薩莉亞意式餐廳 粉嶺

薩莉亞意式餐廳 評價 相片

跑完步之後過嚟窮人必食嘅薩利啊，諗住大吃一番。

經過前牌上晒報紙Facebook，店舖有曱甴又污糟呢個新聞之後，我諗佢哋會更加注重！點知嚟到好似冇乜改善，食物質素同埋水準每況愈下🤔好似呢個魷魚明太子意粉咁，佢嘅魷魚圈真係超級少🥱🥱另外一碟菠菜，真係慘不忍睹，下面仲有好多菜汁，唔明點解咁樣都可以拎出嚟見人🤔其實其他分店未去到咁差，係呢一間嘅廚房特別有問題好彩落單嗰個姐姐都好有禮貌，但係其餘就一般般！希望佢會再注意下，有機會再嚟食

介紹下喺平民西餐廳蕯莉亞幾個我必點嘅item。

平均每人五、六十蚊就食到飽，真係窮人恩物。

辣味雞翼辣辣地，好入味，好開胃。

白汁雞肉焗菠菜個配搭好新鮮但又出奇地好味，白汁焗出嚟好香好creamy，配埋啲菠菜食好夾。

蕃茄蜆肉意粉如果唔想食啲好Heavy好膩嘅意粉，蕃茄意粉就最啱啦。

酸酸辣辣非常開胃。

明太子海鮮意粉好creamy，好足料，有蝦又有魷魚，好抵食。

幾鍾意薩莉亞嘅意粉，麵條比較幼細，質地好滑又帶d彈牙，好味。

今日放假諗同媽媽去食乜好，放親假都飲茶想試下其他野，醒起牽晴間開左間薩莉亞事不宜遲，去相!!!法包熱辣辣，好香脆。

用來配個粟米湯一流小朋友野，純粹過下口癮今次依幾隻雞翼都好瘦削下，食落唔太juicy依個意粉真係all time飛佛，個汁好好味，creamy得黎唔會太膩岩晒芝士怪起餐既速度非常快，食得好過癮。

依個價錢食到咁多款野食唔好話抗通脹，直頭抗埋抑鬱。

返到屋企先醒起冇叫到甜品，不過唔緊要，一定會再回頭

薩莉亞出名多人，等位等得耐，但今日係平日，所以晚餐時段比起假日都唔係等左好耐，大約等左半個鐘就入得。

我和朋友叫了溫泉蛋卡邦尼意粉、Pizza同芝士法包。

Pizza同芝士法包味道都ok，值得試，但溫泉蛋卡邦尼意粉真係好一般，太多汁，我同朋友都唔太鍾意。

價錢方便係抵既，唔洗100蚊就就食到幾樣野，而且都好飽肚，但衛生就真係要改善，刀叉好似洗得唔係咁乾淨，忍唔住自行用清水再洗過。

服務就無咩特別，點餐上餐速度都算快，環境都幾嘈。

7月5號,我同我呀媽黎食野,叫左個墨魚麵,周打海鮮湯同一個pizza。

味道上黎講一般,不過本身志在放假同屋企人食餐飯,所以味道黎講算係小事。

重點係,有個女性服務員黎出餐,自己出錯餐仲怪我呀媽明知出錯餐就唔好亂搞,心諗:吓,你就咁放個湯係枱面,我就當個湯係自己叫個個嫁啦,妳比左錯餐仲怪我地?仲要事後個服務員出我地餐都就係放張枱到,好似我地錯先得罪佢咁,搞到個人食到冇引同埋搞到屋企人好尷尬。

之後好聲好氣叫佢比個叉黎,佢就話自己攞,但係隔離枱班學生話要個餐具,佢就馬上去攞比佢地,真係越食越冇引。

呢間餐廳真心唔推薦同屋企人黎食,跟本就係睇人面色食飯。

薩莉亞意式餐廳餐單提供意大利菜, 薄餅等推介美食位於粉嶺區，餐廳座位數未知人均消費約$51-100，結賬可以用現金，Booking訂位可以電話致電 27261744 查詢。

您對於粉嶺餐廳「薩莉亞意式餐廳」有何 comment？

薩莉亞意式餐廳餐廳詳細資料：

• 薩莉亞意式餐廳地址:
  粉嶺一鳴路23號牽晴間購物廣場地下G1D號舖
  Saizeriya Italian Restaurant, Shop G1 D, G/ F, Dawning Views Shopping Plaza,23 Yat Ming Road, Fanling
• 薩莉亞意式餐廳電話: 27261744
• 薩莉亞意式餐廳價錢: $51-100
• 分類: 意大利菜, 薄餅
• 座位: 未知
• 付款: 現金
• FB專頁: 薩莉亞意式餐廳 Facebook

更多薩莉亞意式餐廳相關資料:

• 薩莉亞意式餐廳分店
• Youtube
• Facebook
• Twitter
• Google