金龍餐廳 粉嶺

金龍餐廳 評價 相片

因為住附近所以都幫襯過好多次，但每次抱住應該係上次唔好彩的心態去食，結果每次都係令人失望。

我地叫左最基本的乾炒牛河同牛筋河外賣。

先講下茶餐廳必叫的乾炒牛河；一打開已經聞到好大陣鑊燶味，成碟牛河都係一隻色，冇光澤，食落去一大陣燶味，仲要唔係好明點解乾炒牛河要加蛋絲，乾炒牛河黎講真係唔合格。

再講講牛筋河；牛筋不過不失，但我明明叫左要多腩汁，但食落去成碗粉居然淡而無味。

不過佢地都有野要讚既地方就係服務，個個姐姐都好有善好好禮貌，但食物方面就真係......無言。

好耐冇食過炸脾沙律，以前做sales 日日都蛇去附近茶仔嘆下午茶，自從轉咗工之後就冇呢支歌仔唱lu~~今日終於忍唔住要嘆返個tea~雞脾雖然係冰鮮雞，勝在即叫即炸熱辣辣，要等成10幾分鐘㗎!size 屬正常，外皮酥脆唔太油腻，但可惜入面d雞肉炸得太乾，可能因為隻雞脾太瘦!有少少𡁻柴feel~沙律用咗新鮮嘅甘筍、薯仔、青瓜同罐頭雜果(有椰果果種)。

記得好多年前都喺呢度食過，個沙律同樣係呢幾種材料做，都幾欣賞餐廳堅持用新鮮材料!凍檸茶，正常味道。

我同男朋友係牽晴間住客,每個星期日都會O係依度食早餐或者午餐!話說十二月一個星期日下晝點幾兩點鐘~我地一齊落樓到依間野飯LUNCH~因為貪佢夠近,求求其其食一餐就算!!我地平時都會食佢D 公仔面餐,果日突如其來GE一時興氣,所以叫左個羊腩煲~其實我都覺得下晝食廿腩煲怪怪地咁~但又想食MA黎到之後,其實羊腩煲無咩野~如果要求佢好好食,對佢係唔公平~話晒佢都只係一間屋村茶餐廳ONLY~~想要高質素食物,無可能~個煲過得去, 但佢跟煲果個白飯就真係.......................差到唔可以再差~食飯去,面頭果層飯暖暖地~~都算勒~~食多幾啖~D飯痴實一舊舊,仲要凍凍地,好硬咁~~好明顯係隔夜白飯~~我同我男朋友食食下都唔想再食~仲要有一碗飯係自己加GE~唉~~~~食到唔想再食,所以求其食晒個煲就算~最搞笑埋完單果陣, 忍唔住同櫃面個阿嬸講問佢D 飯係咪隔夜飯~凍冰冰,一舊舊,痴實晒咁~好明顯就係LA~禁埋有個阿叔伙記埋黎,個阿嬸問大叔~阿嬸同番我講話D飯係朝早煲架喎~勁丫,佢連白飯都可以煲到咁GE野~即日煲都可以咁樣,打死我都唔信囉~仲要打開眼講大話~講真,我唔係隔意食隔夜飯,但佢比隔夜飯人食都唔好好似驚死人食唔出係隔夜白飯~仲要死撐唔認~~~~不知所謂～請好好檢討一下有時恃住果度得佢一間就咁～咁唔得囉～請尊重食客！好容易比人淘汰～～食物質素好緊要～雖然係一個白飯ＯＮＬＹ～講番句公道話，佢Ｄ　燴意粉都食得落口！不過自從食過隔夜白飯後，就無再去過ＬＵ～亦唔打算再去～況且成個粉嶺禁多野食，唔係得佢一間！！

基本上, 在粉嶺南要好食根本沒有很多選擇或者係冇, 它們主要做街坊生意. 如果你懶行和懶煮, 更加死路一條, 熇食! 食硬你, 你話好唔好食. 有時我覺得此區其實幾多人, 多後生及單身, 租比出面平, 如果好食, 一定夠cover 及substain. 昨午到此餐廳食飯. 點了兩個午市套餐.滑蛋义燒飯 睇义燒啲顏色就知, 啲開粉滑蛋似漿湖, 飯一碟囉!楊洲抄飯, 竟然會暖 和 鹽都未溶!例湯, 好油好例湯!其實之前, 呢度啲牛什麵和越南嘢食都OK, 不知是否成本問題. 也巳經變為得差了.由於同區食市食物質數一齊退步,劣幣途迏良幣, 可惜. 總結 : 呢度好食係奢侈, 食飽就算.

原先是彩龍,主打越式食品,但自從改名為金龍後,已淪為不倫不類的茶餐廳,水準更每況愈下.水吧加設的潮式粉麵檔,簡單的一碗牛什麵都唔得,不單麵底鹼水味勁重,而且牛什炆得唔夠入味,又唔夠淋,真想同老板講唔識唔想就唔好做.牆邊經常有小強出沒,咁都得?唯一可取的是,這店有一班好伙計,做野快手快腳,而且刻價比附近幾間平宜些,所以午間都能吸引一班藍領人士光顧,可惜晚飯就客人漸少了.

金龍餐廳餐單提供港式, 越南菜, 茶餐廳, 冰室等推介美食位於粉嶺區，餐廳座位數未知人均消費約$50以下，結賬可以用現金，Booking訂位可以電話致電 22564485 查詢。

您對於粉嶺餐廳「金龍餐廳」有何 comment？

金龍餐廳餐廳詳細資料：

• 金龍餐廳地址:
  粉嶺牽晴間廣場地下4號
  金龍餐廳, Shop4, G/ F, Dawning Views Plaza,, Fanling
• 金龍餐廳電話: 22564485
• 金龍餐廳價錢: $50以下
• 分類: 港式, 越南菜, 茶餐廳, 冰室
• 座位: 未知
• 付款: 現金
• FB專頁: 金龍餐廳 Facebook

更多金龍餐廳相關資料:

• 金龍餐廳分店
• Youtube
• Facebook
• Twitter
• Google