尚館活魚刺身火鍋 荃灣

尚館活魚刺身火鍋 評價 相片

母親節，開頭打電話去book話有998套餐（象拔蚌2斤，章紅三斤，牛魔塔)去到話冇（母親節唔緊要）散叫，象拔蚌498$一條，跟住話6個人加100要斤半先夠食（母親節唔緊要），我問佢一條章紅幾錢，佢話一條498$我叫一條，佢話一條好大條，要半條夠食，（唔緊母親節）埋單2320$當然有酒水其他，但條章紅半條都系498$，我問佢點解，佢話當例牌，不能盡錄,自己睇，謝謝

又食火鍋喇，十日內已經第三次，肥死了。

今次黎到街坊商場內嘅尚館，第三次幫襯，因為係質素唔錯嘅海鮮火鍋放題。

每人有一份海鮮一份靚肉一份刺身，其他配料（有脆鯇鮮牛等）都係任點任食，保證食飽飽！龍蝦係非常新鮮彈牙，應該係個龍蝦魚缸啱啱拎出嚟，非常正！服務非常貼心周到，主動加湯問你要不要飲品（任飲）同非常勤換碟，個個都係好笑容都好親切，係五星級服務態度，讚👍🏻👍🏻👍🏻

自從上次撻著左副偈,一直都搜羅緊仲有咩類似既好地方餵飽個胃經同事介紹黎到呢間都幾偏既打邊爐, 係環宇海灣後面既海灣花園入左去又係番唔到轉頭,短短一星期食左2次第一次食係父親節(16/06),叫左隻3斤澳洲藍龍(要預早3日留) 好大隻!味道冇想像中咁鮮甜,不過都好食,3斤都係1900! 抵!鮮味十足!都係568!WELL,其它野食我都冇影,無咩記憶,因為眼中只有刺身父親節5個人去食,全部散叫,全單3931,想過口癮既呢間係唔錯既選擇第二次同友人撐枱腳,今次人少少叫左個海鮮火鍋半放題套餐平!靚!正!下半PART任食上面係2人份量(由廚師大佬執),全部都有驚喜,特別係海鮮全部都好新鮮,原來泥鯭打邊爐都幾好食食完呢度都半飽友人未試過,專程黎食龍蝦刺身南非龍蝦仔唔好睇佢細細隻,味道竟然仲鮮過3斤個頭當然唔好SAI,呢個咁細隻唔建議椒鹽,將D頭頭尾尾擺落去淥黎食都好正,勁多膏後尾追加個帶子,又係好鮮成餐飯都好滿足,2個人食左$8XX環境闊落,坐得舒服食物高質素海鮮價錢抵食

十足料火煱，牛肉粒超正,三寶丸超新鲜，價錢同料出面起碼貴一倍，不用排隊，樣樣新鮮，雖然餐廳樣子老土，不過講實力。

之前都唔想試，不過近屋企，試過一個月食咗3次年。

希望多啲人黎，等佢做長啲，我應承一個月最少黎一次

Lunch hour 與同事一行四人到海濱花園食lunch，本身不是打算食這間餐廳的，但經過時發現了這間未見過的餐廳，於是決定一試。

餐廳環境高貴典雅，令人仿佛置身於高級食府中。

餐廳設有set lunch，食物選擇算是多。

我們點了三文魚三色刺身丼、三文魚海膽丼、日式咖哩牛腩飯及日式黑豚肉飯。

三文魚丼飯的比例比材料多很多，而且刺身味道較淡；咖哩飯外型不錯，牛腩味道不俗，唯咖哩味道不夠濃郁；豚肉飯則比較普通，但也不過不失。

整體而言，尚館活魚刺身火鍋的環境高尚，但午餐的食物仍有待改善。

尚館活魚刺身火鍋餐單提供粵菜, 廣東, 火鍋, 壽司, 刺身, 中菜館等推介美食位於荃灣區，餐廳座位數未知人均消費約$201-400，結賬可以用Visa,Master,AlipayHK,支付寶,現金,銀聯，Booking訂位可以電話致電 23622280 查詢。

您對於荃灣餐廳「尚館活魚刺身火鍋」有何 comment？

尚館活魚刺身火鍋餐廳詳細資料：

• 尚館活魚刺身火鍋地址:
  荃灣永順街38號海灣花園1期購物商場地下G34-36號舖
  Noble House, Shop G34-36, G/ F, Phase1, Waterside Plaza,38 Wing Shun Street, Tsuen Wan
• 尚館活魚刺身火鍋電話: 23622280
• 尚館活魚刺身火鍋價錢: $201-400
• 分類: 粵菜, 廣東, 火鍋, 壽司, 刺身, 中菜館
• 座位: 未知
• 付款: Visa,Master,AlipayHK,支付寶,現金,銀聯
• FB專頁: 尚館活魚刺身火鍋 Facebook

更多尚館活魚刺身火鍋相關資料:

• 尚館活魚刺身火鍋分店
• Youtube
• Facebook
• Twitter
• Google