京都大酒樓高級宴會廳 紅磡

京都大酒樓高級宴會廳 評價 相片

佢裝修前(大約2年前)食過一次$98任食打邊爐，冇一樣野得差到冇朋友，講過冇下次。

今晚朋友過來想食任食打邊爐，裝修後就比多次機會試下。

裝修後係靚左好多，主要係為做婚宴會場地。

服務 :禮貌就幾好，服侍週到。

食物 :駌鴦湯底(沙嗲/清湯) 清湯好清...冇乜味!, 沙嗲味好濃! 食物唔一一寫啦! 大部份普普通通野! 係一D OK既同唔得既先寫。

炸支竹 又浸耐D軟身就OK! 味道算幾好!~~花支片 算唔錯卓一卓就食得~~豬皮 好多黑毛，唔得~~魚旦 個心霉霉地，唔得~~芝士腸 D味怪怪地~~蝦滑 OK, 唔係霉霉怪怪味個D, 可以食幾ROUND~~豬頸肉 爽口，肥瘦適中, OK ~~玉子豆腐 怪怪地味! 又唔係變左但川中間唔同味! 因為比小朋友食所以放棄唔要~~駝鳥肉 我地叫係駝鳥肉，來到睇似牛肉，熟左再試真係牛肉...，我朋友唔食牛架，想害人咩!美國肥牛 可以接受! 唔係好鞋都OK!~~鵝腸 爽口，可以一試~~雞、魚 一般正正常常~~雪糕 唔會係外國大牌子，香港既亞波羅其實都OK喎! ~~總結:雖然任飲任食好似好抵...但我唔會再來，食物質數大部份仲差過自己係凍肉公司買!依個價錢可以去稻香食好質數D

前幾日去飲完茶覺得幾好,端午節本來想一家人再去點知去到見到張餐單換左,點心價錢差不多是平時的一倍!!!!!問服務員"明明以前不嬲星期日及公眾假期10am5pm大中小$9.8"佢支支吾吾一陣之後話因為端午節,我就問佢端午節係咪公眾假期?佢吾識答又話咩端午節係特別節日我同佢講你加價加少少冇所謂,但而家你加成倍wo!!!!跟住即時走去其他茶樓,其他茶樓價錢冇變!!前幾日先覺得間野吾錯,但竟然坐地起價得咁過份以後過時過節就一定吾會再去,平日吾係冇得選擇都吾會去

今日陪人黎附近interview約左9:30仲差一個鐘先夠鐘於是同友人黎呢到飲個早茶食下野先!叉燒餐包小點供應一碟三隻新鮮出爐包身軟軟叉燒唔多水準一般生菜鯪魚球一碟有三球可惜多魚骨食得幾辛苦但係夠哂平早晨孖寶十三個8抵食化算皮旦瘦肉粥香煎鯪魚餅可惜粥太稀魚餅太多粉唔係咁好食埋單50蚊食咁多野算抵lu

琴日同友人一行4人去打邊爐$98一位...第一次叫既野..得D豆腐..菜..魚蛋...脆肉瓜之類既野來左..!!肥牛..豬肝..魚X餃..果D一D都冇來...我地係咁吹單吹左3~4次..都係冇來..!!一個半小時後我地頂唔順..叫第2次野食...結果一D都冇野..又過左半個小時..我地終於頂唔順...鬧佢地...佢地先同我地講冇晒肥牛果D...我地啞晒...咁大間野一D肥牛都冇唔係呱?仲要咁多野都冇來..過唔過份D..?我地4個人..俾成$400...結果食左果度$50都唔知值唔值既野囉!!俾錢食垃圾..一定唔會再去囉...琴日真係成肚氣囉...咁都有既

因為住得近, 平均一個月都有一兩次落去飲茶, 冬天就多幾次落去幫襯"任食打邊爐", 其實這種傳統大酒樓, 無嘜特別驚喜, 勝在夠平, 飲茶點心就只是一般偏差, 據我食左禁多次既經驗, 午市飲茶最好食既係"假煲仔飯", 假係因為, 唔係真正的用火燒的, 只是蒸的, 不過, 勝在夠干身, 飯不太軟, 另外, 上海點心亦不差, 當然不及上海鋪啦, 咁既價算合格有餘, 另外, 最多人投案的"任食打邊爐"問題係, 又係根據我經驗, 想食得好, 千萬不要好日子幫襯, 一多客人, 他們就亂籠, 地下那張宣傳單張上的食品, 只有在非煩忙時間才有效, 但一遇上甚麼大時大節, 就千萬要三思了,所以我只會閒日才幫襯, 否則... "德興"啦,

京都大酒樓高級宴會廳餐單提供粵菜, 廣東, 點心, 中菜館, 酒樓等推介美食位於紅磡區，餐廳座位數未知人均消費約$50以下，結賬可以用Visa,Master,現金。

您對於紅磡餐廳「京都大酒樓高級宴會廳」有何 comment？

京都大酒樓高級宴會廳餐廳詳細資料：

• 京都大酒樓高級宴會廳地址:
  紅磡馬頭圍道23-35號隆基大廈地下及2樓
  Capital Restaurant, G/ F&2/ F, Lung Kei Building,23-35 Ma Tau Wai Road, Hung Hom
• 京都大酒樓高級宴會廳電話:  
• 京都大酒樓高級宴會廳價錢: $50以下
• 分類: 粵菜, 廣東, 點心, 中菜館, 酒樓
• 座位: 未知
• 付款: Visa,Master,現金
• FB專頁: 京都大酒樓高級宴會廳 Facebook

更多京都大酒樓高級宴會廳相關資料:

• 京都大酒樓高級宴會廳分店
• Youtube
• Facebook
• Twitter
• Google