永樂車仔麵茶餐廳 紅磡

永樂車仔麵茶餐廳 評價 相片

永記嘅豬軟骨實在唔錯，所以久不久又去幫襯！今次點咗豬大腸，豬大腸鹵得夠入味，而且豬腸都洗得乾淨先處理。

另外點咗加牛腩汁同沙嗲汁落湯底，令到個湯底好夠味，味道帶點甜，好啱我口味。

冬菇係厚身冬菇，炆得夠入味。

食咗幾年興幸品質維持不變，讚！

前日約左同事去左一條好舊但係又好多人去既一條街度食晏,因為果日有d唔係好舒服,所以無咩胃口,於是就想搵d清淡d既野食,搵左好多間,終於比我搵到一間有粥食,於是就坐底左喺一間好細既舖入面~雖然冷氣唔係好夠,不過都算光猛乾淨~店員即時過嚟招呼,可能地方少啦,唔會好似有d舖咁坐好耐都無人理,見到呢度原來有好多選擇,除左粥之外都仲有好多野食,我果日就叫左皮蛋瘦肉粥+炒麵,我同事睇左好耐,因為今日個午餐有6款咁多,有泰式海南雞同南乳炆豬手,仲有咖哩薯仔炆雞,幾樣都好想食,終於都係叫左個豬手飯~我碗粥最快~可能因為唔使點煮啦,見到好似幾好咁,食落又唔錯噃~d粥真係有米架,唔會好似出面果d有d係用漿開既,d瘦肉唔係切架,係用手撕架,好味啊~~豬手嚟喇~好香噃..有好多花生呀,忍唔住食左一舊豬手,呢個都唔錯喎,夠呀,正~食食下炒麵又嚟喇,雖然好似細碟左d,不過都係加$4,都ok既~但係油就多左少少,如果唔係有粥一齊食,應該會好漏,下次一定要叫佢少d油~跟住又好似唔係咁飽,所以叫多一件三文治,我問店員有咩揀,佢就介紹左一款叫做,我見未聽過就叫左嚟試下~等左5分鐘左右,驚喜就嚟喇~呢個真係好好味,我初時以為係烘多士,點知仲好味過多士呀,呢個真係一個推介呀,見到既朋友一定要試下,外而脆裡面軟,正呀~食晒野之後我又+左柸熱o蜜,佢d粥既價錢都幾得意噃~一樣一樣計,我問店員點解會咁定,佢話係因為寫字樓既小姐一般都食得唔多,所以佢地唔想做餐,係想迎合呢d人,因為通常佢地食一碗粥已經飽晒,根本唔須要再飲野,好似我依家咁,皮蛋瘦肉粥一碗$15,+炒面$4再+熱o蜜$4都係$23,哈~仲平過我同事既豬手飯,佢個飯就係餐,連飲野$27,仲要一提我同事話呢度既例湯好好飲呀,唔似有味精,好似煲左好耐咁,走既時候老闆比左張外賣紙我,我一睇就見到有個碗仔翅下午茶,下次一定要試下~

今天到了紅磡工作，食飯時間很急，午餐時候又多人，只好見有位就算了！我的見解不嬲都係平價食店食平價餐，但今次真你失敗，本己覺得奇怪，為何店內有位冇人坐，一進店內就明白了，有冷氣但仲熱過店外，我最怕熱，但真的時間無多，只好硬食一餐，吃了一個午餐係梅菜蒸魚，唉！結果都係無食飯，D梅菜(叔)嘅，魚就(梅)的，名副其實的梅菜蒸魚。

須然價錢可另要求降低，但不代表無要求吖！

尋日去左紅磡見工,見完工剛好下午茶時間,沿住馬頭圍道紅磡廣場去家維村想搭車返屋企,中間見到有條街"粒"左入去有幾間食肆,心諗時間尚早,去tea一下啦!!本身都無咩期望,想食個西多士就算喇,所以見邊間有位就坐低,結果坐左係永樂,一坐低,老闆娘就好熱情咁話佢地新出左碗仔翅餐,要唔要試下?我見20蚊都唔使,就叫左墨魚丸+碗仔翅餐個餐黎到,d墨魚丸炸得脆脆,ok~ 個翅d色睇落幾靚,唔會似好"希"個d超淺色,食落滑口,唔太"傑"又唔太"希",唔會有生粉漿一舊舊係入面,另外,d肉絲都好"林"好幼細,食下食下,有d好似真翅既野係入面,好爽口,問一下老闆娘係咩東東,原來係魚唇!!!!!!!嘩,一碗10蚊既碗仔翅有魚唇喎!!!仲要份量唔小~ 我敢話呢碗係最好既碗仔翅,不過一定係最貨真價實我最愛既碗仔翅!

永樂車仔麵茶餐廳餐單提供粵菜, 廣東, 車仔麵, 粉麵, 米線, 粥品, 茶餐廳, 冰室等推介美食位於紅磡區，餐廳座位數未知人均消費約$50以下，結賬可以用現金。

您對於紅磡餐廳「永樂車仔麵茶餐廳」有何 comment？

永樂車仔麵茶餐廳餐廳詳細資料：

• 永樂車仔麵茶餐廳地址:
  紅磡馬頭圍道25-29號隆基大樓地下29H
  永樂車仔麵茶餐廳, Shop29 H,loongking Mansion,25-29 Ma Tau Wai Road, Hung Hom
• 永樂車仔麵茶餐廳電話:  
• 永樂車仔麵茶餐廳價錢: $50以下
• 分類: 粵菜, 廣東, 車仔麵, 粉麵, 米線, 粥品, 茶餐廳, 冰室
• 座位: 未知
• 付款: 現金
• FB專頁: 永樂車仔麵茶餐廳 Facebook

更多永樂車仔麵茶餐廳相關資料:

• 永樂車仔麵茶餐廳分店
• Youtube
• Facebook
• Twitter
• Google