The Americano 荔枝角

The Americano 評價 相片

繼續撐「黃店」~兩公婆 , 今日到 荔枝角億利工業大廈 的 The Americano 食 lunch ~Menu ~Lunch set 包括了 湯或沙律、主菜、餐飲餐湯 (週打海鮮) : 喝得出有濃郁的海鮮味, 亦吃到魚肉 , 但質地偏稀 , 不過若不是太奄尖的話 , 還算 OK 的 ~Philadelphia Cheese Beef Burger 費城芝士牛肉漢堡包 : Burger 的兩片包烘得外脆內軟 ; 牛肉漢堡扒香口惹味 , 肉味香濃且滿有肉汁 ; 配上濃濃的芝士，和三色燈籠椒 , 非常邪惡 ~USDA Angus Beef Chuck Top w/Chimichurri Sauce 香煎美國牛腹扒配南美特色香草醬 : 我點的熟度是 Medium Rare, 牛腹扒肉質軟嫩 , 味道濃郁 ; 配上味道微酸微辣 , 且帶有滿滿香草清香味的 阿根廷青醬 Chimichurri sauce, 實在好吃 ~Iced Americano : 啡味正正常常 , 酸道一般 , 味道踏踏實實 , 還不錯喝 ~本篇完 ~

🥢荔枝角工廈內工業風西式美式餐廳🥢荔枝角呢棟工廈內，發覺原隻有好幾間不同的餐廳美食，今次就試下一間主打食漢堡包的美式餐廳，餐廳裝修感覺很工業風，而且開揚闊落幾好坐🥢招牌德州烤牛肉芝士漢堡 $138漢堡包厚厚的一大個，麵包較有質感的口感，有空氣感之中帶點厚實，有洋蔥圈同勁多芝士，漢堡扒肉味重，拌以粗薯條份量都夠曬多🥢10 安士美國安格斯肉眼扒，燒露荀配黑松露燒汁 $248上檯時已經充斥住很香的松露味，安格斯肉質軟腍有牛肉香氣，油脂感平均地分佈，露荀配上黑松露汁香味更惹味🥢餐蜜桃菠蘿特飲+$8可愛胖胖的玻璃杯有更覺有冰涼感覺加上清新蜜椒菠蘿香氣更啱熱辣辣的夏天🥢凍美式咖啡 +$3香濃的美式咖啡，我比較喜好沒有太多酸度的美式，呢杯啱飲🥢地方幾好坐之外又交通很方便，而且好適合約附近放工的朋友一齊去，感覺可以唔洗趕，又傾到計的地方

我今日要farewell同事問佢想食咩佢就指定呢間餐廳原來佢上一份工farewell都係呢度特登早幾日喺OpenRice book位啱啱好一行8人唔超過限聚令職員就早一日WhatsApp我比餐牌我睇咁我就gather好晒其他人食咩嚟到就唔使等咁耐呢度最出名就係食burger試過幾款都幾好食其他食物反而試過都覺得麻麻地個burger份量好大 食唔晒味道都非常好 好抵食薯條都係炸得剛剛好個餐仲包埋飲品 同沙律或者湯

大家既印象一定會覺得工廈好似好污糟好舊咁，其實依家既工廈己經發展得好好，入面仲開咗唔少特色餐廳，質素並唔會比外面商場/地鋪既餐廳差，所以就等我幫大家發掘下香港工廈既隱藏食店啦！！！！！今次既第一間工廈美食店就係The Americano @theamericanohk 啦，佢係位於荔枝角億利工業中心，而佢有別一間分店就係位於旺角朗豪坊既Texas Burger。

呢兩間都係美式餐廳，佢地主打啲咩，你睇個名都估到係burger啦。

其次仲有pasta, risotto, salad 同牛排呢啲揀😋。

而旺角朗豪坊分店仲多咗墨西哥菜式，例如係墨西哥芝士夾餅、墨西哥卷等等。

滿足曬唔同人既需要，而最最最重要既係佢所有嘢食同飲品都賣相滿相，連張枱都係雲石花紋，岩曬用嚟打卡、呃like用📸📸。

飲品方面選擇都幾豐富，除咗咖啡 茶，仲有特飲, 水果茶同cappuccino。

夜晚仲會有milkshake 😍.龍蝦忌廉汁青口蝦球意大利麵($138)好足料嘅pasta🥰 有成67粒青口仔，平時出街食飲最唔鐘意就係食蝦，因為要自己剝，搞到隻手污糟曬，但佢好貼心咁，蝦係已經剝左殼而入面魷魚係好彈牙。

Pasta個汁就幾濃忌廉味，味道上好滿意，只不過有少少乾，如果再多啲汁會更好！餐湯幾濃郁，並唔似係罐頭濃湯，同一般茶記好稀好水個種係唔同，湯入面係有少量蜆肉，但可能我口味比較清淡，我認為略咸。

蜜桃茉莉花茶，本身以為只係茶包沖水，原來唔係。

佢係花茶帶少少甜味，我就覺得幾好飲，但我對茶就冇太大研究，所以就唔作太大評價。

份量幾大，絕對足夠1個女仔食。

.午市套餐(12:0016:00)配餐湯/沙律&飲品 ($88$208).📍荔枝角長沙灣道883號億利工業中心1樓12室交通：荔枝角D1出口

依家有唔少工業大廈都開咗不同類型嘅餐廳，工廈雖然感覺好似好舊好污糟，但只要餐廳入面乾淨整潔都幾值得去發掘嘗試。

今日就先試呢一間西餐啦！餐廳入面基本上都整齊嘅，餐具枱面都算乾淨，我叫咗個set lunch, 烤芝士牛肉漢堡，有餐湯+飲品。

餐湯我就冇影相啦，因為賣相好茶餐廳feel🤣其實一間kind of食美式嘢嘅餐廳，都應該要注重下D器皿，話晒你唔係收緊茶餐廳價。

至於個牛肉漢堡，整體味道都可以。

芝士包住整個漢堡扒，鐘意食芝士嘅會覺得好正，只係漢堡扒略嫌唔夠juicy, 可以烤得耐咗啲，調整返應該ok。

粗薯仔好味，呢個完全冇問題😋

The Americano餐單提供西式, 美國菜, 咖啡店等推介美食位於荔枝角區，餐廳座位數60人均消費約$101-200，結賬可以用Visa,Master,AlipayHK,支付寶,現金,Apple,Pay，Booking訂位可以電話致電 37099626 查詢。

您對於荔枝角餐廳「The Americano」有何 comment？

The Americano餐廳詳細資料：

• The Americano地址:
  荔枝角長沙灣道883號億利工業中心1樓12室
  The Americano, Flat12,1/ F, Elite Industrial Centre,883 Cheung Sha Wan Road, Lai Chi Kok
• The Americano電話: 37099626
• The Americano價錢: $101-200
• 分類: 西式, 美國菜, 咖啡店
• 座位: 60
• 付款: Visa,Master,AlipayHK,支付寶,現金,Apple,Pay
• FB專頁: The Americano Facebook

更多The Americano相關資料:

• The Americano分店
• Youtube
• Facebook
• Twitter
• Google