吸引有heart做 有質素嘅小店係值得支持嘅

老細屬於家庭式作業，成家人都好好人，超nice,有時唔趕時間買杯野飲都會同佢地吹十分鐘先走，買既除左野飲外，仲有人情味至於野飲方面，個人偏好黑糖仙草鮮奶，飲得出係用靚黑糖, 唔係用其他糖攪果d, 一杯都係廿蚊，超值

基本上依家好多時都會經過葵廣買下野食做晚餐，今次心血來潮想買野飲下，但係依個葵廣裡面既手搖飲品店真係五花八門，最後俾依間小店既裝飾所吸引......好大個姜Daniel...老闆話係D學生幫佢佈置_"明顯依間小店係家庭式經營，老闆兼師傅係一個後生仔，全部飲料都係佢負責晒，其他人負責畫杯。

無錯，間舖會好有心思喺D飲品杯畫D公仔讓佢地變得與別不同，好有heart！而我同太太就叫左兩杯飲品試下~太太飲左沖繩黑糖3.6牛乳，因為係用左牌子貨，奶味很重，黑糖也很到位，只賣廿蚊雞，CP值高~我就叫左杯熱日本焙茶牛乳加仙草凍，淨係個樣都加晒分，拉埋花，焙茶味道很濃郁，依D天氣好岩飲~講真D飲品係世界級一定唔係 但CP值超高 老闆喺飲品裡面既心思位已經值得支持...香港人 請支持一下本地小店 唔係下下XX堂既~

眾所週知，荃灣葵涌廣場係"隱世搵食天堂"，當然有好多好西亦有唔少伏嘢。

由於我住得遠，隔三四個月先會去葵涌廣場一次；而每次去都會捐窿捐罅搵好西! 今次搵到依個逃離美食戰區嘅 Maker. 店舖位於較偏遠位置，如果唔係去買護膚品都唔會發覺有間新開甜品店。

一望落去，舖舖好colorful，一邊仲有打咭位，影相一流；而且Menu一目了然~ 嘢飲方使好多選擇.. 咖啡.. 自家製花茶.. 而老闆就建議我哋飲個新產品 巨峰提子乳酸梳打! 本身想要咖啡 因為見到舖舖有部即磨咖啡機傳出陣陣香味.. 但由於天氣太熱結果都係要凍飲同埋要咗杯女神刨冰先講乳酸梳打: 味道★★★★1/2 性價比★★★★★就咁睇超靚!! 有藍x紫漸變色.. 好eye catching! 老闆話因為加咗少少碟豆花所以做到漸變效果 飲落口味道好正.. 乳酸份量剛剛好 ! 真係提子有提子味. 最緊要性價比高$20大大杯. 行完一圈都未飲哂!另外友人買咗杯女神刨冰 : 味道★★★★★ 性價比★★★★★為食嘅我哋一杯飲味又點會滿足. 經老闆介紹吓試咗依款女神刨冰 (btw老闆好吹得, 有問必答! 好friendly)WaWaWa 大杯到我地2個share都夠食~仲要有成45種topping! 出邊邊到會食到~老闆仲話為咗整刨冰買咗個冰櫃, 確保客人食嘅飲嘅都乾淨! (超有客人心~)唔覺唔覺都吹咗成個鐘  下次一定會再去!!

Maker餐單提供港式, 果汁等推介美食位於葵芳區，餐廳座位數未知人均消費約$50以下，結賬可以用現金，Booking訂位可以電話致電 21571157 查詢。

您對於葵芳餐廳「Maker」有何 comment？

Maker餐廳詳細資料：

• Maker地址:
  葵芳葵富路7號葵涌廣場2樓C155號鋪
  Maker, Shop C155,2/ F, Kwai Chung Plaza,7 Kwai Foo Road, Kwai Fong
• Maker電話: 21571157
• Maker價錢: $50以下
• 分類: 港式, 果汁
• 座位: 未知
• 付款: 現金
• FB專頁: Maker Facebook

更多Maker相關資料:

• Maker分店
• Youtube
• Facebook
• Twitter
• Google