金源雲貴米線 荃灣

金源雲貴米線 評價 相片

今午到荃灣做完野，心思思想食麻辣，走入大河道間金源米線。

下午三点幾，無乜人，應該話係無客，荃灣區好少咁嘅場面，心想唔通......。

下午茶一餸米線連冷熱飲品24蚊，每加一餸4蚊，好，叫個牛肉豆卜麻辣米線，要大辣，加杯凍檸茶。

上台，湯底屬清湯，有少量肉碎等；但大麻變少少麻，大辣變少辣，米線太淋無彈性兼無咬頭；牛肉有五件，分為兩片加三小粒，師傅好求其；豆卜還好。

整體來說一般。

可能下班時間所以無咩人, 朋友介紹好食所以我地六個人諗住食完就去飲野.我地ORDER左3碗JUMBO ,而且3款湯底分別係清湯,酸辣同小辣.小食叫左皮蛋,口水雞,粉皮同豬耳.唔....清湯底唔得, 因為好淡. 酸辣湯底只有辣味, 辣就好似加辣椒油甘既味.米線唔彈牙,仲有的發添. 的送係基本野,無咩好評論.小食...除左豬耳好的的次外,口水雞係無咩味, 粉皮好"結", 皮蛋基本野無評論.要讚的就是服務了, 她們真的很為每個客人打點及提供意見, 很熱誠 ! GOOD

今日約左試妝…仲約左好朋友同呀媽試妝後經過呢間米線舖…心諗唔係好多人…就不如入去試下啦！叫左一大碗米線…加上有酸菜！好好味！呢個二人套餐仲有小食待應小姐好好介紹我食新嘢窩笋絲.…唔點麻辣醬就有種透心涼的感覺，點左就好野味…食完仲叫左雞絲粉皮…真係冇諗過米線舖會有得食再叫左個拍青瓜！之後飲新推介…紅豆奶茶…好開心呀！呢一餐真係超滿足﹏下一次一定要試下其他小食！

見openrice食評話呢間米線都唔錯,於是星期六去試下,去到見門面真係幾清潔,當時都有三,四張檯有客,於是四個人就座低,跟食評推介叫 ~ 冰鎮脆皮皮蛋,雞絲粉皮,醉雞,醉粉腸,納西茄子,納西豆腐,伙計都奇怪淨食小食!!!!!無計啦!我哋幾個都係〝大餸〞嘅子民嘛!喜歡多款嘗試!醉雞, 醉粉腸, 雞絲粉皮 ~ 酒味好清唔太濃!酒香同味道配合得啱啱好! 粉皮配上麻醬未放落檯香味已經令人胃口大開!四對筷子不約而同作出〝攻擊〞!結果要再添多一碟!平時去食上海菜都無呢間嘅水準!於是打趣問吓伙計點解會有上海菜 – 原來老板以前係上海菜師傅,難怪!難怪!冰鎮脆皮皮蛋 ~ 青瓜皮好爽脆,皮蛋溏心!令人有好開胃嘅感覺!納西茄子, 納西豆腐 ~ 茄子同豆腐都係炸!主要食個納西汁!最後叫咗個 ~ 中嘅麻辣過橋米線套餐又係貪佢多餸!真係唔係講笑成大大碗四個人都可以分到一人一碗,對我哋〝大餸〞嘅子民就剛剛好!米線都幾滑,湯底都好清唔油,但係個中辣就令我哋越食越出汗,重有米線嘅鹵大腸同鹵腩肉好鬼入味!食落口完全唔覺肥膩!另外個酸菜真係好得!食唔停口,其他丸類就一般!總括都唔錯,喜歡〝大餸〞嘅朋友真係可以去試試!

早幾日去左荃灣.....行完街想搵D平野食......係大河道發現左間新既米線舗.....見到個餐牌幾多野食就膽粗粗就入左去......首先就叫左個SET, 包括一個單餸既米線, 一個小食, 同一杯野飲, 價值 HKD 32雖然米線唔算特別好食......但D滷水腩肉就好入味......而且小辣都幾辣下咁個納西豆腐就唔推介唔得!!!!!! 真係多脆內滑......真係可以話一次過滿足兩個口感.......一開始都唔明咩係納西, 問左D員工, 原來納西係指D醬........但對我就真係濃味左D~~~~~~而杯奶茶就可以喇.......話晒都唔係港式茶餐廳因為個小食(納西豆腐)真係好好食, 就忍唔住叫左個口水雞試下~~~~~辣度岩岩好....唔會因為好辣而入唔到口......而食完會有D痺痺地既感覺....正~~~~有機會再去真係要食埋其他小食!!!!!!!!!

金源雲貴米線餐單提供黔菜, 貴州, 粉麵, 米線等推介美食位於荃灣區，餐廳座位數未知人均消費約$50以下，結賬可以用現金。

您對於荃灣餐廳「金源雲貴米線」有何 comment？

金源雲貴米線餐廳詳細資料：

• 金源雲貴米線地址:
  荃灣大河道77-79號寶成樓地下9號舖
  金源雲貴米線, G/ F, Shop9, Po Shing Mansion,77-79 Tai Ho Road, Tsuen Wan
• 金源雲貴米線電話:  
• 金源雲貴米線價錢: $50以下
• 分類: 黔菜, 貴州, 粉麵, 米線
• 座位: 未知
• 付款: 現金
• FB專頁: 金源雲貴米線 Facebook

更多金源雲貴米線相關資料:

• 金源雲貴米線分店
• Youtube
• Facebook
• Twitter
• Google