非飯 紅磡

非飯 評價 相片

近年好多人開始進行低碳飲食健康瘦身，出街食都越來越多選擇啦，最近仲有一間以「非飯」為主題的餐廳，以椰菜花飯為主角，仲有超健康的素食選擇添！非飯位於紅磡馬頭圍道，交通都算方便就腳。

藍色的店面非常搶眼，看起來都幾有型格。

餐廳面積細細，共有四張四人檯和幾個吧檯位。

環境都幾舒服既，店內採手機網上點餐，用相機掃一掃桌上 QR code 就可以進入點餐網站，不過第一次用覺得有點麻煩，最後都係出櫃台點餐付現金。

非飯系列共有四款，另外再加兩個素菜，菜式都走日式路線。

食飯仲附送免費茶飲，另外可以加蛋加椰菜花飯加藜麥之類。

我第一在餐廳見到赤藻糖醇，果然係走低醣路線的餐廳啊！五目炒野菜太陽蛋咖喱藜麥 HK$78因為我跟朋友都喜歡吃蛋，所以唔理個飯本身有太陽蛋，都硬要加隻溫泉蛋。

留意返素食這個不是椰菜花飯而是藜麥，野菜的部分有櫛瓜、蟲草花、菇和車厘茄，咖喱汁係日式咖喱都幾好味。

成碗個靈魂係邊太陽蛋，藜麥吃起來就有點太濕潤。

這裡的椰菜花飯並非只有椰菜花，還加了杏鮑菇和藜麥，吃起來口感更有層次。

味道上我都幾滿意個炒野菜太陽蛋藜麥，不過玩開斷食每天吃一至兩餐的人，吃完成碗覺得好似無食過野，哈哈哈哈哈。

我相信正常飲食人士或者小鳥胃女生會覺得剛剛好既。

好多人以為走醣係走糖，但其實醣類即係碳水化合物，亦即係我哋成日都聽到嘅澱粉質。

而近日行經紅磡青洲街嘅時候見到有間餐廳寫住「非飯」，當刻都覺得呢間餐廳係「無飯開」，行埋去睇睇果然無估計錯。

其實為健康，好耐之前都開始緊間歇性咁唔食澱粉質，所以點都要試吓呢間餐廳。

入到店內覺得餐廳裝修設計有D似Cafe嘅感覺，感覺都幾舒服。

而餐廳點菜形式都幾特別用QR code，但我呢個懶人唔想咗撳左撳嘅情況下，直接喺Bar台嗰到落單，點咗一個雞肉飯+一杯齋啡。

等咗十分鐘左右有得食喇，雞肉個口味好似平時食開日式嘅親子丼咁嘅味道但略嫌味道偏甜，而底吓嘅飯就變成咗椰菜花，但我個人口感就覺得太過濕，乾身啲會比較好。

非飯個名改得好好，就係吾用飯(碳水化合物)做主食，用其他材料代替，例如用椰菜花扮飯。

做開運動既我上網成日見依d健康食物，係生活上我就第一次見，尤其在香港出街食通常都係以碳水化合物做主食，份量一定係最多，蛋白質、纖維少之又少。

這間小店竟然主打非"飯"，服務小眾，真心希望佢頂多住。

💪💪餐廳細細間，點餐、取餐要自己去櫃台。

叫左咖哩炸豬扒椰菜花飯+熱Latte，依個係無激素既豬扒，炸得十分香脆，椰菜花飯既水份未完全整乾，不過都正常可接受，因為真係好易出水。

咖啡亦有水準。

總結: 健康之選，有心思，好食，會再去。

飯非飯，非飯菜前幾日見openrice推介今日閑來與朋友來嚐味12點開始細細間有4張枱，一分為2，夠坐16人如現金點餐就要去櫃台點餐桌上有code可以點餐如用wechat掃比較不穩定在注冊方面上。

點了“滑蛋雞”+太陽蛋+溫泉蛋+熱茶+黎麥幫朋友點左“餐蛋飯”+太陽蛋+紫薯蛋糕+latte結帳$174需自行到櫃台取餐口感上比較爽口，椰菜飯沒煮太熟，令人有嚼口。

如和台灣的酮伴的椰菜飯比較是有待更大的進步。

蛋比我想去中細粒少少蛋糕細細件,味道都ok期待非飯的成長。

由八月開始進行低醣飲食 每次出街食飯都好煩惱 因為好多嘢都唔啱食 雖然我唔係一個好嚴格嘅低醣人士但可以擇都唔會食飯/麵🍚🍜有一次見到介紹 依間用椰菜花代替飯嘅餐廳 即刻book mark左環境舒服座位都寬躺😌餐廳用Apps落單不過如果用現金付款都可以喺櫃檯落🐖咖喱炸豬扒椰菜花飯另加蛋同午餐肉豬扒用咗無激素豬 炸到好香脆 但係唔知道炸粉有冇用麵粉所以建議生酮人士叫之前問下蛋係燶邊蛋 煎得好好👍🏻午餐肉冇乜特別 唔太厚唔太薄非飯底原來唔止有椰菜花仲有藜麥同杏鮑菇 但比較濕可能椰菜花未完全瀝乾水另外咖喱汁冇乜咖喱味套餐包一杯嘢飲叫咗杯熱烏龍茶味道清新

非飯餐單提供西式等推介美食位於紅磡區，餐廳座位數未知人均消費約$51-100，結賬可以用現金。

您對於紅磡餐廳「非飯」有何 comment？

非飯餐廳詳細資料：

• 非飯地址:
  紅磡馬頭圍道88號海青閣地下C號舖
  Not Rice Kafe, Shop C, G/ F, Greenland Court,88 Ma Tau Wai Road, Hung Hom
• 非飯電話:  
• 非飯價錢: $51-100
• 分類: 西式
• 座位: 未知
• 付款: 現金
• FB專頁: 非飯 Facebook

更多非飯相關資料:

• 非飯分店
• Youtube
• Facebook
• Twitter
• Google