美食工房 (金豐) 灣仔

美食工房 (金豐) 評價 相片

我同我bf兩個人點左兩個tea set 加一個小食 (薯仔沙律).....炸魚薯條 ($24 ) + 熱華田($0): 炸魚好食, 入面d魚肉仲好滑,但d薯條就唔得,係幼薯條,但係好鬼油.....熱華田OK...日式三文魚蟹子炒飯 ($32) + 凍華田 ($2) : 炒飯炒得好,食到最尾都冇油,三文魚都足料,唔會得兩三粒..... 凍華田OK....小食 (薯仔沙律) < $12 > : 有小小果粒, 好多薯仔粒,沙律醬唔會太酸...GOOD...唔使加一...合共 = $70

呢度個裝修幾奇怪, 外表似係一間茶餐廳, lunch time嚟到, 就只有set, 看看掛牆的大餐牌, 甚是簡陋, 但得意的是, 餐枱又會帶點高尚, 所供應的食物, 又偏向西餐. 究竟係想做茶餐廳還是西餐廳呢? 真是兩頭唔到岸!今日我叫了個煙鴨胸意大利飯. 餐沒有餐湯, 只有餐飲.個飯賣相就唔錯, 份量偏細, 鴨胸只有兩件, 味道普通.意大利飯就強差人意啦! 不但無芝士味, 連飯味都無! 偏乾, 麻麻地喎...

這間餐廳已有好多次轉手, 由於之前的老闆行貴客路線, 高當食府, 所以每次經過見無咩客人, 想試的心態即時下降.但現在這可能是新老闆, 他轉營由高當變為中高價, 即時多了很多客人, 令我即有衝動入去試下,一試之下, 就有股再入去光顧的念頭.第一次就是去試下佢地的早餐, 食完之後, 真有股開心滿足的感覺.我選的早餐是有:雞蛋, 腸仔, 餐飽 (雞蛋, 腸仔好味, 不太多油, 個餐飽有驚喜, 因為是熱的有像酒店食的感覺)瑞士雞翼通粉 (瑞士雞翼雖然普通, 但D通粉不是普通茶餐廳的通粉, 相當得意, 咬落去煙煙靭靭, 有新鮮感)而杯餐茶我點的是熱杏霜, 濃濃的正合我的心意.自食過之後, 我好多時都會去食, 價錢不貴, 只是24蚊.再去試下佢地的晚餐, 都好味.我點的是龍俐柳薯菜, 大蝦沙律餐, 還有餐飲都是68蚊龍俐柳, 魚來說是很好味, 沒有冷蔵味, 像新鮮的, 有魚味.大蝦沙律, 有新鮮生果, 如奇異果, 蘋果等, 再加沙律, 好味不過, 佢地餐廳的招牌甜品心太軟, 個老闆推介就麻麻哋, 太甜, 不是原來的想像咁好味.總括來說, 我覺得都很好味, 會再去試下其他的菜式. 而且個老闆都好nice他都會同D客人傾談, 他們的食物可以嗎.但是每次去食都見他在鬧人, 鬧D伙記.我們就稱呼他做 "鬧人老闆" 啦! 不過相信他都是想改好服務態度. 其實是好的.

餐廳開係屋企附近, 但因為以前d野食好貴$120$200/set, 冇乜興趣試最近老闆終於面對現實, 改為貴價茶餐廳....第一次試晚市"港式肉眼扒", 牛扒7成都好"鞋"...薯菜臭青..第二次再視(因店內食物標榜冇落味精), 又order左"港式肉眼扒", 要5成熟,,,,又失望, 同上次冇分別都係全熟.....味道可以, quanlity唔得....可以一試, 但不要抱希望樓下唔使加一

12OCT08 3:30PM 下課後本來先去買利強雞蛋仔, 但人龍甚長, 興致大減, 向左走, 向右走後, 轉投一家茶記. 入內才知是由一家西餐廳轉型而成. 畢竟市道不佳吧! 老闆相當好人, 招呼周到.看看牆上的餐牌, 晚餐原來有各式扒類供應, 由六十多至百多元, 但如此價格在這個茶記環境享用, 有點奇怪. 回來下午茶的一欄, 一個"自製牛肉漢堡"挺吸引, 何況只是 $20, 又再加個薯條伴碟, 只加 $4. 漢堡包是來貨的, 卻用心烘得金黃, 牛肉頗厚, 只覺肉汁有點不足, 幸而有豐富配料搭夠, 生菜, 蕃茄, 酸瓜, 卡夫芝士, 食下仍然滿足. 別忘記那即炸的粗粗看薯條,鬆鬆脆脆, 算是驚喜~bf的茄汁雜菌幼扁麵份量是午餐般大碟, 對我來說麵條口感過淋了少許, 不過老闆也說得對, 有食客曾以為al dente 般的意粉未煮熟, 甚至有人會覺得未夠淋會難消化而要求退換! 在這一帶的經營的餐廳, 若不是走中高價路線, 還是做回合大眾口味的較適合.至於茄汁雜菌味道, 可以想像到不會有什麼大變化.不過不失.見它們的心太軟是馳名的, 但只在晚市時段供應, 便建議老闆下午茶做個 tea set, 相信可以一試~

美食工房 (金豐)餐單提供西式等推介美食位於灣仔區，餐廳座位數未知人均消費約$101-200，結賬可以用現金。

您對於灣仔餐廳「美食工房 (金豐)」有何 comment？

美食工房 (金豐)餐廳詳細資料：

• 美食工房 (金豐)地址:
  灣仔莊士敦道150號地下及1樓
  Food Production, G/ F,1/ F,150 Johnson Road, Wan Chai
• 美食工房 (金豐)電話:  
• 美食工房 (金豐)價錢: $101-200
• 分類: 西式
• 座位: 未知
• 付款: 現金
• FB專頁: 美食工房 (金豐) Facebook

更多美食工房 (金豐)相關資料:

• 美食工房 (金豐)分店
• Youtube
• Facebook
• Twitter
• Google