細妹姐小廚 荃灣

細妹姐小廚 評價 相片

好耐無打冷！想話同兩位朋友來個豉椒炒蜆、鵝片再來杯啤酒🍻敘敘舊☺️夜晚7點半左右來到，坐滿人！卑咗張開係後巷嘅細枱我哋坐！開頭都唔覺有咩問題，打冷係甘㗎啦😀點知除口罩吃耶就知奶耶後巷嘅廁所加上地下嘅污渠，一邊吃一邊傳來陣陣反胃惡臭🤢🤮，餐廳伙記隨手就將水倒落本來塞滿垃圾污水嘅渠到😵然後d水彈咗落我個袋到😖常件事好惡夢下🙄都唔知有無彈埋落d耶食到，翻到嚟無屙都算係甘🥲想講個個位真係唔開得枱囉😑😑望下又無多出嚟嘅位可以轉😥嗌咗個薯仔牛柳粒，8點落單，等到9點先嚟😑見d伙記甘忙又唔太好意思催，嗌個白飯，等半個鐘都唔嚟，結果係要催先卑我🥲都未吃過切到甘細粒嘅牛柳粒，唔知佢炒定炸，定炸完再炒啦，又乾又硬，咩口感都無曬😓個廚房真係好唔掂下個脆皮炸大腸就好少少，碟滷水鵝片就不錯，所以估計佢其他滷水嘅菜式應該會比小菜好🙂小菜個d我下次都係去翻大排檔吃把啦結論係：無下次！等足一個鐘先上菜嘅效率仲要唔係好吃😓

放工約埋朋友出黎食飯吹水，生痱滋吾想打邊爐就轉食小菜，朋友推介呢間細妹姐小廚話都幾正，咁就試下啦。

落單由朋友發板，叫左避風塘豬肘骨，黃金蝦同埋啫啫生菜煲。

避風塘豬肘骨蒜頭超多，又夠辣，豬肘骨肉質夠滑，送飯一流！黃金蝦略嫌油膩，但味道吾錯，鹹蛋黃夠惹味。

相比起啫啫生菜煲比較失色，味道吾夠，有待改善。

餐廳環境乾淨，座位又夠闊落，我地兩條友吹左三個幾鐘都冇人嘈，值得加分。

兩條友埋單三百幾，都算抵食，下次一於番兜呢間，試埋佢其他菜式啦。

這日和朋友來荃灣晚飯食下小炒飲下啤酒，馬上就想起這間好店。

　從菜單所見多款小炒都相當吸引。

啤酒叫了兩支藍妹，和朋友一人一支香蕉蠔餅($60)，蠔好夠，同粉槳比例適中，外層好香脆，入面的蠔新鮮軟滑，送酒一流。

椒鹽鮮魷，份量十足，又脆又軟腍，又是一送酒好菜。

蜜汁豬肘骨($80)，甜甜地，肉質嫩滑均勻，滋味好味。

實在是食小炒飲啤酒的好地方。

美中不足是臨走時隔離枱一班大漢中有人食煙，初時還有所收儉但後來始乎見職員沒阻止就明目張膽地食了。

朕今日本來被約左去雞煲打邊邊兼飲酒吹水，點知去開個間今日超多人，六點都己經坐爆左，朕都話左星期五出街食要訂位架啦，唔緊要打唔到邊邊朕就轉去打冷，喺荃灣打冷朕就即刻諗起二陂坊，球場嗰邊有幾間，不過朕食過，啲小菜唔夠鑊氣，隨從就話對面有間細妹姐小廚啲小菜唔錯，於是朕就同埋隨從試下！黎到細妹姐門口，見到啱啱仲有一張細枱，朕同隨從就即刻坐低就再望Menu，佢地啲小菜價錢都幾合理，大排檔既價錢（可能平過），價錢就好喇，朕就唔知味道點樣！！！黎得打個冷，就緊係要叫煎蠔餅同埋滷水鵝片呢兩大名物啦！先黎滷水鵝片，滷水汁藥材味不濃而且味道鹹甜適中且醇厚，鵝片滷得嫩滑入味，每次打冷朕都必叫！跟住到煎蠔餅，蠔同粉槳既比例啱啱好，炸到外層非常脆口，入面啲蠔亦唔會乾身！開胃小食，餸啤酒一流！另一個佐酒小食西芹XO醬炒墨魚咀，XO醬香辣適中，墨魚咀爽口彈牙，香香辣辣最適合餸啤酒！仲有就係口水雞，呢度口水雞既做法同出面一般食到既有啲唔同，出面食既多數都係油浸，而呢度就係用秘製醬汁，食落無咁油，再在上面加上花生粒好有咬口，雞肉嫩滑再沾埋香辣秘製醬汁，好味！BBQ豬仔脾朕就食得多，避風塘豬肘骨朕就真係第一次食，呢個避風塘豬肘骨，用大量炸蒜，香葱同辣椒一齊炒，再用油泡豬肘骨，令到豬肘骨外皮香脆，入面啲肉就Keep住咁嫩滑，而啲炸蒜香葱同辣椒味就滲哂入豬肘骨裏面，真係超惹味，差啲連條骨都食埋！另外食左咁多肉，飲左咁多啤酒，就緊係要食番啲菜平衡下啦，呢個鍋仔馬拉盞啫芥蘭，上枱時都仲係啫啫聲，芥蘭爽口，馬拉盞夠香，好味！－－－－－完－－－－－

本來3個人打算在荃灣食雞煲，但太多人七點幾要等位等到九點幾於是找其他食店，點知都係一樣後來大家經過細妹姐小廚就話不如打冷，但呢間店都坐滿人，剛好有人食完離座我們就坐低食飯吹水，好彩改變主意，入到去望見餐牌和牆身貼滿小菜圖片，相當吸引，真係好多款式，我哋就叫左鹵水鵝片、香煎蠔餅、醬爆墨魚咀、口水雞、鍋仔馬拉盞啫菜心、避風塘豬肘骨和揚州炒飯，當未又小菜食時，就叫支啤酒一路吹水一路食炸花生和甜酸菜，估唔到前菜都噤好食，花生鹹得來好脆，甜酸菜，酸甜度適中又爽，吹吹吓滷水鵝片就到，好多鵝片好少豆腐魁底，鵝片好稔好入味，滷水汁好正豆腐好滑，香煎蠔餅，新鲜熱辣出晒煙，咬落好脆好香口好多蠔，唔使點魚露都好夠味 醬爆墨魚咀，西芹好爽口，墨魚咀沾滿X O醬，口感好彈牙野味 望住已經流晒口水，雞好滑啖啖肉，加左碎花生增加口感，個醬汁杰杰地廉住雞肉味道甜甜地偏辣鍋仔馬拉盞啫菜心，最重要係鑊氣，將蝦米、辣椒、肉碎和菜心一起大火猛炒，味道同啫啫煲一樣，鹹鹹地野味可口，避風塘豬肘骨，唔食得辣就要小心，因為最初食好野味，但辣味會慢慢浸出來，要飲凍嘢或啤酒解辣，個避風塘做法，用好多辣椒和蒜蓉粒來半炸半炒，所以豬肘骨咬落去外脆內嫩，辣味浸入晒d肉裏面，呢個餸真係超正至於個揚州炒飯，炒得好乾身，飯一粒粒，好多配料，味道幾多，最後食晒所有嘢，好滿足，呢間啲食物真係可以稱得上中上级餐牌菜式相多到,多到相都冇得文字,食幾次都食唔晒

細妹姐小廚餐單提供潮州菜, 海鮮, 大牌檔等推介美食位於荃灣區，餐廳座位數100人均消費約$101-200，結賬可以用AlipayHK,支付寶,現金，Booking訂位可以電話致電 24242555 查詢。

您對於荃灣餐廳「細妹姐小廚」有何 comment？

細妹姐小廚餐廳詳細資料：

• 細妹姐小廚地址:
  荃灣眾安街89號二坡坊地下G舖
  si mei jie Kitchen, Shop G, G/ F, Yi Pei Square,95 Chung On Street, Tsuen Wan
• 細妹姐小廚電話: 24242555
• 細妹姐小廚價錢: $101-200
• 分類: 潮州菜, 海鮮, 大牌檔
• 座位: 100
• 付款: AlipayHK,支付寶,現金
• FB專頁: 細妹姐小廚 Facebook

更多細妹姐小廚相關資料:

• 細妹姐小廚分店
• Youtube
• Facebook
• Twitter
• Google