銀龍粉麵茶餐廳 荃灣

銀龍粉麵茶餐廳 評價 相片

晨早有事同朋友到圓玄學院跑一轉,返落黎仲未過早餐時段,又對正小巴站,地利殺曬!所以人流不絕.同朋友選個卡位坐低,可能自己肥掛,卡位好似幾窄吓,早餐都幾多選擇,就要了出前一丁麵配五香肉丁+花枝卷,另有火腿煎蛋及方包,此外要了一杯凍檸茶,不過是$23.一般茶餐廳,如果改要出前一丁,往往要加錢,但此店卻不用,而且煮得剛剛好,(因為好多時煮唔熟,整個麵餅形狀仲係度,仲要唔係透明色,個人而言係唔好食既)五香肉丁大路貨色,好難唔好食,反而花枝卷死實實,畫蛇添足,比多隻蛋我仲好,凍檸茶大大杯,$23是幾低的一餐.

2個人去食，點了一個炒粉及一個波蘿咕嚕班片，2個都係套餐，餐牌寫明加$2有凍飲，waiter比張單我竟然收我$14一杯，問番佢時就話可能打單時唔小心'hi'到個擎所以打錯，都肯改番，都算喇。

但d野食好唔掂，個波蘿咕嚕魚柳'腥亨亨'，吃了一件已冇胃口再食，都未試咁差既，雖然預左茶餐廳d班片唔會真得去邊，但用d死左9年既魚做既就真係第一次，無下次!!

今晚到了荃灣兆和街銀x餐廳(又名x龍茶餐廳)，找到卡位，已見到一張A3、彩色印刷精美的墊枱紙在枱上，作為一般的食客的我，當然會從那張墊枱紙上點菜。

我點了一個標價$38的中式晚餐，而朋友點了一個$38的西式晚餐。

過了一會兒，待應將電腦單放在枱上時，我那個中式晚餐竟然變成了$48，我當然立刻叫「部長」過來問過究竟。

那個「部長」說那張墊枱紙不是菜牌，是外賣紙，所以我那個晚餐的價錢相差十元，但最奇怪的是朋友那個餐的價錢卻是一樣！而「真正」的菜牌是則放在座位的旁邊幾張過膠咭紙。

我即時向「部長」投訴他們誤導顧客，她竟然狡辯說那張外賣紙上面已寫了「外賣熱線」，所以足以證明那張是外賣紙不是餐單！簡直離譜，其他茶餐廳的墊枱紙或者餐單紙都會有外賣電話啦！明明是他們做錯野還要狡辯，咁樣取巧做生意，兼且那些菜式又不是特別好食，以後咪駛我幫親！後來坐在我們旁邊的那張枱的食客也有同樣看錯菜單的問題，詳細情況我聽得不清楚，但可以肯定中招的不只我們！若我們不是留心看一看電腦單，真的是吃了貴菜也不知。

枉這間是連鎖茶餐廳，但生意手法卻異常卑鄙！

(7/6/07)裝修過,餐牌食物照片、款式都吸引。

沙嗲牛肉一丁,牛肉太咸,太腍,好假。

一丁未煮夠熟。

紅湯過濃、味精。

雖然經理不斷安撫我地,但仍等了許久的,千島醬黃金汁吉列豬排焗飯,千島醬汁太甜,豬排仍脆,飯爽,唔油。

不過不失。

嘩!這間都冇埋!(By Editor : Updated. Thx)

銀龍粉麵茶餐廳餐單提供港式, 無肉餐單, 茶餐廳, 冰室等推介美食位於荃灣區，餐廳座位數未知人均消費約$51-100，結賬可以用現金。

您對於荃灣餐廳「銀龍粉麵茶餐廳」有何 comment？

銀龍粉麵茶餐廳餐廳詳細資料：

• 銀龍粉麵茶餐廳地址:
  荃灣兆和街16號地下
  Ngan Lung Restaurant,  
• 銀龍粉麵茶餐廳電話:  
• 銀龍粉麵茶餐廳價錢: $51-100
• 分類: 港式, 無肉餐單, 茶餐廳, 冰室
• 座位: 未知
• 付款: 現金
• FB專頁: 銀龍粉麵茶餐廳 Facebook

更多銀龍粉麵茶餐廳相關資料:

• 銀龍粉麵茶餐廳分店
• Youtube
• Facebook
• Twitter
• Google