和昇清湯牛雜雲吞河 火炭

和昇清湯牛雜雲吞河 評價 相片

外出工作完後剛好lunch time , 突然好想食雲吞面～其實係想食家鄉的細細粒雲吞～不過是但啦～坐左三分鐘，感覺小店員工好客熱情，同客人有傾有笑，氣氛和諧舒服😌雲吞面，湯底清甜，面體彈牙，雲吞大小適中，豬肉蝦肉比例洽當，油菜冇渣清甜，凍檸茶茶底少許濃濁，幸好檸檬🍋都算新鮮～總的不錯👍🏻會推薦給同事朋友們++++++++++++++++++++++++++++++!

叫咗一碗牛筋拼墨魚丸，魚蛋拼水餃，油菜，一杯西瓜汁，一杯凍檸茶。

墨魚丸味道好特別好好食，牛筋好淋亦非常入味，魚蛋爽口冇腥味，湯底值得一讚，清甜冇味精。

凍檸茶味道亦唔錯，西瓜汁都OK。

可能鋪頭主要做外賣，堂食人士亦只提供外賣碗同杯，感覺有啲唔環保。

當日堂食，店舖內充斥着胡椒粉定唔知五香粉嘅味道，非常攻眼同攻鼻，一路食一路流眼水😑，唔知係唔係鋪頭落咗一層樓梯，通風比較差，所以導致呢個問題，希望可以改善下就完美喇，會再幫襯，但應該會外賣就算了🥺

今日又要去表妹office，又要自己食外賣。

呢頭食野我都唔太鍾意堂食，因為唔太好坐。

咁就快快趣趣買碗粉上佢office慢慢等啦。

呢間粉麵之前都幫襯過，不過就食丸類多D。

有好多唔同既餐，有埋飲品最多都係四十幾蚊，經濟實惠。

牛三寶河 份量都幾多，牛腩唔肥唔鞋口；牛筋都入哂味；牛肚夠爽。

外賣碗係抵讚嘅一個環節，餸、粉、同湯隔開。

上面個兜易攞起，就咁倒落去湯度就食到堂食味道。

D牛味濃到噴左香水都遮唔到呀陰公。

今日又要係火炭哩個美食沙漠食lunch~ lunchtime又多人, 今次就簡簡單單買個湯粉食啦～一貫舊式粉麵鋪頭既門面加埋紅色圓型麵字門口就係樓梯, 要落一層既鋪仔細細, 一眼睇哂, 環境雖舊但就係咁先有陣港式魚蛋粉味~牛三寶河 $40而家仍然有好多魚蛋粉麵鋪都仲係用緊發泡膠碗, 分湯要加一蚊之餘永遠個湯倒落個河粉度都會滿瀉~依度既外賣碗已用左分湯碗, 企企理理牛根牛肚有咬口, 特別係牛肚好入味, 牛腩半肥瘦唔會柴皮, 三寶都好味! 滑滑既河粉加埋腩汁湯, 已經算係平民美食而佢搭個條菜就可以不理, 因為食過幾次佢條菜永遠都係老到有渣既~當點綴下啦今時今日40蚊一碗3餸粉, 味道又唔差, 作為一個簡簡單單又滿足飽肚既午餐都不錯呀

係火炭工業區，有唔少野食！見到呢間新開既牛雜河粉麵店，就去試下啦！始終我都係鍾意食快靚正粉麵！小小店舖，估唔到佢都有唔少款式野食！老闆自己親手煮麵沖茶！仲同客人好好傾！好nice!好有老街坊既感覺！我就試吓佢碗牛雜河啦！再加杯凍檸茶！點知收錢嘅時候同我講$35多謝！我即刻同佢講，我加咗杯凍檸茶波！佢話係丫！加左$35，好抵丫！食晚飯加有凍飲，又抵食！正！仲有佢呢到啲牛雜洗得好乾淨，同埋煮得好林！好味丫！我一定會再反黎食！同老闆吹下水🤣🤣🤣

和昇清湯牛雜雲吞河餐單提供粵菜, 廣東, 港式, 車仔麵, 粉麵, 米線, 茶餐廳, 冰室等推介美食位於火炭區，餐廳座位數未知人均消費約$50以下，結賬可以用現金，Booking訂位可以電話致電 51288519 查詢。

您對於火炭餐廳「和昇清湯牛雜雲吞河」有何 comment？

和昇清湯牛雜雲吞河餐廳詳細資料：

• 和昇清湯牛雜雲吞河地址:
  火炭坳背灣街30-32號金豪工業大廈1座地下B03號舖
  和昇清湯牛雜雲吞河, Shop B03, G/ F, Block1, Kin Ho Industrial Building,14-24 Au Pui Wan Street, Fo Tan
• 和昇清湯牛雜雲吞河電話: 51288519
• 和昇清湯牛雜雲吞河價錢: $50以下
• 分類: 粵菜, 廣東, 港式, 車仔麵, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 和昇清湯牛雜雲吞河 Facebook

更多和昇清湯牛雜雲吞河相關資料:

• 和昇清湯牛雜雲吞河分店
• Youtube
• Facebook
• Twitter
• Google