麵匠風龍 灣仔

麵匠風龍 評價 相片

成日經過這間拉麵店，都見有人排隊，之前排過幾次，等了一會也無動靜就走(因為午飯時間有限🙈）今次再度經過，見得兩個人等，於是決定再試吓排，好好彩剛好有幾個人走，我就入了去，舖頭細細，坐滿人，傳統L形的拉麵用餐長枱，選擇不多，一係豚骨一係蝦，上openrice見蝦多人推介，於是叫了個蝦味噌拉麵套餐，叉燒係另上的，肉質偏瘦，比較健康，味噌湯底，會比較偏䶢，但尚可接受，麵條軟硬適中，不錯，餃子皮薄，底部脆，好味，下次再試佢個豚骨及小龍蝦沙津😃另外，值得一提，職員好細心，見我個位有風，我又長頭髮，佢哋會提供橡根俾有需要的客人，加分👍🏻

呢間位於灣仔軒尼詩道嘅一間日式拉麵店叫風記，門口掛左2個紅色日本feel 嘅燈籠🏮，舖不算大，大約可以坐到1214人左右，全部坐位以bar 枱式設計，方便廚師上菜，講真菜式真是唔多，得2款麵供選擇，一款是豚骨湯拉麵，而另一款是蝦味噌拉麵，麵可以選擇加為套餐，其實套餐即是加煎餃子、芥辣蝦沙律或小龍蝦蟹籽沙律🥗選其中一樣。

先講返碗麵，軟硬適中，豚骨湯底味道很濃味，同麵一齊食很夾，煎餃子🥟本人覺得餃子個汁很好，餃子比較淋身，如果能夠煎脆口一d或者會較好，餐廳重有冰凍嘅麥米茶任飲，大熱天時，飲一杯真是舒服的，套餐總括來講算是唔錯，而且分量夠飽👍🏻。

灣仔食店林立，附近亦都不乏拉麵或者日式料理。

偏偏軒尼詩道中間有一間非常高質嘅日式拉麵店。

店舖位置唔多，粗略估計亦只能容納十餘人。

因此，餐廳決定專注於兩款主打拉麵，豚骨湯以及蝦味噌拉麵。

豚骨湯拉麵 － 配小龍蝦蟹籽沙律清淡嘅豚骨湯拉麵加上木耳、香蔥、同半熟溏心蛋，絕對係拉麵嘅預設配搭。

店舖入面都留意到，湯底係長期用壓力煲餚製而成，味道可能不如一般名拉麵店濃烈或者油膩，但整體配搭尚算良好，食完一碗都唔會有過於飽滯感覺。

而佢嘅叉燒亦都係重點推介，叉燒原本係以慢煮爐經過十幾個鐘慢煮而成，再用猛火燒烤，令到肉質既鬆軟亦有好重嘅燒烤煙薰味道，彌補湯底缺乏嘅油膩感。

小食方面，小龍蝦蟹籽沙律份量亦都唔少，一個人絕對夠食！蝦味噌拉麵 － 配日式餃子蝦味噌相對豚骨湯底係驚喜之作，加上櫻花蝦做配料，令整個感覺提升一個層次，味道上會比較類似港式蝦醬，如果唔太好咸蝦味嘅朋友可能要避免。

而餃子亦只能算不過不失。

除咗拉麵同小食外，我哋亦都叫咗兩杯300ml嘅Asahi生啤，價錢都只係$3x一杯，比起Happy Hour時段嘅酒吧都要抵！＊為咗同心抗疫，小店更加喺埋單之後送上每人兩個口罩打氣，實在不愧為良心食店！味道 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️性價比 ⭐️⭐️⭐️

一直想來這間拉面店因為口碑和朋友的極力推薦這晚難得路經灣仔 便順勢試一次入門口後要先量度體溫店員提供了 紙張包住暫時除下的口罩每個座位更可以 安排 膠擋 防止飛泡問題感覺上很細心店舖只有兩個套餐 蝦湯底和蒜湯底小食可選配 芥末蝦沙律 或 餃子小食芥末蝦沙律先上外表平平無奇 食落口 好新鮮有生蝦刺身既爽甜 配上清新的芥末醬汁 好特別另一個小食餃子 不過不失拉面方面 蒜香的比較清 已 蝦湯的比較濃厚個人比較鐘意蝦的 兩塊差燒煎得岩岩好拉面軟硬都恰到好處果然名不虛傳自助飲料有 玄米茶同清水食咗味道較濃烈的拉麵飲一杯消滯的玄米茶為整餐畫上完美的句號

今日突然間又心思思想食拉麵，黎到呢間位於灣仔既麵匠風龍😋😋拉麵有兩款，豚骨湯同蝦味噌，上次食過豚骨湯，今日就一於試下個蝦味噌拉麵🍜佢套餐包左半熟玉子同三選一既小食蝦🦐味噌湯蝦味重，加埋粒粒蝦，食落成口都係蝦味，一個字：正！！而麵身不軟不硬，岩岩好👍🏻👍🏻👍🏻而玉子又夠流心，吸曬蝦湯既日月精華而最特別係舊豚肉分開上，睇相都睇得出夠曬juicy，唔會太干，正❗️❗️❗️而小食方面就叫左餃子，煎得剛好，少少燶，好香脆，加埋餃子汁，一流👍🏻👍🏻整得黎講麵匠風龍係我私心大大力推薦既拉麵店，仲未食過就不容錯失啦💪🏻💪🏻

麵匠風龍餐單提供日本菜, 拉麵等推介美食位於灣仔區，餐廳座位數16人均消費約$51-100，結賬可以用現金，Booking訂位可以電話致電 39054839 查詢。

您對於灣仔餐廳「麵匠風龍」有何 comment？

麵匠風龍餐廳詳細資料：

• 麵匠風龍地址:
  灣仔軒尼詩道184號地下
  Mensho Furyu, G/ F,184 Hennessy Road, Wan Chai
• 麵匠風龍電話: 39054839
• 麵匠風龍價錢: $51-100
• 分類: 日本菜, 拉麵
• 座位: 16
• 付款: 現金
• FB專頁: 麵匠風龍 Facebook

更多麵匠風龍相關資料:

• 麵匠風龍分店
• Youtube
• Facebook
• Twitter
• Google