友記燒臘飯店 紅磡

友記燒臘飯店 評價 相片

今日收工經過紅磡庇利街，見到附近的友記燒臘店，我知道這間燒臘店其實都已經開咗好多年，諗住外賣買燒鴨拎返屋企食，價錢亦唔貴。

記得上次食已經係年幾之前，調味仍然都維持到幾好食。

鴨肉肉質很軟、肉汁豐富，肥瘦適中。

色澤都好均勻。

我聽師傅推介話買咗燒鴨下庄食，原來其實會抵過淨係買隻鴨髀食。

分量會較為多，一個人食份量都食到飽晒。

整體總算不錯。

真係幾抵食。

其實咁老字號的燒臘店真係買少見少，附近都已經轉變得太快。

成日經開呢頭呢間友記燒臘飯店一到冬天就會有煲仔飯食今日終於都可以試吓佢！佢啲煲仔飯都唔係貴同廟街差唔多價錢呢度唔洗排我嗌左個冬菇滑雞煲仔飯$54一黎到好！足！料！D雞鋪滿晒飯面數埋有810件但係不足之處就係冇乜冬菇哈哈我寧願多d啲雞好滑好林！但就冇乜雞味 似出面滑雞飯嗰種滑雞但老實講呢個價錢咁多件仲想點？而佢個飯焦真係好香好脆！好食過廟街好多！廟街通常好燶好黑但友記岩岩好！而佢飯焦好食既原因都關個豉油事！係因為佢有層油起入面所以食到底D飯焦好易起到出黎但美中不足佢個豉油唔夠味扣咗分！煲仔飯個豉油好重要架嘛！我嘅另一半就係嗌左豉汁白鱔煲仔飯$68呢個都好正呀白鱔好滑又無骨！呢個價錢性價比高飯焦一樣香口總括嚟講煲仔飯性價比高即叫即整又大份如果經開呢頭值得一試服務態度又好唯一不足之處真係個豉油同埋嗰度就唔係太好坐有少少污糟不過唔使排又乾淨過廟街冇所謂啦我一定會再嚟試吓臘味煲仔飯

好耐無食燒味，行經入去買盒油雞鴨飯， 殘鋪都要40蚊，個阿姐包盒飯入袋就算，我見寫住送例湯，但係個阿姐無比我，我就問佢係咪有湯，佢答我係呀，跟住先不情不願行去裝比我( 唔開口問就無囉)。

返到公司打開盒飯，嘩，驚嚇程度有5粒星， 除之餘火起程度有5粒星，有無攪錯，全部都係骨，精明嘅消費者，平心而論，這盒飯值多少錢呢? 雖則我係食油雞飯，但係啲雞咸到完全冇朋友呀，燒鴨全部骨，反而個例湯係解喝水，因為係完全無味。

總之覺得係唔可以再幫襯咁啦。

不知所謂P.S. P.S. 咁就無幾草嘢，要再去買其他嘢食

紅磡舊區係一個仍待發展的區域，特別是以庇利街附近一帶的發展更未為完善，但正因為甘，當區舊店臨立，更保留部分傳統的食肆及地道小食店，而且更有部分較為舊式隱世餐廳友記燒臘飯店就算是當中的表表姐，店內沒有豪華裝潢，亦無大明星座陣宣傳，食既都是舊街坊街里。

秋冬臨至，當然是食煲仔飯的絕佳時機，是日晚上與友人由何文田站步行了最少15分鐘來到友記，分店沒有太多客人，但門外已聞到煲仔飯味。

1. 豉汁白鱔煲仔飯雖然是眾多煲仔飯中價格最貴，但味道絕對信心保證。

等了大概15分鐘，熱辣辣煲仔飯內倒入老抽，白鱔肉嫩夠完全不腥，混合焦香飯焦，入口難忘2. 臘腸肉餅煲仔飯肉餅自稱是自家制作，口感嫩滑，臘腸味道夠香，而且有咬口不會軟腍，明顯有風乾一段長時間，同樣配上老抽咸香，一流

今日同老婆嚟咗呢間燒味鋪食煲仔飯，呢度平時都係食燒味的，估唔到到咗晚上竟然做埋煲仔飯，行過見到就入咗去食下了。

入到去望吓個餐牌款式都幾多，但我同老婆始終都係情歸於土魷肉餅，所以我哋兩個諗都唔諗就一齊叫咗土魷餅煲仔飯了。

等左大約20多分鐘，煲仔飯到了，我哋先將蓋打開，落一落煲仔飯豉油先，再將蓋刪返埋，再焗佢一兩分鐘先食。

煲仔飯份量適中，肉餅葉得味道剛剛好，飯熱辣辣，好嘢未。

呢幾日天氣咁凍，食煲仔飯真係暖粒粒煲仔飯簡直係冬天之愛

友記燒臘飯店餐單提供粵菜, 廣東, 燒臘, 茶餐廳, 冰室等推介美食位於紅磡區，餐廳座位數42人均消費約$50以下，結賬可以用AlipayHK,支付寶,現金,八達通,微信支付，Booking訂位可以電話致電 27656269 查詢。

您對於紅磡餐廳「友記燒臘飯店」有何 comment？

友記燒臘飯店餐廳詳細資料：

• 友記燒臘飯店地址:
  紅磡庇利街24號地下1B號舖
  YKHK Restaurant, Shop1 B, G/ F,24 Bailey Street, Hung Hom
• 友記燒臘飯店電話: 27656269
• 友記燒臘飯店價錢: $50以下
• 分類: 粵菜, 廣東, 燒臘, 茶餐廳, 冰室
• 座位: 42
• 付款: AlipayHK,支付寶,現金,八達通,微信支付
• FB專頁: 友記燒臘飯店 Facebook

更多友記燒臘飯店相關資料:

• 友記燒臘飯店分店
• Youtube
• Facebook
• Twitter
• Google