天下茶屋 紅磡
最後更新:
天下茶屋推介
前排考試期間行唔得遠，又係試屋企附近既新餐廳🤪唔打文都唔知原來佢本身有總店係深水埗🤣假日夜晚八點依然超多人係門口排隊，自己都係度撞到兩個朋友😂但流動率都頗高，等左大概三個字到就入座，確實算係幾快😌值得一讚係店員服務好有禮貌認真唔錯▪️ 吉列豬扒咖喱飯 + 蛋包飯（6.5/10）💲60 + 14咖喱可以揀甘口或者激辛，要左個激辛感覺都辣辣地😗豬扒外皮依然帶脆既，不過間唔中有幾舊會感覺炸粉略厚，食落微乾肉質中規中矩🙊蛋係要自己另外加既，出到黎係比較薄身咁鋪係面，無咩嗰種澎拜流心蛋漿既感覺🍳不過飯底食得出係粒粒分明、帶點煙韌既珍珠米🤫勝在呢個價錢親民▪️ 燒咖喱芝士吉列豬扒飯（7/10）💲69呢兜熱辣辣好多，面頭鋪上同上既吉列豬扒、滿滿既芝士同埋溫泉蛋，有點兒拉絲既效果幾邪惡🧀底下同樣係要左激辛既咖喱飯，不過個兜都比較淺，飯既份量就唔係好多未必夠飽🤨兩個飯相比之下，呢個會更勝一籌🤗▪️ 抹茶豆腐飲（6.5/10）💲28本身想要小丸或者糰子牛乳抹茶，但係都已經賣曬，唯有另一樣🤥見到係有明治鮮奶，入口都滑身，抹茶偏向甜既，個人就一般般呢種，想要茶味香濃啲，底下有豆腐花都夾既🔎 整體評分（6.5/10）
紅磡天下茶屋
| 餐廳分店 | 天下茶屋 |
|---|---|
| 地區 | 紅磡 |
| 電話訂位 | 24319888 |
| 餐單 Menu | 日本菜, 日式西餐 |
| 人氣指數 | 920 |
| 價錢幾錢 | $51-100 |
天下茶屋訂位位於紅磡區，詳細地址是紅磡必嘉街121號黃埔花園一期奇妙坊地下G6B號舖，餐廳寬敞座位數目共有未知幾多個。天下茶屋幾錢？價錢優惠後人均消費大約$51-100埋單，早餐午餐晚餐天下茶屋餐單包括有日本菜, 日式西餐等美食，付款方式有AlipayHK,支付寶,現金付款，Booking網上訂位可以電話致電 24319888 查詢訂座。
天下茶屋優惠
天下茶屋 評價 相片
前排考試期間行唔得遠，又係試屋企附近既新餐廳🤪唔打文都唔知原來佢本身有總店係深水埗🤣假日夜晚八點依然超多人係門口排隊，自己都係度撞到兩個朋友😂但流動率都頗高，等左大概三個字到就入座，確實算係幾快😌值得一讚係店員服務好有禮貌認真唔錯▪️ 吉列豬扒咖喱飯 + 蛋包飯（6.5/10）💲60 + 14咖喱可以揀甘口或者激辛，要左個激辛感覺都辣辣地😗豬扒外皮依然帶脆既，不過間唔中有幾舊會感覺炸粉略厚，食落微乾肉質中規中矩🙊蛋係要自己另外加既，出到黎係比較薄身咁鋪係面，無咩嗰種澎拜流心蛋漿既感覺🍳不過飯底食得出係粒粒分明、帶點煙韌既珍珠米🤫勝在呢個價錢親民▪️ 燒咖喱芝士吉列豬扒飯（7/10）💲69呢兜熱辣辣好多，面頭鋪上同上既吉列豬扒、滿滿既芝士同埋溫泉蛋，有點兒拉絲既效果幾邪惡🧀底下同樣係要左激辛既咖喱飯，不過個兜都比較淺，飯既份量就唔係好多未必夠飽🤨兩個飯相比之下，呢個會更勝一籌🤗▪️ 抹茶豆腐飲（6.5/10）💲28本身想要小丸或者糰子牛乳抹茶，但係都已經賣曬，唯有另一樣🤥見到係有明治鮮奶，入口都滑身，抹茶偏向甜既，個人就一般般呢種，想要茶味香濃啲，底下有豆腐花都夾既🔎 整體評分（6.5/10）
開咗冇幾耐 今日特登黎試食知道佢深水埗好似有一間 不過餐牌唔太相同星期日夜晚去 都預咗多人 但係竟然唔洗等位 入去已經差唔多坐滿舖面唔細 間格幾好 有啲單人位 又用partition分開咗部份枱 令到感覺上有私人空間啲😆裝修簡潔 坐得舒服 燈光充足 環境唔嘈之後睇餐牌 勁多選擇！有芝士焗咖喱飯 湯烏冬 丼飯 夏威夷丼 仲要全部可以安個人喜好調整 例如咖喱辣度 烏冬湯底 夏威夷丼甚至可以全部自選飲品都睇到眼花撩亂 超多款式配搭 有好多都好特別添落單係自己寫紙 之後俾侍應入單我哋三個人去食 每人自己一個丼飯 之後再分兩個小食 一杯飲品 飲品跟主食可以減$8先介紹我個夏威夷自選丼 ($78)主食揀一款: 吞拿魚漬配料揀四款: 紅菜頭 青瓜粒 中華沙律 蟹柳絲醬汁揀一款: 柚子油醋如果想加多啲主食同配料要另加錢第咗冇幾耐已經有得食賣相超吸引😍因為啲配料令個飯七彩顏色咁 見到都開心份量都算多 尤其白飯 上面啲配料就啱啱好🐟吞拿魚漬其實係醃咗嘅吞拿魚刺身料不過又唔會好冰冷 食落好滑嫩 亦都好新鮮 的確食到吞拿魚刺身味 不過可能醃咗 完全唔腥👍🏻肉質好腍 一啲根或者韌位都冇 好好食 仲要份量都唔少🥒青瓜就真係純青瓜粒 咬落清脆 食落清新紅菜頭冇咩味 不過染到個飯變咗紅色😂中華沙律味道相對濃 唔知係因為佢啲醬落咗起上面 定係原先已經醃咗 食落偏酸 又有微微辣 如果就咁食可能太濃味 不過撈白飯食就啱啱好🦀蟹柳絲份量比較少啲 冇乜蟹柳味 可能俾中華沙律搶咗味 佢已經散到一條條好幼嘅絲至於柚子油醋 食落都真係幾酸 係食到少少柚子味 但係撈埋成個飯其實就啱啱好 反而好過出面其他夏威夷丼專門店 (成日覺得佢哋落得太多醬)🍚米飯用咗珍珠米 食落暖暖哋 質感ok 只係唔知點解好似冇乜飯香味 但係唔要求得咁多 整體成個飯唔錯 好鍾意佢可以咩都自己揀 會建議配料揀啲濃味嘅再配啲清淡啲嘅 咁樣唔會太鹹／酸下次黎食又可以試另一啲配搭😙小食係日式炒雜菜 ($38)+ 牛油雜菌帆立貝 ($38)炒雜菜有青豆 紅蘿蔔絲 菇 娃娃菜 蓮藕片味道比較清淡 好似冇乜落醬汁或者鹽唔會好炒到好油至於帆立貝 一碟都唔少帆立貝 有67粒 中形size 有群邊 食落質感幾好 肉好淋 然後群邊有咬口 只係覺得佢唔夠味 雖然用牛油煎 但係食唔到牛油香味 只係食到佢啲油🙈然後同樣冇醬汁調味依杯藍莓士多啤梨寒天乳酸比相冇咁靚 而且佢唔係真係乳酸 因為完全冇乳酸質感同味道同埋味道真係唔得 某程度上幾難飮吓 伏佢冇藍莓味 然後個士多啤梨味超假 飲落根本似飲品藥水🥲好甜仲要冇寒天所以飲品會建議大家叫返啲大路啲嘅 同埋叫少甜!!!味道未至於話好好食 感覺調味上可以再做好啲 不過佢用啲材料係靚嘅 所以啲食物質感好好係飲品差啲 個味真係嚇親我份量幾好 飯普遍多 不過我見啲焗飯又好似相對細份啲 小食冇諗過份量咁足！環境算舒服服務都幾好 可能因為新開 見佢都好多樓面 然後態度都好 個個都好勤力咁👍🏻CP值絕對可以話好抵食 我哋今餐叫咗咁多嘢 都只係$302 即係平均每人$100💕開起依個位應該都係想做poly學生生意希望佢做得長啦 一定會再去試佢其他嘢
招牌標榜日式咖哩，湯烏冬及喫茶，第一次食就先試左燒咖哩，燒咖哩芝士牛油烤雞飯 $63所謂燒咖哩其實睇英文餐牌就明，Baked Curry即係焗咖哩啦。
個焗飯賣相都幾吸引，滿滿的芝士焗至微燶，旁邊一隻半熟溫泉蛋。
芝士下係厚切雞扒，好大塊，夠嫩夠juicy！日式咖哩汁撈飯好正，不過我選了激辛但食落完全唔辣。
上枱時望落唔算大碟，但最後我食唔晒啲飯，實在太邪惡，好味不過有點膩。
之後再幫襯就試左湯烏冬，唐揚雞球湯烏冬 $64 / 吉列豬扒湯烏冬 $68，湯底選了櫻花蝦明太子薯蓉忌廉湯及黑松露薯蓉忌廉湯。
先講湯底，櫻花蝦賣相唔錯，黑松露味道香濃，飲落嗒得出薯蓉味，但湯底唔算creamy，唔會好杰，我係差唔多飲晒成碗湯（邪惡...）本身烏冬湯裡有荷蘭豆，蘿蔔，魚片，隻碗細但烏冬份量亦唔少，差唔多裝滿。
唐揚雞及吉列豬扒都幾好，炸粉唔厚，豬扒更是大塊兼肉厚，咬落唔會好乾。
.平日午市跟餐配飲品，凍飲加$2，蘋果乳酸正正常常，如果飲其他特飲就二三十蚊杯，跟餐減$8。
呢個價錢在紅磡區食個晏算偏貴，黃埔區則屬中等。
但論食物質素及份量都算中上，但無論湯烏冬或燒咖哩都好邪惡，我唔可以成日食...
蒲燒鰻魚凡立貝丼 $72生薑豬肉丼 $65右邊豬軟骨丼 $68香桃小丸子綠茶 $17小丸子牛乳抺茶 $20抺茶豆腐飲 $20三味玉子燒$36飯就好普通，至於飲品好淡味抺茶牛乳是綠茶味多過抺茶口味都沒有香的奶味玉子燒話有三個味，黑松露明太子芝士，以為入面有這些餡料，只是外面放了黑松露醬、明太子醬、芝士
呢間鋪頭由裝修開始期待左一排，終於開始試業，過到黎都幾多人係出面等，拎張飛仔可以附近行下，不過等十幾分鐘就已經有位好快。
照燒雞扒飯（$56)個照燒雞扒賣相超靚，個雞扒肉冇乜肥肉，調味好好食，飯面有d 飯素同埋類似明太子既野，配合返d珍珠米好好食🍚咖哩吉列豬扒飯（$60)咖哩有得揀甘口同辛辣，朋友揀左甘口，豬扒炸得脆口啖啖肉，朋友激讚👍🏻但朋友話咖哩汁如果多少少就更完美，尾尾d 飯唔夠汁😆😆小丸牛乳抺茶 ($28)叫丼飯或者烏冬類加飲品可以減8蚊，睇到個飲品menu覺得好吸引，揀左小丸牛乳抺茶，香濃抺茶牛乳味道唔錯，小丸其實係白玉，煙煙韌韌幾好食📍 天下茶屋 (紅磡)紅磡必嘉街121號黃埔花園一期奇妙坊地下G6B號舖
天下茶屋餐單提供日本菜, 日式西餐等推介美食位於紅磡區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 24319888 查詢。
您對於紅磡餐廳「天下茶屋」有何 comment？
天下茶屋餐廳詳細資料：
- 天下茶屋地址: 紅磡必嘉街121號黃埔花園一期奇妙坊地下G6B號舖 Tengachaya, Shop G6 B, G/ F, Amazing World, The Whampoa,121 Baker Street, Hung Hom
- 天下茶屋電話: 24319888
- 天下茶屋價錢: $51-100
- 分類: 日本菜, 日式西餐
- 座位: 未知
- 付款: AlipayHK,支付寶,現金
- FB專頁: 天下茶屋 Facebook
更多天下茶屋相關資料:
香港餐廳2026推介9月