老爺鮑魚雞煲 荃灣
地址: 荃灣鱟地坊56號祐建樓地下E舖
最後更新:
老爺鮑魚雞煲推介
讚1. 雞煲調味幾好，鹹香開胃，出乎諗料地好，鮑魚都唔錯，起碼唔會太老身2. 侍應好爽手，一叫就有服務，非常出色彈1. 雞煲既雞肉質感唔太得，斬得太多碎骨，入口肉好似好少咁，同埋最大鑊係配料，實在係唔合格，羊肉完全係雪片咁，乜味都無
荃灣老爺鮑魚雞煲
| 餐廳分店 | 老爺鮑魚雞煲 |
|---|---|
| 地區 | 荃灣 |
| 電話訂位 | 39968948 |
| 餐單 Menu | 川菜, 四川, 火鍋, 雞煲, 中菜館 |
| 人氣指數 | 949 |
| 價錢幾錢 | $101-200 |
老爺鮑魚雞煲訂位位於荃灣區，詳細地址是荃灣鱟地坊56號祐建樓地下E舖，餐廳寬敞座位數目共有20個。老爺鮑魚雞煲幾錢？價錢優惠後人均消費大約$101-200埋單，早餐午餐晚餐老爺鮑魚雞煲餐單包括有川菜, 四川, 火鍋, 雞煲, 中菜館等美食，付款方式有Visa,Master,現金,銀聯付款，Booking網上訂位可以電話致電 39968948 查詢訂座。
老爺鮑魚雞煲優惠
老爺鮑魚雞煲 評價 相片
讚1. 雞煲調味幾好，鹹香開胃，出乎諗料地好，鮑魚都唔錯，起碼唔會太老身2. 侍應好爽手，一叫就有服務，非常出色彈1. 雞煲既雞肉質感唔太得，斬得太多碎骨，入口肉好似好少咁，同埋最大鑊係配料，實在係唔合格，羊肉完全係雪片咁，乜味都無
放工之後跟銷售同事到荃灣食雞煲，他們喜歡邊吃雞煲邊傾生意，少不了喝冰凍啤酒贈興一下。
《嘉士伯 》$28老爺鮑魚雞煲是同事推介的，店舖細小，地方企理乾淨，冷氣強又有電視睇，最啱就係雞煲打邊爐。
《雞絲粉皮》清涼的小吃，特別有風味的醬汁撈粉皮吃，配合嫩滑雞絲，好味道！《串燒 燒白鱔》$38吃雞煲前先吃串燒伴啤酒一流，白鱔剛剛燒起皮脆肉滑又多汁，如果乾身一點更好吃。
《袐製鮑魚雞煲》 $308雞煲可以選原味或者麻辣，國內的同事特別喜歡辣，所以選了麻辣，即叫即製，熱騰騰的雞煲由店員端上來，那一股強烈的麻辣香氣，迎面撲過來，真的有刺激五感效果！清遠雞的雞肉特別嫩滑多汁而且濃郁的雞味，肉質柔軟，口感特別新鮮。
鮮鮑魚四隻，入口結實有彈性。
還有鮮雞腳呢，配合麻辣汁特別惹味。
時菜一份，到最後可以吸收湯汁的精華，吃點蔬菜更健康。
《黑牛柏葉》$52喜歡吃黑牛柏葉較為原汁原味，放到湯頭滾幾秒，入口最爽最好吃。
《炸魚皮》$35打邊爐又點少得炸魚皮呢！這裡的炸魚皮又薄又脆夠新鮮。
今晚同朋友到了這裡，食了一個好出色嘅雞煲，這裡其實都好多人都叫這個鮑魚雞煲，有半隻青遠雞，同四隻鮑魚，首先這裡絕對夠冷氣，食呢個雞煲，第一樣就係要夠冷氣，一上枱就已經差不多可以從雞煲上嘅麻辣氣味，真係口水都吞多幾啖，每件雞都十分入味，而且十分軟滑，味道夠晒香濃！而跟雞煲嘅鮑魚亦十分爽口彈牙，夠晒煙韌可口，而且味道十分惹味！食完雞煲我們再追加了手打墨魚滑，同埋雲吞，加湯後轉打邊爐，湯底味道濃郁，手打墨魚滑十分彈牙爽口，而雲吞內亦有彈牙鮮蝦肉，十分足料，再追加埋牛丸，出奇地好味，彈牙之餘牛肉味濃郁！最後加埋個烏冬，放入湯底，吸收了今晚嘅精華，烏冬煙韌彈牙，夠晒味道！還有這裡山楂陽梅特飲都十分推介，因為今晚整個鮑魚雞煲都好濃味，呢個特飲就可以將之中和一下！
今天早咗收工就同老婆吃飯在荃灣食肆很多, 見到天氣開始有啲涼意。
有間吃雞煲舖頭就即管試一試見到餐牌雞煲種類有好多有鴨有雞 ，而且好多烤魚種類 ，我就選擇鮑魚雞煲可以揀原味中 辣 ，少辣或者大辣。
雞煲裏面有幾隻鮑魚同埋有半隻雞加一份生菜， 啲鮑魚都非常彈牙而啲雞煲我選擇原味雞肉好嫩同埋啲雞腳好入味 。
食咗有暖粒粒嘅感覺 ，吃完雞煲繼續可以吃邊爐我就叫咗一份肥牛同埋烏冬 ，啲牛肉 唔會太肥而且60蚊嚟講份量都算大碟。
所以如果喜歡吃雞煲同打邊爐這裏都係一個好選擇地方，下次再來我會試下吃烤魚。
難得今日何以早D收工一於約埋好友齊齊去開飯，最緊要就腳又方便，近近地去左呢頭食嘢話晒有咁多美食選擇，最後都係去食番餐雞煲火鍋，就來左呢間雞煲店品嚐一下餐牌除左有特色雞煲，仲有正宗巴蜀烤魚提供，人多真係可以一次過品嚐兩種風味，我地先點左人氣美食秘製鮑魚雞煲，而且係烹調方面有幾款口味可以食到真正嘅風味，食到雞煲外仲有涼拌小吃同串燒提供，一於點埋佢最緊要食得開心先來有涼拌夫妻肺片， 食過都知係牛嘅其他部位再用滷水烹調，未入口已聞至嗰陣香辣味，當然要有埋辣油連辣椒咁食先夠刺激，食落爽滑味濃厚，接住有串燒大漢羊肉串同燒白鱔,又估唔羊肉串燒得香嫩入口啖啖肉汁再食埋爽口鮮甜嘅白鱔又特別滿足，輪到主角雞煲當然有埋四隻鮮嫩鮑魚配埋秘製醬汁煮多一陣等咁食先滋味，而且嗰陣香味特別撲鼻，先食件雞肉入口肉質嫩滑而且雞係用左清遠雞唔怪得肉味濃，吸埋醬汁香味真係越食越惹味，接住食埋鮮甜彈牙飽魚一定滿足到食慾，品嘗完一輪美食再來係火鍋時間唔少得肥牛呢D必吃美食，再點幾款火鍋配料咁食先至一餐完美火鍋。
老爺鮑魚雞煲餐單提供川菜, 四川, 火鍋, 雞煲, 中菜館等推介美食位於荃灣區，餐廳座位數20人均消費約$101-200，結賬可以用Visa,Master,現金,銀聯，Booking訂位可以電話致電 39968948 查詢。
您對於荃灣餐廳「老爺鮑魚雞煲」有何 comment？
老爺鮑魚雞煲餐廳詳細資料：
- 老爺鮑魚雞煲地址: 荃灣鱟地坊56號祐建樓地下E舖 老爺鮑魚雞煲, Shop E, G/ F, Yau Kin Building,56 Hau Tei Square, Tsuen Wan
- 老爺鮑魚雞煲電話: 39968948
- 老爺鮑魚雞煲價錢: $101-200
- 分類: 川菜, 四川, 火鍋, 雞煲, 中菜館
- 座位: 20
- 付款: Visa,Master,現金,銀聯
- FB專頁: 老爺鮑魚雞煲 Facebook
更多老爺鮑魚雞煲相關資料:
香港餐廳2026推介9月