滝生堂和風料理 荃灣

滝生堂和風料理 評價 相片

我之前一向都是在荃灣返工之前拎開野去豪輝果邊間公司都會幫襯下間野記得第一次去食是跟同事4個人去晏點了個雞扒飯,覺得真的不錯45蚊有大大塊雞扒還有湯連拌碟的生菜絲也很嫩放得靚靚的.拌起沙律醬來很好吃就是給人很有心的感覺(當然是吃光光)最驚喜的是...吃得飽飽了還來一個很清新的炸帶子雜菜沙拉(吃飽了也覺得不錯吃)waiter都好nice同你有講有笑咁近來公司搬了去荔枝角昨天去開荃灣做野,又去幫襯下啦......坐低叫野食....等左食分鐘先有人理我好了...叫了個豬扒冷烏冬....等左我成半個字我都未起筷...個waiter還不醒水...要我問先俾d汁來...要我食白灼烏冬咩...d冷冬....唔知點講....放左幾粒冰(真係得幾粒)..放4周...冷又冷唔到d烏冬....又搞到成攤水咁一係你就放多d在個底加塊蓆(以前係咁)....個汁又淡....好了...等我食完....個烏冬....又等了一陣:好似差我個沙律喎....waitress(都幾cute) (對廚房):差一個沙律喎!!如是者又等左我成個幾2個字....算數....拎部psp出來打...終於等到了個沙律...wft.....一個不知炸什麼...+一 pat 生菜碎....沙律醬都唔多滴....d菜乾到...唔想食...見到都唔開胃....還有...原來在我打psp時...筷子已給清走了...好....我又等....同個waiter幾次眼神接觸...都未sense到我有野食...冇餐具....算...我自己拎....食完走人....

好好味! 一頓能深深感受到廚師用心製造的晚餐~很滿足~員工態度很好, 仲可以訂枱攪party 添, 食飯期間, 隔離枱既壽星女被一推祝福圍著,見到都開心~超級推介: 火灸三文魚壽司,牛鍋, 生蠔...

遇然行過荃灣某相連商場,有新發現的日本餐廳,兩公婆最近最愛光顧的食堂,已經去了五次,價錢抵平,平均每人$60$80,味道不錯,食物質素佳,推介:珍寶蠔、豆腐沙津、卷物(軟殼蟹反卷)得閒不妨一試!

今日一行幾人到有關日本料理餐廳試食，我本來已經好鍾意食日本野，當然對食物既質素要求亦特別高，最初入呢間餐廳既時候，覺得裝修好簡單，但最重要係食物既質素，其次係服務態度，所以都願意放膽一試，我地點咗一款油金魚bb兩食 (北京填鴨兩食我就聽得多，油金魚bb兩食我都係第一次聽)，其實唔止係兩食，我話係三食至啱，首先係原條油金魚bb起肉做刺身(連d碎濕濕既魚生粒佢地都會比埋你，絶對唔會話呃秤)，跟住係魚頭拎黎鹽燒，我所講既第三食，就係師傅將條骨拎埋黎滾湯，簡直一流....除咗呢樣野外，我地都點咗幾款定食，我叫咗個海膽魚生飯，碗飯一黎到.....嘩！淨係個樣已經超吸引，d魚生又大塊又厚身，急不及待整咗啖，d海膽勁鮮甜，正爆！哈哈哈！我d friend就叫咗燒牛肉定食、燒雞扒定食同豚肉定食，黎到賣相都唔差架，佢地都話味道唔錯！呢間野食物質素確係唔錯，而且果度d職員個個都好玩得架，又nice，真係食餐飯都可以令你好開心，所以我以後都會繼續支持，同埋會介紹比多d friend試下既！

今晚和老公來試食,我叫了一個金菇肥牛卷拉麵,跟凍飲品都是$38,不肥膩,汁很特別,拉麵很彈牙,老公叫個滑蛋豬扒飯,一樣跟凍飲品,都是$32,很有日本味蛋豬飯,兩個共$70,無加一服務費.我厘個無飯煮婦揾到個飯堂,辛努一日無時間和無心情去買餸和煮,又不用煩,兩支公出街都不知食嘜好?叫來叫去都系果幾款,如有朋友或親友到訪都去吓食,無咁煩,又干手淨腳不用買煮洗咁就餃店,地方又舒適.

滝生堂和風料理餐單提供日本菜, 壽司, 刺身, 日式西餐等推介美食位於荃灣區，餐廳座位數40人均消費約$50以下，結賬可以用現金。

您對於荃灣餐廳「滝生堂和風料理」有何 comment？

滝生堂和風料理餐廳詳細資料：

• 滝生堂和風料理地址:
  荃灣西樓角路202-216號昌寧商場1樓40-41號
  Rou Sen Don, Shop40-41,1/ F, Cheong Ning Building,202-216 Sai Lau Kok Road, Tsuen Wan
• 滝生堂和風料理電話:  
• 滝生堂和風料理價錢: $50以下
• 分類: 日本菜, 壽司, 刺身, 日式西餐
• 座位: 40
• 付款: 現金
• FB專頁: 滝生堂和風料理 Facebook

更多滝生堂和風料理相關資料:

• 滝生堂和風料理分店
• Youtube
• Facebook
• Twitter
• Google