良之冰室 粉嶺

良之冰室 評價 相片

一月底與同事去咗公司附近新開嘅茶餐廳食lunch，餐廳入面有連豬及Pepe蛙壁畫👍🏻印尼海鮮炒飯（$45）炒飯賣相和味道都好一般，只屬一貫茶餐廳水準😐蔥油霸王雞飯（$58）霸王雞賣相唔算吸引，味道係可以，但雞肉唔嫩，所以都食剩不少；跟配嘅油飯有好濃椰香味，但口感偏硬，又係食剩😐另侍應上菜時手指掂到油飯😓熱杏霜/ 熱奶茶兩杯熱飲味道正常，不過不失！食物質素好一般😐而且可能新開張關係，感覺有啲混亂，就連餐具都無分類，放埋一堆就算😐希望餐廳嚟緊可以改善及提升食物質素！

試左早餐，沙爹牛肉麵，味道都ok, 但落單時，因為講錯左，要阿姐寫過，就面露不悅，之後一路食，幾個阿姐就輪住來執野，我自問食野都係快手快腳既人，唔係慢慢歎果種，但食個早餐，就來執左幾次野，好想快啲趕你走咁，我見出面有人開始等位，但我地唔係坐係度嘆茶唔走，根本野都未食完，已經有好大壓力感。

收銀果阿姐定唔知老闆娘，一路好大聲講野，真係有點。

。

趕客。

沙爹牛肉麵ok，Coffee可以， 奶茶一般，午餐肉同雞排唔好食。

午餐肉好粉口，雞排應該落左d粉炸，唔岩我口味。

座位都舒服，但阿姐服務態度要改善一下。

又再特登搭車過黎食 上一次過黎食岩岩開 下晝黎好多野都賣晒 上次食左炸脾都夠脆，夠大隻，夠入味 ！見佢個餐牌好多野食架 好多野都想試茶記竟然有水煮系列 又有廣東牛什粉麵晚市又會有小菜所以決心會再返黎 今次有常餐啦 食左沙嗲牛米 個沙嗲味真係幾好 牛肉都足料 火腿奄列都唔錯 佢原先係跟芝士火腿奄列 但我麻麻食芝士同個職員講 佢都好細心幫我走左芝士個多士就唔個係咪我哋坐正個風口位好快凍左感覺上可以再脆d $42蚊一個常餐 夠抵啦 呵呵~同埋叫左個星洲炒米星洲炒米一黎就聞到好香 有d辣 夠惹味色香味俱全 凍檸茶同奶茶就正常啦茶記黎講坐得舒服呢個價錢呢個質素覺得好值呀 會再返黎！

見到聯和墟有新開將嘅餐廳，於是同朋友們去幫襯一下⋯首先，在門外排隊等位，有d混亂，希望餐廳有所改善一下⋯其次，在內叫嘢食落單嘅時間比較長，雖然店內有好多人手，但等waiter過嚟落單時間比較長，等了差不多10分鐘，先有一個waiter過嚟落單⋯然而，等待食物嘅時間又等了差不多45分鐘有多，食物質數普通，不過不失⋯期望餐廳改進一下以上問題⋯

等到頸都長終於到開業日☺️朝早大約11點去到食早餐🍴以為會好混亂，點知安排入座都好順暢👍🏻大概等咗十分鐘就入得🕚$32五香牛雜河粉🍜咁早竟然晨早流流粉麵檔都開 仲要冇乜人叫😂師傅好快整好就上枱👍🏻👍🏻真係超足料！湯底清澈，陣陣牛香🤤牛雜夠哂稔，牛肚爽口😋牛肺又冇平日食到的內臟味👍🏻👍🏻粉腸都有34條👍🏻仲要送埋飲品！真係超抵食💯$36牛扒歐陸早餐🐮配炒蛋🥚煙肉🥓牛油粟米🧈🌽厚多士🍞牛扒煎起熱辣辣，比起平時茶記食的大塊得多，夠厚身😋肉質夠稔，冇乜筋位同肥膏👍🏻啖啖肉🤤烘底多士好足牛油！烘到香一香🤤好滿足👍🏻等位時職員仲提大家拎咗揮春先😂齊上齊落🧧眼見好多人等位都盡快食完，由等位到埋單大概用咗半個鐘😂新開業黎講上餐都算快手，員工超有禮貌，又忙又驚食客等得耐👍🏻當日沙嗲牛肉賣哂又唔記得試奶茶☹️期待再去試其他早午晚餐😋👍🏻

良之冰室餐單提供港式, 茶餐廳, 冰室等推介美食位於粉嶺區，餐廳座位數未知人均消費約$51-100，結賬可以用現金，Booking訂位可以電話致電 25135088 查詢。

您對於粉嶺餐廳「良之冰室」有何 comment？

良之冰室餐廳詳細資料：

• 良之冰室地址:
  粉嶺聯和墟和豐街37-43A號新景樓地下B及C號舖
  良之冰室, Shop B& C, G/ F, Sun King Building,37-43 A Wo Fung Street, Luen Wo Hui, Fanling
• 良之冰室電話: 25135088
• 良之冰室價錢: $51-100
• 分類: 港式, 茶餐廳, 冰室
• 座位: 未知
• 付款: 現金
• FB專頁: 良之冰室 Facebook

更多良之冰室相關資料:

• 良之冰室分店
• Youtube
• Facebook
• Twitter
• Google