Moreish & Malt餐廳推薦美式餐廳，提供多款菜式如燒美國肉眼扒、八爪魚三文魚子沙律、水牛城辣雞翼等。餐廳酒類選擇多，有手工啤酒、紅酒、葡萄氣酒、白酒及各式雞尾酒，讓食客一次過享受高質美酒與佳餚。Moreish & Malt位於紅磡區，餐廳內座位數70人均消費約$101-200，餐單提供美國菜,漢堡包,扒房,酒吧,酒店餐廳等推介美食，埋單可以Visa,Master,AlipayHK,支付寶,現金,銀聯,微信支付付款，Booking訂位可以電話致電22758778查詢。
紅磡蕪湖街83號逸‧酒店1樓
您對於這家紅磡餐廳「Moreish & Malt」有何評價呢？
餐廳Moreish & Malt評價及照片：
-浪漫呢兩個字對我黎講可能係一種好虛無，好玄妙既一件事，莫講話要搞驚喜，就算連哄人我都唔係好識。不過當我投身社會之後，反而明白到浪漫既定義，根本就係視乎同邊個一齊，就算有心思、有驚喜都要係對的人做對的事，就係咁簡。今次黎到紅磡呢間「Moreish & Malt」試一試呢位大廚每一道菜既心思、驚喜究竟到唔到位！👇📌Crabmeat Avocado Bruschetta - $108/4pc👉最強牛油果代表！點少得呢道「牛油果蟹肉多士」，首先用上蟹肉已經夠睇頭，再加埋法式多士同我最愛既，兩者不謀而合。熟透既牛油果味道香滑，入口即融，多士質感焗既時間岩岩好，相當脆身，好食。📌Homemade Coleslaw - $48👉大廚精心泡製既「自家製紫椰菜沙律」，用到平時好少食既紫椰菜，呢點幾吸引。首先紫椰菜營養價值甚高，當中既維他命C、維生素E、纖維素已經岩哂我呢ｄ要開始要抗氧化既叔叔，仲可以幫助身體燃燒脂肪，的確係健康一族首選。再擺係沙律黎一齊食，做到爽脆清甜，賣點精緻既一道前菜，認真唔錯。📌Homemade Fettuccine Prawns Aglio Olio - $148👉呢間餐廳既大廚好講究對食材既執著，所以連麵條都係由自家製出品，呢道「大蝦碎蝦乾 · 白酒汁 · 自家製闊條麵」就完全係我既賣飛彿啦。首先佢用既白酒汁清香不膩，仲將大蝦帶出鮮味，粒粒碎蝦乾仲可以增加成個意粉既質感。而獨特既闊條麵食落有咬口，有彈性，呢個價錢，相當抵食。📌Yamato Bone-In Pork Chop - $248👉另一道主菜亦都係餐廳又一招牌菜「燒日本活性水飼有骨豬鞍 · 炸薯條」，豬鞍質感厚身，表面燒到均勻焦香，切開裡面仲係有粉嫩色既光澤感。而食落肉質香軟，因為肉汁仲緊緊鎖住，所以唔會好乾身，每一啖肉裡面既油脂非常香濃，重點推介！📌Tofu Cheesecake - $78👉最後既甜品都係我既大愛「豆腐芝士餅 · 芝麻醬 · 秘制糖酥腰果」，以特別既腰果陪襯豆腐味既芝士餅。質感幼滑，每啖口感都有濃郁既豆香，唔錯。總括黎講呢間餐廳水準同性價比都超越預期中，絕對值得我再翻兜多次！-
-相處得愈耐,浪漫就愈黎愈小。但浪漫既必要,促使咗我地黎個小約會。在煩囂的鬧市,找尋寧靜確實不容易。但甫步入餐廳，便立即被放鬆的感覺包圍。轉角位寬闊的落地玻璃，閃閃的燈飾帶來醉人氣氛，長長的吧台，毛茸茸的卡座，絕對是下班後小酌一杯的好地方。但係，我今日唔！飲！酒！難得同另一半搵到如斯浪漫放鬆的地方，當然要SWEET SWEET一下。🔸First Kiss 💋 唔好諗衰嘢，而係叫左一杯玫瑰草莓特飲。醉人的作品，要配上內涵的名字。First kiss，是甜美的，透出淡淡的花香，是青春的味道。First love, First kiss，甜蜜過後是青澀的哀愁，酸酸的，苦苦的，為什麼?檸檬，佢加左檸檬。彷彿悼念著逝去的歲月。🔹Crabmeat Avocado Bruschetta🥑三文魚籽牛油果蟹肉多士，豪華既前菜滿滿嘅三文魚籽，配上沖足料嘅蟹肉，香脆嘅多士簡直係人生一大享受，所有配料都毫不寒酸面頭仲配上黑醋醬，增加左成個多士嘅層次🔸Homemade Coleslaw🥗「自家製紫椰菜沙律」酸酸嘅醬汁配上爽脆嘅紫椰菜作為前菜真係好開胃，罕有嘅紫椰菜增加咗視覺嘅享受，真係一個唔錯嘅前菜🔹Homemade Fettuccine Prawns Aglio Olio🍝「自製香蒜櫻花大蝦意粉」自製貶意粉，充滿蛋香好彈牙，唔似出邊買嘅意粉一樣。好有特色。可愛地選用左櫻花蝦，配上香蒜嘅香味，出奇地有少少中式風，有少少fusion菜嘅元素。🔸Yamato Bone-In Pork Chop🐷最難忘莫過於係呢個豬鞍，切開帶着粉嫩嘅肉質，配上香脆嘅表皮，明顯有花過心思去處理。而咬落去肉汁即刻流出黎，好Juicy，仲一啲都唔韌。另外配上芝士黑松露醬，好有心思呀。🔹Tofu Cheesecake🍰食晒成餐飯，其實都飽到頂心口㗎啦。本身都想同佢講cancel個甜品，但又比豆腐吸引左Cheesecake配上淡淡嘅豆腐香，味道品會太搶唔經唔覺就食晒個甜品啦唔會太甜亦都好輕盈，一啲都唔覺得有任何負擔。💁🏻♀️臨走之前仲見到佢出咗個優惠，有得任食牛扒都只係$348 ，簡直超值，牛魔王真係可以黎試吓呀！-
-年頭跟朋友食過飯之後隔咗半年再見，呢間餐廳上次食過覺得好食再 encore，講講吓先發現上次幫襯其實就 2 星期前啫，仲覺得好似好耐咁 🤭🤭餐廳樓面唔算大，主要由一位 superguy 打點，招呼客人，安排座位，落單，上菜連唱生日歌都係佢 🤣🤣🤣因應食飯人數 superguy 會介紹唔同套餐，仲會加句好抵食 🤣🤣🤣我哋真係聽話叫咗個 2 人餐，餐包好香口，上檯時有小小暖，沙律簡簡單單，一向唔喜歡成舊芝士放入口嘅我又覺得好味喎 😅 餐湯飲得出係新鮮打嘅粟湯，有咬口。柚子汁燒豬鞍一上檯已經好香，朋友仲好好心機切薄片，食落口好 juicy 唔會乾爭爭，配菜有串茄，露筍同薯條，每款都好美味。茄醬煙肉闊條麵，望落平平無奇，以為煙肉乾同硬，朋友仲諗住‘了’走晒佢添，點知原來好脆口，食到唔想停 😅😅跟餐加 ＄10 可以跟咖啡或茶，我哋都飲咗杯咖啡，一晚暢聚完美結束 💝💝🎈坐咗一晚，可見餐廳好多熟客，superguy 都會同好幾檯熟客飲杯，食物質素真心得，有機會會再試其他食物，希望佢哋嘅 set 定時更新啦 😍😍-
-住咗係附近咁耐，最近search餐廳優惠先知道原來逸‧酒店1樓有一間人人都去得既美式餐廳。由於我哋book得早，所以仲未有客人，不過一入到就feel好chill，播住好有中美感覺既歌，店員亦好熱情咁介紹餐牌、推介菜式。 “爆棚” 手撕燴豬肉香辣芝士三文治 ($138)雖然名叫三文治 ，但分量一啲都唔少，配埋炸薯條都非常夠飽。多士中間夾住微辣豬肉、墨西哥辣椒同莫札瑞拉芝士，辣椒中和咗多士同芝士既油膩，食落好惹味好有風味，令我聯想起墨西哥菜 😋大蝦碎蝦乾白酒汁扁麵 ($128)蒜味同牛油味都幾重，亦都係因為咁而略嫌有啲油膩。不過因為有大蝦同蝦乾配上白酒汁，好有鮮味，面既韌度啱啱好。-
_0026 黃 / _0026 藍 (_0026 黃藍意思黃店或藍店簡稱)