Asador 葵芳
最後更新:
Asador推介
Asador的西班牙海鮮飯是即叫即做, 用料上乘, 有大蝦﹑青口﹑魷魚, 飯則用西班牙米, 口感煙韧。
葵芳Asador
| 餐廳分店 | Asador |
|---|---|
| 地區 | 葵芳 |
| 電話訂位 | 沒有電話提供 |
| 餐單 Menu | 地中海菜, 西餐廳 |
| 人氣指數 | 944 |
| 價錢幾錢 | $101-200 |
Asador訂位位於葵芳區，詳細地址是葵芳興芳路223號新都會廣場4樓488-490舖，餐廳寬敞座位數目共有未知幾多個。Asador幾錢？價錢優惠後人均消費大約$101-200埋單，早餐午餐晚餐Asador餐單包括有地中海菜, 西餐廳等美食，付款方式有Master,現金,AE付款。
Asador優惠
Asador 評價 相片
中午響葵芳新都會及葵涌廣場一帶人多到不得了，仲逼過旺角，要揾食真係好難，不論平貴周圍都要排隊。
諗住食西餐會易D揾位，點知新都會地下嘅A1條隊好長，不如豪D走上嚟睇吓有冇位，果然有位仲要係坐室外望住個廣場，幾有外國情調，唔怪得全部客都係外國人。
午餐$108有前菜、湯或沙律、主菜（響main menu任揀一款）、甜品、餐飲。
前菜有3小碟包括醋浸蕃茄碎、薯仔沙律及魚醬，款式多味道都幾好，麵包籃有一件香草包及三件法包，份量不少但完全都係凍嘅，D法包仲切到唔齊口，賣相十分差。
用前菜嚟送麵包都唔錯，食完都飽咗一半。
湯係蕃茄湯都好濃而且非常熱，好少食到D西餐嘅湯會咁熱。
主菜揀咗燒乳豬要加$10，乳豬有三件，兩件有肉另一件淨係得皮，有肉個兩件皮脆肉嫩，好正，但千祈唔好同中式乳豬比，完全係兩樣食法，淨係得皮個件係「沙梨篤」D皮又淋又無肉。
甜品要幾款揀，要咗homemade cheese cake，芝士味十分濃郁，而杯咖啡都唔錯，食得悠閒又滿足的一餐。
夠竟呢間標榜地中海食品夠唔夠正宗，我無去過地中海就唔知，但係見隔籬檯有幾位講西班牙話嘅外國人都食得津津有味，水準可見一斑。
記九月下旬納悶之夜有時覺得無路可退，但突如其來的一退時又出現另一方面擔心，納悶．．．獨個兒到附近找處無人打擾的地方吃些簡餐，打發心情。
來過幾次，是間幾好坐的餐廳，拱形窗花及陶碟裝潢帶著Ole影子，簡約coz，客人亦不多，比新開張時冷清。
坐到二人檯，看看餐牌，驚見侍應奉以開水，餐牌上各式其式特價套餐，生意難做，店方亦要向現實低頭。
招牌作西班牙烤乳豬吃過兩次，無驚喜，而西班牙海鮮飯獨個兒吃不下，要了港式煎牛柳套餐配意粉，索價八十八包湯及飲品。
先來番茄湯，鮮茄與茄膏組合，帶點鮮茄酸味，番茄籽都挑走了，熱喝起來很潤滑，乾香草下了等於無下，半賣半送餐湯滿意了。
經理見餐湯喝得七七八八才奉以牛柳，厚切牛柳約四安士左右，貫徹西法炮製用坑爐燒出網紋，皮焦、肉芯滲出嫣紅肉汁，火候不錯，肉無經化學過，談不上細嫩，但口感自然帶肉味，份量不多所以伴碟的自製青胡椒汁亦不須用上；另一面是港式意粉，快熟長條意粉，口感不算粉腍，汁很認真的用上海鮮湯兜炒，鮮濃，味道還不錯。
要向市場口味低頭，骨子內卻不肯徹頭徹尾換作港式做法，這樣也好，起碼照顧到附近客路，埋單九十九元，連環境計幾抵食，希望可以繼續做下去，至少心情唔好時會來吃Tapas。
"開花"同"開心"兩位朋友,月前吃過Ole,現今想吃埋Ole的細佬,在葵芳新都會內的Asador,本來是她們兩個人撐檯腳的飯局,到最後竟有一打人出席,非常高興.兩兄弟的風格有所不同,前者是正宗西班牙餐廳,而後者是供應地中海菜式,自然沒有那些5個J的火腿,Tapas等西班牙風味.不過亦有Ole最出名的燒豬,同西班牙海鮮飯供應.價錢方面,Asador的價錢,比Ole親民好多,一客二人前的Paella大鑊飯,$180一客.如果要個西班牙燒豬呢?主菜價$130,原隻上的話,就大約$900一隻.每個主菜加$10可加餐牌上任何一款湯,再加$10就有甜品.如果不叫餐牌上的主菜,亦可以叫其他套餐,幾十塊錢有交易.這夜一行十二人,每人叫一個主菜,再加一個湯,所有主菜兜亂吃,另再叫兩個Paella,一個西班牙雞飯.餐酒方面,紅白酒只得一款,一律$15杯,平平地來附庸風雅一番,不好喝的話也不會感覺肉赤.小弟選的餐前湯是大蒜薯仔忌廉湯,質感帶點起沙,喝下去大蒜味不彰,如果將大蒜之名刪去,說薯仔忌廉湯就差不多.其他朋友點的海鮮湯,他們說越喝越咸.最好似是個西班牙火腿清湯.伴吃的麵包,一點也不熱,硬度可以用當硬物來襲擊.主菜方面,肉眼扒要五成,但給我差不多全熟,吃牛扒吃全熟,對我來說是乏味的一種表現.而燒羊架沒有羊味之外,更沒有味,吃著骨肉相連的肥膏位,更味如嚼蠟.開茶兄來之前看過相關食評,說想一試咖喱牛腩,到最後就要羊腩,咖喱味偏向南亞風情,羊肉做得軟稔.或者有人說來到這兒為何吃這些"唔啦更"的菜式,我又覺得沒有所謂.燒春雞徒具皮脆,吃落一點味也沒有,而且吃到一口油,絕對不是說笑,燒肋骨落重孜然粉去燒,香料味蓋過肉味.肋骨也有點肉吃.但吃慣美式燒肋骨的人,未必會受得到這個土耳其風味."開孖"的M點的通粉,名稱大約已忘記,看看賣相更以為我們點了個兒童餐呢.用茄醬,再加些已切粒的西洋臘腸去煮,面頭更加上開邊的拾蛋,如果小朋友見到,未吃已經開心先.早前吃過Ole的燒豬,現今再吃其"細佬"的燒豬,這處做得比較略為遜色,外皮燒得不均,豬皮都脆但偏硬,皮下肉嫩滑是應該,如果是硬就乾脆吃回中式燒豬吧.不過兩者價錢差一截,又不能一本通書看到老.再說,每一道主菜,除喱腩之外,所有主菜的配菜也是沿用同一方程式,薯角紅蘿蔔西蘭花椰菜花,全部一樣.兩個Paella,加一個西班牙雞飯,同樣原隻鑊上,統統是二人前的份量.大一點也沒有,吃過Paella的朋友,都大約知道是什麼.Asador雖然不是正規西班牙餐廳,但其Paella也不錯.飯粒短身飽滿,做得煙齦有咬口,面頭的海鮮如蝦,蜆的精華,盡被飯粒吸收,每一口也是濃重的海鮮味道.有人更說比早前Ole大局的Paella好吃.當然二人前的份量,比起十幾人的大鑊飯,更加容易駕馭.另一個西班牙雞飯,味道當然不能比.在飯上面的雞翼,更被"開花"稱之為"小兒麻痺雞翼".小弟說過吃一頓法國菜,沒有美好的甜品作終結,就等同沒有高潮.如果將這個理論套用在這一夜,更差點兒臨尾香.水汪汪如蒸水蛋的Creme Brulee,這夜就有幸品嘗到,開茶兄更評為Dessert of the year.事後經理出來解釋:{這個是西班牙風格的Creme Brulee.}我未吃過,沒有去對証,其他的Tiramisu,一刀過,切下去感受不到多層次感覺,已經不妙.紅酒梨不過不失,最穩當的,還是食雪糕."開孖"的W說之前不是有人在餐廳內唱歌來娛慶嗎?這夜沒有人唱著月亮代表我的心,只有播著中學年代常聽的舊歌Eternal Flame,同年前的魚蛋歌系代表作"Big BIg world",談不上有任何熱鬧氣氛,始乎,我們一張長檯的氣氛,比餐廳自家更為熱烈.時裝品牌都有分大婆同二奶,甚至乎妾,如果Ole比喻為Giorgio Armani,Asador最多是A/X級別.在餐牌下角標榜著" A fine dining experience in NT",無錯,是NT,但不是甚麼Fine Dining之級數.無論點,是夜的"花心飯局",絕對是值得高興的一件事,再祝"開花"生日快樂,亦祝"開心"脫離魔掌,同希望早日找到好路數.
前一晚當完三陪，第二天又成為飯伴，一行四人去公司附近、首次感覺驚艷的Asador吃午飯。
這間場內最貴的餐廳環境仍舊優美，午餐價錢未變，$108有自選湯或沙律、主菜及甜品，可惜食物水準滑落不少。
首先來麵包籃，法包仍然香脆可口，但香草包太濕身，扣了分。
我揀了海鮮湯，不鮮不香，淨飲味道過咸，加上法包拌吃才較好。
來到主菜，朋友揀了牛柳，據說第一口感覺不錯，但吃多幾啖就覺過咸。
此處的主菜出了名的量細，結果她連一半也沒吃完，可想而知質素不會很高。
真後悔沒有+$10返炒西班牙乳豬，我點的羊仔扒更不濟：餐廳不知從那裡找來如此骨瘦如柴的羊，六支羊架吃下去感覺還是一陣風；此外最討厭羊肉不香不騷，而且肉質偏乾、有久豐腴。
先天不足也罷，後天的調味醬汁也是水水的，味道令人十分失望；還有配菜的薯仔也不香，無論浪費胃納，唯有留肚給甜品。
甜品上次試了Tiramisu(不錯)與Creme brulee(不夠熱)，今次揀了特濃朱古力餅。
此餅質地不俗，軟棉棉有彈性，是吸收朱古力醬及雪糕的好材料，可惜向經理爭取加雪糕不果，而且份量又細，令人感覺十分不爽。
有見及此，朋友把她的homemade cheesecake貢獻了大部分給我，不過其實她的餅更細，味道又一般，食畢還是不滿足。
最後來杯熱latte，不夠芳香滋味一般。
唯一開心是賺到多一餐時光；然而我肯定有排都不會重來Asador了。
在葵芳食西餐，我還是最推介Qui!
星期二晚跟好朋友去葵芳ASADOR吃飯, USHER嘅細心指示是日餐牌，場內嘅氣氛一流，諗住大快朶兒，回味一下久違嘅地中海菜…我地叫了豬筋骨和地中海燴雞，先來一客海鮮餐湯和西蘭花湯賣相不錯，可惜隻蜆有陣腥味。
不久豬筋骨先到，(手機映嘅相唔夠光，請見諒。
) 細味一下，發現廚師的技術高超，令面頭嘅醬汁跟豬筋骨嘅味道完全分開，而且各不相干呢﹗所以，豬筋骨嘅肥豬肉特別搶眼，方便揀佢出來囉﹗其間地中海燴雞到了，我真係唔識嘢，兩件雞肶加一件雞胸，上面淋了五顏六色嘅醬汁，入面有青椒﹑橄欖等，原來d醬汁係酸嘅。
我同朋友都吃不下，好彩冇叫跟飯﹑意粉之類，如果唔係又嘥晒！我真係好懷念年前吃過尖咀厚福街間 OLIVE，舖仔細細簡單裝修，嘢食好味新鮮，但無端消失唔知去咗邊。
請問邊位知道那家食肆搬咗去邊，麻煩講聲，拜託。
Asador餐單提供地中海菜, 西餐廳等推介美食位於葵芳區，餐廳座位數未知人均消費約$101-200，結賬可以用Master,現金,AE。
您對於葵芳餐廳「Asador」有何 comment？
Asador餐廳詳細資料：
- Asador地址: 葵芳興芳路223號新都會廣場4樓488-490舖 Asador, Shop488-490,4/ F, Metroplaza,223 Hing Fong Road, Kwai Fong, N T, Kwai Fong
- Asador電話:
- Asador價錢: $101-200
- 分類: 地中海菜, 西餐廳
- 座位: 未知
- 付款: Master,現金,AE
- FB專頁: Asador Facebook
更多Asador相關資料:
香港餐廳2026推介9月