燉 灣仔

燉 評價 相片

＂燉＂在香港有四間分店，而灣仔分店位於杜老誌道電車站前面，即係集成中心對面，非常容易搵。

交通方便，可以搭電車直達。

遲d仲會開第五間分店，萬眾期待。

灣仔分店都好多坐位，幾大。

由於上次好多款燉湯都賣哂，好好彩今次可以飲到，我選擇左澳洲青邊鮑魚花膠螺頭燉雞湯＄88，好足料丶味道偏淡，可接受，但係我個人認為可以唔需要落鹽。

呢度的燉湯係唔會加味精，非常健康。

呢度屬於自助形式的餐廳，自己飲完就要捧去回收車。

我覺得呢個做法幾好，好似日本咁，可以令食客慢慢養成良好的習慣，做一個有手尾丶自律的人。

香港實在太多無手尾的人。

今日外買咗兩湯一飯（海底椰、鮑魚花膠螺頭、梅菜扣肉）全部都物有所值，尤其是個扣肉味道適中，如果有多幾片肉就100分。

鮑魚湯材料豐富，清香。

最遺憾係試唔到椰皇燉雞，下次再碰運氣吧！等取食物時見到楊明莊思明，真是天生一對俊男美女！

1月28日下午經過灣仔，突然想食啲輕量餐嘅嘢，見到間“燉”，於是就走入去睇下有無下午餐茶先，竟然見到有個傻豬义燒包2個$18，而朋友就揀咗個梅菜扣肉飯$38。

俾咗錢之後，大約等十分鐘就有得食啦，當我見到個梅菜扣肉飯後，再加埋聞到陣味之後，嘩，實在忍唔住即刻將啲梅菜同埋啲肉汁撈飯，真係好好味，唔油亦唔會好鹹，不過梅菜真係多咗啲，而扣肉就少咗啲。

食哂個飯之後，個包亦啱啱蒸好，第一眼見到個包覺得好得意，咬落個包就唔算好熱，不過入面嘅餡就好熱，但係食落就好好味。

總結：食物水準比預期中好，價錢又合理，有機會一定會再光顧。

明星效應的關係，去試試專門燉湯這家店，多款的湯款，今次我試左「花膠螺頭燉雞湯」，味道較淡，但仍然有湯味台上也提供了鹽給我們自行加鹽，另外我們叫了2客客飯，「南乳豬手」 「紅酒牛腩」份量充足，味道也吸引，唯獨白飯口感及味道，認真慢慢地，有待改善！餐廳店內廣闊，座位也多，飯類價錢也合理，但加埋湯就比較貴

最岩無湯水人仕👍今日經過灣仔，所以就去試試看好彩去到時間尚早，剛好還有位睇完個餐牌，研究左好耐，終於諗到食咩喇我們就點了一個客飯，芋頭燜五花腩，原個椰皇燉🐔，豉汁蒸白鱔(蒸🐠需時15mins) （加左20蚊配一白飯同油菜），鮮奶燉花膠因為點完先睇到原來可以加9蚊追加干貝蒸😓，幸好攞返張單問服務員可不可加返，幸好可以加返👍首先個芋頭燜五花腩，芋頭夠晒淋和粉，五花腩就有點不平均（有兩三嚿會太瘦）沒有一層肥一層瘦，有待改善。

不過那個醬汁超級👍，不會很鹹，太油膩原個椰皇燉雞，超濃椰香味，而且份量都唔少嫁，倒出來都有約兩碗啲椰肉還可以食埋，唔洗嘥😂豉汁蒸鱔，很多地方都食得多，這間店舖真是最清啖既豉汁蒸👍鮮奶燉花膠，不會太甜，一大片花膠，完全滋潤干貝蒸，夠滑，最底還有一粒小干貝油菜，我就揀左菜心，不過太多渣，提議改用菜心苗，有待改善好喇第一次去，到總結感覺服務員態度👍👍👍裝修簡潔，食品健康，完全非常適合都市人忙碌生活價格都算適中還有一樣非常十卜，就是用者自己將食完餐具拿回收集車Ps: 不過如果重口味既就可能滿足唔到喇😅最後有待改善就是just cash only😂

燉餐單提供港式, 湯品, 點心, 中式糖水, 名人店等推介美食位於灣仔區，餐廳座位數未知人均消費約$51-100，結賬可以用現金，Booking訂位可以電話致電 28864882 查詢。

您對於灣仔餐廳「燉」有何 comment？

燉餐廳詳細資料：

• 燉地址:
  灣仔軒尼詩道303號協成行灣仔中心地下B號舖
  STEW, Shop B, G/ F, Office Plus@ Wan Chai,303 Hennessy Road, Wan Chai
• 燉電話: 28864882
• 燉價錢: $51-100
• 分類: 港式, 湯品, 點心, 中式糖水, 名人店
• 座位: 未知
• 付款: 現金
• FB專頁: 燉 Facebook

更多燉相關資料:

• 燉分店
• Youtube
• Facebook
• Twitter
• Google