陳財記 荃灣

陳財記 評價 相片

難得放低阿仔二人世界、所以食個快飯先。

見尼間裝修左 好似望落環境乾淨又企理，所以就入去試下啦。

之前一直都去開對面個間，今次試下啦。

叫左個油鹽水花甲欖菜四季豆同埋密椒薯仔一口牛首先檯有碟花生 唔係送既！ 要十蚊一碟明焗你要食架啦！好彩都叫脆口。

上左花甲先⋯⋯黎遠都聞到陣味⋯⋯有d腥！首先 我想講碟野唔係花甲！花甲係長身呈橢圓形！尼個分明係蜆！ 所以有腥味！油鹽水花甲⋯⋯ 唔掂 冇鮮味！蜆肉又老又細⋯⋯ 仲差唔多成舊水！欖菜四季豆⋯仲衰！火力過猛 欖菜有燶味 好似乾炒牛河燶底咁食左少少成碟冇食！薯仔一口牛不過不失，當然冇深水步出名個間咁好食！牛肉「那」到冇左肉味，係薯仔做到少少脆身！咁餐大失所望！都係食返對面個間算！

入到店內已經被各式各樣啲美食海報吸引眼球😍餐牌上食品款式同種類都比較多同特別（我自己建議留意下餐牌上既推介菜式）我一行三人，點咗5個餸：蜆介肉碎通菜煲（👍🏻👍🏻👍🏻），滷水鵝片，椒鹽鮮魷，桂林醬爆鱔片同墨魚滑釀藕餅。

先講講鵝片，望落去比較肥（心諗啲肥膏一定食到成口油，又膩）第一件點咗少少蒜蓉醋食，嘩，好食！👍🏻唔覺肥膩，滷水味幾特別，鵝肉滷得好入味連肥膏放入口唔覺肥膩！墊底既豆腐都算滑。

第二味：蜆介肉碎通菜煲，呢個真心推介食，通菜炒得好靚，食到啲通菜有甜味，蜆介肉碎都好拌飯食，唔會好咸。

第三味：椒鹽鮮魷，非外面一般厚厚粉炸成，外面簿簿一層脆漿炸起，件件都好大舊，好脆口送酒一流～（不過，我今晚無飲）🤭第四味：桂林醬爆鱔片，鱔片都好新鮮，配料都多但比較咸咗啲啲。

第五味：墨魚滑釀藕餅，新鮮炸起熱辣辣，墨魚滑彈牙，蓮藕新鮮爽脆，但呢個略賺唔係好夠味，但如果想食清少少口味既炸物，呢個值得食！👍🏻5個餸加一罐可樂，一個白飯盛惠$468真係抵食，每碟餸份量足，新鮮夠鑊氣！到荃灣值得去食。

（雖然位置上唔算太好，但真係風味夠，每碟餸都有心機👍🏻👍🏻）

天氣開始轉冷，即刻心思思好想去食下小炒，即炒即食真係諗起都暖曬。

今次一於試下想試好耐嘅新陳財記，去到都就嚟10點，三陂坊依舊好熱鬧😄有時食大排擋，就係要夠嘈夠熱鬧先有氣氛😆去得大排擋，一定要食返煲啫啫雞煲🤩上菜嘅時候仲聽到個煲發出霹靂啪喇嘅聲就覺得好正，肯定係熱辣辣先啦！雞肉夠滑又唔會太咸，沖同姜都好香，正！仲有就係鵝腸啦，豉油王鵝腸本來係芽菜底，我就轉咗做白菜仔，鵝腸好入味又爽口，豉油味帶甜，份量都吾細架仲有我最愛嘅雞油豆苗！炒得好夠穫氣。

雖然係雞油，但係一啲都唔肥膩，份量亦都好多，豆苗好新鮮整體來講，水準吾錯，夠大碟，三五知己聚埋坐底，選擇大排檔就可以慢慢傾計喇！

夜晚諗唔到食咩，行去三坡坊睇下，見第一間好像到唔錯，入去試下。

叫左個啫啫雞煲，雞油炒豆苗，一支藍妹。

啫啫雞煲普通左小小，唔夠熱，唔夠入味，少左我最愛嘅豬潤。

建議加返豬潤，多D聰，乾聰等配料，會更加香口。

雞油豆苗就唔錯，夠熱夠香，熱辣辣😋。

冬天就係要來返個豆苗。

配返個靚仔，好有住家味。

一面飲返兩杯，食住煙，兩夫妻吹下水。

一般大排檔環境，地返算闊落，唔會吹客走，好過去茶記，未坐暖張凳就比人吹走，好適合三五知己去一路食，一路吹水食飯，一路吹水。

平時都係荃灣食開飯，知道係三岥防有好多餐廳，今次同屋企人去食依間大牌檔，味道唔錯之餘價錢亦十分公道，而且服務都幾好我地一共點左5個菜依個胡椒蝦好惹味，餸酒一流，胡椒辣得黎唔食唔到，幾好，蝦夠新鮮到我最愛既生炒骨喇，依個酸甜度適中，但肉質較實西蘭花炒鮮魷韮菜豬紅煮得十分入味，而豬紅亦幾滑最後係涼瓜炆倉魚，條魚好大條，個汁煮得好香，我地都食唔曬，整體來說都好唔錯，上菜好快，我地下次都會再黎食，仲有好多菜未試

陳財記餐單提供潮州菜, 火鍋, 中菜館等推介美食位於荃灣區，餐廳座位數未知人均消費約$50以下，結賬可以用現金，Booking訂位可以電話致電 24158979 查詢。

您對於荃灣餐廳「陳財記」有何 comment？

陳財記餐廳詳細資料：

• 陳財記地址:
  荃灣三陂坊28號地舖
  Chan Choi Kee, G/ F,28 Sam Pei Square, Tsuen Wan
• 陳財記電話: 24158979
• 陳財記價錢: $50以下
• 分類: 潮州菜, 火鍋, 中菜館
• 座位: 未知
• 付款: 現金
• FB專頁: 陳財記 Facebook

更多陳財記相關資料:

• 陳財記分店
• Youtube
• Facebook
• Twitter
• Google