龍豐粉麵茶餐廳 粉嶺

龍豐粉麵茶餐廳 評價 相片

今日下午我們喺粉嶺附近做完嘢之後，覺得有啲肚餓，所以我們喺周圍行吓睇吓有咩食？行到去聯和墟有間叫「龍豐粉麵茶餐廳」，當時係下午茶時間，店內嘅人客都算多，心諗食物出品應該都會唔錯，所以我們就入咗食下午茶！我們叫咗牛根牛丸粗麵嘅牛根燜得非常入味，質感相當煙韌軟滑，而且份量超多，而牛丸雖然祇得兩粒，但質感好爽口彈牙，而且牛肉味都幾鮮味，至於粗麵嘅麵質亦好爽滑煙韌！四寶米粉嘅魚蛋比較腍身，而且味道亦有啲腥，而魚片就係魚片頭，味道比較鹹，而魚皮餃嘅皮就非常厚身，食落嘅感覺亦有啲「粗嚡」，至於中間嘅餡料就超油膩，因一咬落去就成口都係油，真係極之油膩，豬肉丸就不過不失，至於墨魚丸就非常爽脆彈牙，而且有好鮮嘅墨魚味，係眾多款丸之中比較好！

20170322(星期三)，又想吃雲吞麵，但聯和墟真的沒有絶頂好的雲告麵，於是又到了龍豐。

是日點了:雲吞麵($27)走青，好像比前加了$1，雲吞麵湯底太咸，雲吞味道一般，比前退步了，失望。

炸魚皮($10)約有五、六件，魚皮脆是脆，但脆得來有點硬，味道怪怪的。

凍檸茶回家看相片才知原來是有冰的，因為我飲的時侯，心想叫了凍檸茶，為何一粒冰也沒有，完全唔凍，白加了$2，應該是茶太熱，冰融解得太快，不倫不類的凍檸茶。

埋單$45，雲吞麵退步了，暫時不會再光顧。

上次食早餐，今次試埋粉麵，下午茶時間，人客唔算多，環境幾舒服！店員比較趕，落好單，食物好快到， 雙丸河加紫菜（$31）雙丸問咗係牛丸加魚蛋，如果轉就計雙拼，魚蛋唔係粉但削，唔彈牙，無乜魚味，豬肉丸有肉汁，幾彈牙，比魚蛋好！紫菜比得多，爽口無沙，河粉滑但我哋幾個人食河粉都覺得有怪味！攪到個湯底好怪！本個湯好濃郁！熱檸茶：茶底味道幾濃！茶餐廳水準，檸檬唔澀！阿姐店員爽快，中間我哋對賬單唔明，都會詳細解答，廁所略濕滑，尚算乾淨！不過一間專做粉麵店，連粉都有問題！真失望！

在附近工作，已吃厭聯和墟的食肆，發現開了一間新的粉麵茶餐廳，就去試試。

午飯時間要等位，但不是很久。

餐廳𥚃面很闊落，樓底很高，座位也算舒服。

叫牛腩河，姐姐問我要招牌定普通，我問她有什麼分別，她説招牌是用新鮮牛腩。

我其實對牛腩不太講究，但姐姐極力推介，就試一試，另加炸魚皮、熱檸茶。

魚皮先來，不油，很脆，還有魚味，正！牛腩河伴有很多蔥花冬菜，太好了！牛腩入味、鬆軟，不知是否新鮮的關係？可惜，檸茶沒有茶味，失望。

總結：值得再來。

最好是吃後不會口渴，証明少味精少鹽！

前幾日重陽放假，拜完山之後去左龍豐粉麵茶餐廳食野，外觀好新淨(可能新開)，地方好乾淨舒服，位置算闊落，唔似其他茶餐廳咁，逼到背貼背。

服務員態度都好親切，會主動同你介紹下有咩野好食。

講番食物，我叫左個牛腩粉、菜心同涷奶茶。

水吧沖奶茶沖得唔錯，茶膽應該都幾靚，而牛腩炆得好冧，又唔算肥，個粉又唔會浸得耐，變左一PAT野咁。

最後，我都係食左30零蚊，好抵食，聯和墟附近有水準又抵既野唔多，呢間算唔錯，值得支持。

龍豐粉麵茶餐廳餐單提供港式, 茶餐廳, 冰室等推介美食位於粉嶺區，餐廳座位數50人均消費約$50以下，結賬可以用現金。

您對於粉嶺餐廳「龍豐粉麵茶餐廳」有何 comment？

龍豐粉麵茶餐廳餐廳詳細資料：

• 龍豐粉麵茶餐廳地址:
  粉嶺聯和墟和豐街39號新景樓地下
  Lung Fung Noodle Restaurant, G/ F., Sun King Bldg.,39 Wo Fung St., Luen Wo Hui, Fanling
• 龍豐粉麵茶餐廳電話:  
• 龍豐粉麵茶餐廳價錢: $50以下
• 分類: 港式, 茶餐廳, 冰室
• 座位: 50
• 付款: 現金
• FB專頁: 龍豐粉麵茶餐廳 Facebook

更多龍豐粉麵茶餐廳相關資料:

• 龍豐粉麵茶餐廳分店
• Youtube
• Facebook
• Twitter
• Google