唯一雲貴川風味 荃灣

唯一雲貴川風味 評價 相片

好多人推薦呢間唯一，所以就襯平日嘅下午茶時間先去食，但都要等位。

鋪面唔算大，但坐落唔逼，衛生情況一般。

. $47⭐️⭐️ 2/5腩肉：同平時嘅米線舖唔同，佢食落好”鞋”好柴，份量夠多但食落好一般。

雲吞：皮超級厚，肉餡好少。

湯底偏油，但唔會死鹹。

有汽水、冬瓜茶等枝裝/罐裝飲品。

.整體：可能聽過唔少好評，所以覺得有啲失望。

我認為唔值得排隊食，食到一半已經唔想食餸淨食米線，喺荃葵青絕對有更好嘅選擇。

🌝

前幾日經過荃灣，就諗起好耐冇食既唯一於是決定晚餐就食佢叫左一個麻辣大辣腩肉雲吞米線米線份量多而且軟硬適中腩肉份量又多，雖然佢係瘦腩但係一啲都唔鞋 好好食雲吞比起出面既都好大粒，而且佢係酸菜餡。

第一次食呢種餡既餃子，味道唔錯 下次去會encore. 成碗米線我都好滿意，但如果辣度可以再多啲，油少啲就更好！

唯一米線，成日聽人講唔係講到咁好食，但我次次食都覺得好好食😋😋😋😋出色在湯底夠酸夠辣夠熱，網上有人話覺得冇想像中咁好食，但我覺得每次食完都好好食😆好滿足👍🏻而且係唯一一間會不斷返去再食嘅米線店❤️‍🔥今次叫二味餸，個人認為本身湯底有好多酸菜及肉碎，所以配料不需要選擇酸菜及炸醬，如果本身唔太鍾意湯底有咁多油，可以選擇走油，而我很喜歡有油，夠香☺️☺️必叫兩味餸，腩肉及豬大腸👍🏻👍🏻👍🏻腩肉以瘦肉為主，有少量肥肉配搭，腩肉煮得夠腍，唔會乾巴巴👍🏻😋好好食滷水豬大腸滷得夠入味，好腍，好正👍🏻🌟米線口感啱啱好，唔會好散或太硬，但又夠彈牙👍🏻👍🏻一啖湯一啖米線😆😆熱辣辣，食到出哂汗，好過癮😙另外店舖係唔可以帶野飲入去，只可以店內消費，$10左右，整體好滿意，會繼續來食

入左米線關注組咁耐，見大家不斷講唯一，前幾日終於比我食到唯一🤩 過左食lunch之後先到，所以唔洗等可以即刻有位。

內裡冇咩裝修，所有menu都痴晒係牆上面，配料方面唔算好多選擇。

一張圓枱有幾個人一齊搭枱，大家都係食完米線就快快走人。

揀左3餸嘅酸辣、炸醬、腩肉$56，另外加可樂$6一罐，米線價錢偏貴湯底非常濃味，由於揀左酸辣嘅緣故，所以比想像中唔辣，材料&米線嘅份量好多，食完超飽😆未至於好食到好想即刻食第二次，但總算完成米線bucket list嘅其中一樣✅

久違嘅邪惡炸醬腩肉米線💕 米線fans應該睇隻碗就知係邊間😋 呢間我讀中學成日食，之後陸續發掘到其他區好食米線就少食咗好多。

呢度嘅麻辣比酸辣好食，酸辣唔夠酸，酸菜要另外加錢。

腩肉係招牌，雖然質地唔軟腍，但就係次次都會嗌，可能真係食慣咗個味🤣 炸醬份量超多，辣得爽，重口味人士都要記得嗌定嘢飲。

蘿蔔好有蘿蔔味，腍得嚟香，唔係清甜類，但都幾好食。

呢間米線店wingwing.foodfood未到超鍾意，但間唔中食吓都幾滿足嘅～有時諗起都心郁郁食! 唯一雲貴川風味Yunnan Guizhou & Sichuan Noodle地址：荃灣四陂坊14號地下。

唯一雲貴川風味餐單提供滇菜, 雲南, 粉麵, 米線等推介美食位於荃灣區，餐廳座位數未知人均消費約$50以下，結賬可以用現金，Booking訂位可以電話致電 26119769 查詢。

您對於荃灣餐廳「唯一雲貴川風味」有何 comment？

唯一雲貴川風味餐廳詳細資料：

• 唯一雲貴川風味地址:
  荃灣四陂坊14號地下
  Yunnan Guizhou & Sichuan Noodle, G/ F,14 Sze Pei Square, Tsuen Wan
• 唯一雲貴川風味電話: 26119769
• 唯一雲貴川風味價錢: $50以下
• 分類: 滇菜, 雲南, 粉麵, 米線
• 座位: 未知
• 付款: 現金
• FB專頁: 唯一雲貴川風味 Facebook

更多唯一雲貴川風味相關資料:

• 唯一雲貴川風味分店
• Youtube
• Facebook
• Twitter
• Google