珠記燒臘餐廳海鮮晚飯 荃灣

珠記燒臘餐廳海鮮晚飯 評價 相片

依間係朋友介紹話去試下~有個招牌菜好正..不過最終都無試到店內既食客好斯文~服務生好有禮貌~環境都ok不過依晚想叫咩就無咩~最終食左依幾道菜~先黎"豉椒炒蜆(加辣)"夠辣..味道都ok~但唔夠鑊氣..而d蜆肉太瘦"黃金煎蠔餅"蛋煎得夠金黃..但唔夠香口蠔肉太細粒..無咬口但新鮮"小炒皇"同一般小炒皇既用料一樣..但都係欠缺鑊氣整體食物都係唔夠鑊氣~味道一般

每次去荃灣，我同Cobi爸都好鍾意泊車響大屋街，勝在兩旁多咪錶位，每次夜晚走人果陣都見到珠記門外已經開左幾張枱，好驚個車頭「high到佢地呀」，都好有大牌檔feel，響荃灣大嘅我從來都冇幫襯過，經Cobi爸嘅引誘下，一於帶埋Cobi婆婆一齊去試菜，店內好有舊式飯店嘅氣氛，3面牆身都寫滿菜式，連菜牌都唔洗望，小菜最平$40都有交易，都好經濟下。

蠔餅碟頭普通，唔算好大碟，蠔仔亦唔係好多，不過入口好香，食得出用鴨蛋唔係雞蛋，不過蛋太多而薯粉太少，所以質感帶實；色澤就略為深左少少，D油要換下啦…蠔仔肉碎粥好大碗之餘，仲好足料，蠔仔亦見肥美，好「蠔」味，肉碎令整碗湯飯增添口感，湯底又冇過咸，好鮮甜；飯粒軟硬適中，剛剛好爆花，吸收哂蠔仔同肉碎嘅鮮味，好OK!蓮藕餅又係大大碟，不過外表就略油，薄薄的一塊，目視已經見到1粒粒嘅蓮藕，但同時亦見到肥豬肉，煎得略嫌有點過火，太「金黃」啦，蓮藕同豬肉嘅比例唔係好平均，肉多蓮藕少，有D仲係肥豬肉，點左喼汁食都感覺好肥膩，唔係咁like。

缽仔雞蛋焗魚腸雖然我從來都唔食魚腸，唔係因為佢cheap，而係有童年陰影，小時候見過Cobi公公洗魚腸，實在太「乾淨」啦，所以就算係住家菜都唔敢去嘗試，不過就知道呢味餸要花好多事前功夫，常言道入廚最高境界就係將九流的食材，烹成一流美食！Cobi公公整嘅焗魚腸好多人都大讚，不過sorry，我真係未試過，只係偷過師啫；Cobi公公以前用鯪魚腸而唔係用鮠魚腸黎做，佢話鯪魚腸比鮠魚腸入口更軟滑肥美，而現在坊間多數用嘅係鮠魚腸，貪佢較易清理。

講番缽魚腸，外表唔多得，一黎焗得唔夠乾身，二黎面頭有D墨綠色嘅東西，應該係魚肝，Cobi爸食左一啖，佢話魚腸太少，魚肝太多，所以缽野咁嘅色，而且仲有少少味…我覺得冇heart之餘，水準亦唔合格，所以食淨左成一半…@@秘製貴妃雞肉嫩，冇咩皮下脂肪，不過就冇咩雞味，好一般嘅貴妃雞，完全睇唔出係點秘製法。

九菜豬紅豬紅嘅質感得，唔會一夾就散，味道好濃，辣辣地，而且幾大碗，九菜嫩綠冇渣，OK。

九菜花炒蝦乾上枱時陣陣嘅香味飄至，未食已叫人食指大動，九菜花好爽口，完全冇渣，可見材料非常新鮮，蝦乾亦好鮮味，又鑊氣夠，腰果炸得香脆可口，總之非常惹味。

啫啫通菜煲 oil菜有點老，而且油左D…麻麻地…我明白到響小店食飯係唔可以太多要求，不過如果知道力有不逮的話，咁就唔好咩都加上菜牌到，自己做唔黎，客人又食得唔開心，何必呢~7個人叫左8個小菜，$75一個人，今時今日仲係呢個價錢叫做好平，擺明係做街坊生意，份量亦見足夠，可惜用料只屬一般，多人幫襯都未必係好野，總括黎講，得個平字!

十二月下旬托「巨無霸奄列」之福，現在就算是冷雨天，凡到假期新村街總不乏人龍，連隔離蘭香茶餐廳都要等位，她真個是改變新村街命運傳奇店。

不喜歡帶遮，是日成了正宗落湯雞，見這裡不用排隊，拿拿林叫了滑蛋叉燒飯，一杯熱鴛鴦暖身。

熱鴛鴦杯子造型特別，是個人最討厭的上闊下窄極易打瀉水的設計，配膠羹及一碟砂糖，無錯是「一碟」，三樣風牛馬不相及的東西都擺在一起，而杯中物更是淡如水，既沒茶亦乏咖啡味，咖啡粉量少喝下口是稀稀的。

滑蛋叉燒飯其實是炒個蛋花加叉燒再灑個琉璃芡的蛋花叉燒飯，與大坑順興的的正宗版本是兩碼子的事，蛋花味道依稀，味覺留下的除叉燒的味道外，就只得很沉重味精感覺，源出琉璃芡。

例湯是清甜沒下味精的青、紅蘿蔔瘦肉湯，下了粟米特別清甜，除不夠熱外，也沒什麼可彈的，喝個精光也是是日最滿意的一味。

吃完，後回家洗頭。

上次的晚餐蒸魚覺得不錯, 今天二人也休息, 經過蘭香...嘩! 咁多人排隊, 但我們的目標卻是此餐廳的蒸飯套餐! 清蒸鯇魚 (連湯及白飯一碟), $26, 鯇魚腩位置, 近楊屋道街市, 好新鮮, 好滑! 湯都幾甜, 不過我怕味精...唔飲太多, 飯就一般, 是沒有飯味的一種!蒸肉餅 (連湯及白飯一碟), $26, 薄薄的一塊, 不是死實, 但亦不覺腍滑!$26價錢連湯, 餸, 飯, 經濟化算, 但環境佈置上實在沒有講究, 服務不過不失!

珠記是這一帶，很引人注目的一家店；每晚八點後，門外就排滿了桌椅，很有大排檔的感覺。

我們這天早到，就坐在店內；店內是另一番風景：一派舊式飯店的裝潢；用的還是綠色格子枱布，雖然破了幾個大洞，但既然乾淨企理，管它呢。

這兒的小菜由三十多元至七十多元不等；初試啼聲，先叫一些價錢較相宜的小菜試功夫：1. 蒜蓉炒豆苗($35??) 其實去酒家吃炒菜，因為鑊氣足，只要用料新鮮，很難不好吃；這裏用的豆苗很好，而且除了生蒜蓉 (白色的)，也下了已炸過的黃金蒜蓉，使之更為香口。

太公最欣賞的是，此店的廚師沒有在炒菜裏亂加味精，只以鹽調味，使豆苗鮮味更為突出。

2. 粉絲海蝦煲($45) 我們之前從未吃過這味菜，就叫來一試；海蝦很新鮮，剛送來是醬汁還在煲裏滾著，陣陣的鮮蝦味徐徐飄至，教人食指大動；海蝦很鮮也很爽。

醬汁帶微辣，味很濃很厚，送飯吃不錯。

3. 大良煎藕餅($45)；是將蓮藕切成粒，加上半肥瘦豬肉粒，搓成餅狀，再放油鑊裏煎。

略嫌煎得有點過火，太黑了，賣相不好；但甫咬下去，肉汁慢慢地滲出來，豬肉鮮味也很厚很濃；不過有爽脆的蓮藕夾在中間，剛好中和了豬肉的肥膩感，也使口感更為豐富；若嫌豬肉味太厚太燥，可點喼汁同吃。

另加燕京鮮啤一支、白飯一碗，荼芥等，兩個人吃，埋單$160。

值得一題這裏的餸很大碟，大良煎藕餅最後才上，那八大塊我們只能勉強吃到四塊，另外四塊打包回家，已是飽得要捧著肚子走了；在這裏，兩個人叫兩個小菜已足夠有餘。

這裏的小菜，雖味道和口感雖未不像一些大酒家大酒店般「精緻」，但作為街坊店，有其「粗獷」而「隨心」的風味，倒讓人有種親切感；而且用料和技術等都屬水準以上，如此價錢、如此份量、如此質素，實屬超值。

珠記燒臘餐廳海鮮晚飯餐單提供潮州菜, 中菜館等推介美食位於荃灣區，餐廳座位數未知人均消費約$51-100，結賬可以用現金。

您對於荃灣餐廳「珠記燒臘餐廳海鮮晚飯」有何 comment？

珠記燒臘餐廳海鮮晚飯餐廳詳細資料：

• 珠記燒臘餐廳海鮮晚飯地址:
  荃灣新村街38號地下
  珠記燒臘餐廳海鮮晚飯, G/ F,38 San Tsuen Street, Tsuen Wan
• 珠記燒臘餐廳海鮮晚飯電話:  
• 珠記燒臘餐廳海鮮晚飯價錢: $51-100
• 分類: 潮州菜, 中菜館
• 座位: 未知
• 付款: 現金
• FB專頁: 珠記燒臘餐廳海鮮晚飯 Facebook

更多珠記燒臘餐廳海鮮晚飯相關資料:

• 珠記燒臘餐廳海鮮晚飯分店
• Youtube
• Facebook
• Twitter
• Google