馥軒 美孚

馥軒 評價 相片

今朝遲左起身,急急腳就出門口,經過呢間面包店入去隨手夾左個波羅油就一邊行邊食,雖然係樓下,但好小食呢間面包,今次都有驚喜,面包好鬆軟,表面既波羅好甜好香,牛油好大塊,配合一齊食真係好好味。

一大班朋友聚在一起, 無需甚麼目的, 硬要說可以是慶生辰也可以是賀新的一年, 難道現在沒有單純的友誼存在, 工作已經繁重, 生活在虛假的社會裏, 連呼吸也透不出氣來。

慶生辰當然要吃蛋糕, 身處的附近只得這間蛋糕店, 雖然並不是甚麼名牌子, 但我相信的一句說話: 禮物雖小，情意大!黑森林雜果蛋糕蛋糕沒有華麗的包裝, 簡單直接而且價格經濟, 朱古力海綿蛋糕與鮮奶油間層而出, 鮮奶油夾著提子啫喱,沒有油膩, 反而增加了含酒精的味道效果, 雪藏良久的海綿蛋糕仍然有濕濕口感及適當的鬆軟已是不錯, 還未計擺放滿滿的非罐頭雜果。

「麵粉貴過麵包」，相信大家都知，基本上依個道理喺唔多可能。

一個麵包嘅零售價，除麵粉成本，仲要計埋燈油火蠟、人工鋪租，咁先有錢賺，盤生意先有得繼續做。

依家成日聽到哩句嘢，都喺講香港啲地價，發展商買入嘅地積呎價（麵粉價），仲貴過啲同區二手樓嘅巿場呎價（麵包價）。

但如果我話你知，$5兩個有餡包，唔喺迷你裝喎，喺正常大過個拳頭嗰啲喎，唔知你會唔會有種「麵粉（計埋燈油火蠟、人工鋪租）貴過麵包」嘅感覺呢！小弟所住嘅屋苑附近間馥軒，其實晌過年前曾推出過一輪「反通漲益街坊」嘅優惠，$5/兩個有餡包，$3/兩個無餡包，日日唔同，有時推出喺有餡包，有時就無餡嘅，總之日日一款，賣完即止。

初時諗住過年前益街坊高興吓，當做吓宣傳，其後亦停咗一輪。

後尾又有番，仲做到依家添。

佢哋會兩個兩個咁一袋袋，袋好晒放近門口位，方便啲客買完返工返學。

小弟慣於晌屋企煮早餐食，偶有唔煮時，會留意吓仲有無得買，據店員講，由於每日只出一、兩盤，早上出一次，正午又出一次，絕對唔喺隔夜賣剩貨，賣完就無，頗搶手，所以唔喺次次經過見到都有。

雖然唔識馥軒個老細，唔知佢實際為人喺點，不過，按依次推廣多少認同佢對街坊嘅良心。

題外話，其他馥軒有無咁嘅舉措就要問問先知，因為佢張宣傳單張只註明「盈暉臺」依間！吞拿魚包．火腿蛋包 $5 / 兩個正價本身賣成$4.5 / $5一個，都喺市面合理嘅定價，不過依家$5就有兩個，真喺當買一送一咁滯，仲要無將貨就價喎。

唔敢講話一定喺全港最平，但相信平得過哩個價嘅都唔會多，除非收鋪清貨嗰啲。

吞拿魚包馥軒啲麵包本身都OK架，外觀唔跩，烘焗得金黃，包心稠密，質感軟軟熟熟，同埋你見佢中間有成大大舊吞拿魚肉餡，足晒料架！火腿蛋包包內一片火腿、一片蛋，仲伸晒出個包外，食落片火腿唔喺啲劣品貨式，所以，實實際際無欺場。

自家沖少檸檸茶一大清早，唔想飲得太酸，自家沖咗杯少檸檸茶配兩個包。

身為曼聯躉嘅小弟，當然用上心愛嘅傑斯仔茶杯啦，仲要喺著緊99年三冠王件球衫；噚晚魚生粥緊緊熟贏雷丁1:0，拋離次席曼城15之多，餘下剩番9場波，湊夠13分就攞到第20座聯賽冠軍，希望佢哋醒醒定定，唔好重蹈舊年覆轍啦！

馥軒餐單提供港式, 麵包店等推介美食位於美孚區，餐廳座位數未知人均消費約$50以下，結賬可以用現金,八達通。

您對於美孚餐廳「馥軒」有何 comment？

馥軒餐廳詳細資料：

• 馥軒地址:
  美孚景荔徑8號盈暉家居城地下03號舖
  Empery Bakery, Shop03, G/ F, Nob Hill Household Centre,8 King Lai Path, Mei Foo
• 馥軒電話:  
• 馥軒價錢: $50以下
• 分類: 港式, 麵包店
• 座位: 未知
• 付款: 現金,八達通
• FB專頁: 馥軒 Facebook

更多馥軒相關資料:

• 馥軒分店
• Youtube
• Facebook
• Twitter
• Google