朱記茶餐廳 紅磡

朱記茶餐廳 評價 相片

0203年我地住紅磡時經常去食飯, 朱記就好似我地個食堂, 03年搬走後都甚少去食, 對上去食飯都應該係兩三年前, 今日我地行過紅磡, 又去幫襯, 以前D樓面阿姐都認得我地, 大部份食客都係街坊, 真係好有親切感!下晝6點幾, 食客唔多, 我地揀左個卡位, 阿姐奉上熱茶, 我地叫左兩個快餐, 一個黑椒煙鴨肉煙肉飯, 一個鮮茄雞柳飯, 送湯送熱飯, 只係賣25蚊, 今時今日真係冇乜茶餐廳平得過佢. 先黎兩碗紅蘿蔔豬骨湯, 湯水冇乜味, 但碗底好多湯渣, 應該係煲湯冇落鹽, 我地就係喜歡佢唔落味精, 淡少少又何妨, 點都比食味精健康D! 兩碟飯碟頭夠大, 份量十足, 大胃王都食得飽, 味道一般, 唔算得上好食, 亦唔難食. 我地最後先叫飲品, 係熱奶茶, 茶味濃, 又夠甘香, 非常有水準, 值得一試!食飯期間, 樓面阿姐同食客(應該係熟客)傾財爺派畀市民果六千蚊, 有一男一女入黎搵位, 常時已冇卡位, 只有中間大圓枱, 我地後面果位單身漢正想讓出卡位畀二人時, 二人已快速離開, 只聽見單身漢向阿姐話: 咁X快(走)?驚lum樓(倒塌)呀? 各人聽笑都忍唔住笑, 因為朱記個位置就係去年馬頭圍道45G的同一排唐樓的地舖, 不久將來亦都會面臨重建, 唔知下次再去紅磡仲有冇機會見到朱記呢?總括黎講, 呢間小店食物唔算非常好味, 但勝在價錢平分量多, 老板娘同樓面阿姐都好親切, 同食客有講有笑, 呢份溫暖, 值回票價!

今晚, 我同朋友路過試下呢間茶餐廳, 我地叫左兩個小菜,佢個餐牌明明寫住送湯和飲品, 點知佢放低左湯幫我地寫埋飲品之後,轉個頭就同我地講,兩個餐一係連湯, 一係連荼, 想同佢理論既時侯, 佢就扮聽唔到啦.....完全係呃人呀, d 湯根本就味精水, 飲左少少, 都唔敢再飲啦, d 餸個d油好似唔使錢咁播, 食完攞番去再炸野都仲得呀. 經濟市道唔係咁好, 點解d 舖頭既服務仲可以咁差同咁唔老實既. 為左健康同荷包著想, 下次都唔會再去.

呢間茶記響紅磡好耐歷史,朝早有好多人排隊買斥外賣三文治因為即叫即做,價錢又平,$10唔駛都有交易,我就喜歡上閣樓,可以望到樓下,叫野食嗌落去就得.早餐好抵,湯麵都係$16/$17,仲要用出前一丁,連湯粉都係,凍飲都係加$1又夠大杯,朝早好多電燈公司嘅伙計響到蛇王,千祈唔好俾佢地老細睇到呢篇食評.

天氣好熱，來到朱記，見到有下午茶餐。

星州炒米 ($18) 夠色夠鑊氣，加左紅椒小小辣，唔會太油，滿意。

凍奶茶 (+$2) 奶茶香濃，夠冰小甜，唔錯。

是日電視播放賽馬，幫襯的主要係單身男士。

朱記茶餐廳餐單提供港式, 茶餐廳, 冰室等推介美食位於紅磡區，餐廳座位數未知人均消費約$50以下，結賬可以用現金。

您對於紅磡餐廳「朱記茶餐廳」有何 comment？

朱記茶餐廳餐廳詳細資料：

• 朱記茶餐廳地址:
  紅磡馬頭圍道146號地舖
  朱記茶餐廳, G/ F,146 Ma Tau Wai Road, Hung Hom
• 朱記茶餐廳電話:  
• 朱記茶餐廳價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 朱記茶餐廳 Facebook

更多朱記茶餐廳相關資料:

• 朱記茶餐廳分店
• Youtube
• Facebook
• Twitter
• Google