潮州世家 灣仔

潮州世家 評價 相片

10/02/2010 晴天位於英皇集團中心2樓的潮州世家, 原來是英皇集團開的, 難怪不少明星都有來光顧了, 裝修方面都好華麗, 傢俱方面都好古色古香,充滿中國古典的氣質, 地方都好寬闊, 也有設貴賓房的,卡位都好大, 一張枱設的卡位都可以坐到6個人,有些坐4個人, 設在酒家的一旁, 可以自成一角同友人傾下計, 座位都好似古時的酸枝椅般,枱布有也帶點花紋, 好高貴的一面!雖然是高貴, 但點心方面都不是好貴, 現時酒家方面推出午市優惠, 如將點心攜走就冇此優惠, 變為正價, 現在午市所有點心一律半價發售, 原是小點$14.8,中點$18.8,大點$22.8,特點$26.8, 現在是小點是$7.4,中點$9.4,大點$11.4,特點$13.4, 這是中市時段的優惠,時間是中午的12001400PM, 只限堂食, 都真是抵過好多間酒家一坐下來, 我們叫了一壺龍井, 味道好清香幽雅, 帶些翠綠黃色,帶少許苦澀, 茶葉方面都不俗, 服務方面都一般可以了, 之前我們坐下一會兒都沒人給我們午市的點心紙, 起初我們誤了晚市的order紙是跟中午一樣, 所以寫錯了, 都算了大家一場誤會, 侍應都以為已經給我們午市的order紙之後侍應都介紹我們食本酒家的特色點心, 都告訴我們某些點心好多人會點, 這方面都算細心, 之後我們開始落了order了...等了不久可以開餐了此酒家的點心是即叫即蒸, 所以好多點心都是好熱呼呼上桌...蘿蔔千絲酥(大點)都好好鬆脆的,呈金兼色, 一條條的白蘿蔔絲都好爽口, 好熱騰騰,不會太多油北菇棉花雞(大點)份量十足, 雞肉香滑, 魚肚都好夠腍奶黃千層糕(中點) 一層層的奶黃都可算層次分明,內有些香甜的蛋黃,芳香撲鼻,食落好鬆軟碧綠帶子腸(大點)這不是即叫即蒸之作了, 因為太腍, 一夾都好易散, 可讚的材料方面真是好足囉, 有幾粒帶子粒&翠玉瓜, 都好清新但太過熟了桂林馬蹄糕(中點)金黃燦爛的桂林馬蹄糕都好厚身, 不會薄和太削, 馬蹄爽口, 都好甜美, 煎得好香口魚翅灌湯餃(特點)好多素翅, 湯鮮甜,有瑤柱,菇,豬肉等材料, 不過可能太熱或者浸得太耐, 好易散囉瑤柱菜苗餃(大點)不覺意叫了兩籠,皮夠薄,有幾條瑤柱,豆苗鮮美又嫩口都不錯百合南瓜露(小點)有少量百合, 南瓜蓉的味道濃厚,可是太甜香芒凍布甸(中點)香滑的芒果布甸當然不可忽視了, 加入花奶更香滑可口了埋單都是一百三十幾元, 都真是好抵食, 因為我們叫的點心都有89碟, 點心方面都可以叫好, 不過真是有些點心煮得過熟了, 大部份的點心都幾好食, 中市時段可以約下三五知己都是不錯的地方, 服務方面都好勤加水,都好殷勤, 都是一間抵食超值的食肆之一

o係星期日打電話問下點心價錢係幾多,見午市小中大點都係$7.8$9.8同$11.8咁平先試下我地一共5人叫左12樣點心左右:1.服務態度:差因為午市點心呢個價錢真係平得難以置信,所以o係去廁所其間再確認一下誰不知,詢問第一個部長時o既答案「唔係!邊有咁平,小點係$14個幾丫嘛」聽完即刻話「下?!我打左尼2次你地振聽同事都話$7個幾喎」之後佢推個問題俾另一個人,佢又話「咩呀,睇下張野......咪寫$14個幾,$18個幾....」我又再次回答同一樣野,語氣更甚!然後佢再次推個問題俾另一個經理,佢先話「咩野呀!今日點心半價丫嘛!你啱啱先叫我補番個差額俾人!」huffy可見佢地之間做優惠推廣完全冇共識冇溝通!!!!!huffy2.味道呢方面都可以, 100%點心都新鮮 夠熱不過一半以上油份略多sad3.最後:找數每逢俾錢我都對一對單發現價錢竟比預期多$50幾蚊>立即check單發覺中點價錢有4個突然變左$18.8!!!!!huffyhuffy問完之後佢:「係呀,有張紙唔係做緊半價優惠,因為係推界之選」佢所講o既「個張紙」即係平時飲下午茶除左有正規點心紙,仲付有另一張更優惠的佢o既答案o既然話個張冇優惠!!!!huffy語氣兼且十分理直氣壯,好過份!!huffyhuffy簡直是全心欺騙同隱瞞!!!!!!huffyhuffy唔怪得之下落order個陣問佢,個侍應都遊花園,唔答大中小價錢實在十分過份,對顧客全不忠誠!!!!!唯一優點是食物新鮮,但對顧客不忠乃是絕不應該絕對沒有再光顧的可能!!!!!!!!!!TOO BAD!

尋晚同3個同事第一次去試, 星期五晚成場爆滿!d員工做到有d黑面!D 菜上得有快有慢, 食完一樣又要等!叫o左: 凍烏頭$68 (幾新鮮, 價錢比其他地方算平)BB蚌浸番薯苗$5X (係BB象拔蚌切絲, 加上湯浸番薯葉苗, 清清地, 算OK)鵝片$88 (顏色,賣相不佳, 鞋口, 味道只屬OK)梅菜扣肉$58 (唔知點解會有客家菜出現?) 肉入味但唔林, 梅菜唔多, 唔夠香, 未夠水準!瑤柱蛋白抄飯 $6? (都算見到瑤柱絲, 幾多蛋白同菜粒, 但飯仲有D一舊舊, 未夠心機!)反沙芋頭 $75 (約有8小件, 不過好多未溶白砂糖, 白哂哂, 唔係幾似樣, 少少豬油香味, 唔係太特出, 做成咁唔值呢個價!) 福果芋泥(一客) $25 (未算好香, 只係清清地, 而且只係一 小杯, 好似一個雪榚球咁, 加4粒白果)埋單$520., 4個人 計, 唔算貴, 不過水準平均只係合格, 唔食貴野算可以,雖然個亞姐成日游說叫我地食翅同飲螺片湯, 話好低,不過隔離大檯有個亞太向經理大發雷庭, 話d 湯無味, 係豉油溝水, 叫佢試o下, 仲話佢帶個老細o黎食野, 令佢好無面!見個經理只係苦笑無處理到!另一件事係: 入門口見有堆蘋果報介紹, 見到入面有張優惠券話o黎食晚飯有清斑送,於是落單時拎住問亞姐, 佢話要埋單時至俾'魚券',下次o黎食至送, 咁都好似合理, 於是埋單時同個伙記講, 點知伙記話唔知, 叫我問經理, 經理話: 好一陣拿來, 點知又叫另一個伙記拿單o黎, 問佢又話唔知, 見到頭先個亞姐再問佢,佢好爽快話即刻去拿俾你, 轉頭返o黎話: 對唔住, 而家中秋節暫停唔送!有無攪錯! 報紙廣告寫住送到9月30日, 仲有5日,而且成個星期至到中秋, 即係優惠提早結束,咁就唔好再放d廣告o係門口啦!仲想再去食多次, 而家短期內都唔會啦!

一行4人食晚餐鵝肉拼鵝肝 鵝肉唔係特別軟, 鵝肝唔入味...有少少唔新鮮既up味薑汁芥蘭 wa, 好老ar D 菜...同埋sok sok 聲煮得未夠蠔餅 好油好厚粉...芋茸帶子 呢一味叫做outstanding 少少d, 炸得來唔覺得硬, 不過粒帶子略為un左d沙律煎倉魚 唔係好吸引, 唔似出面d chiu chow 既做法, 煎魚亦都唔香, 不過佢唔會有腥味, 所以整體還可以...員工態度有一兩個有d散漫....唉....咁既客流, 真係都可以明白點解佢地冇心機做野

前晚一行4人 (3女1男) 去食晚飯, 食左1冷盤1湯3餸1甜品, 大家都非常滿意, 每人只係$130, 好味祗食. 店內座位寛闊舒服, 我地4人被分發6人卡位. 1. 卥水鵝片鵝肝$108, 碟底仲有卥水豆腐, 鵝片豆腐普通, 但係鵝肝甘香, 正. 我地每人都食左好多舊先食得晒. 2. 胡椒豬肚湯, 唔知係唔係潮州風味關係, 唔係好辣, 我朋友話好好味, 但係我就鍾意大排檔果d style, 要辣到通鼻塞先夠喉. 3. 豆醬炆雞煲$6x, 佢係用豆板醬炆冰鮮雞, 味道唔錯, d雞都算滑既, 食厭左貴妃雞同炸子雞既我, 幾鍾意哩味餸,因為我唔鍾意食白飯, 就算 "空" 口食哩個雞, 都唔會食到成口油或覺得佢太鹹太膩, 雖然只係$6x蚊, 但係份量好多, 我地4人食到最尾都食唔晒. 4. 椒絲腐乳通菜炒得幾爽身, 唔會太鹹太辣. 通常去親酒樓食飯, 第一時間清碟既都會係炒菜, 但係哩度既通菜碟頭幾大下, 我地4人又係食唔晒.5. 麗芋香酥鴨, 用芋泥包住切碎既鴨肉, 再用網紋皮包住芋泥炸到金黃色. 上碟時, 碟內的吸油紙都無乜油漬, 食落口有3種唔同既味道, 外皮既鬆脆, 芋泥既芳香, 碎鴨肉既軟滑, 大家對哩碟都讚不絕口, 一下子掃清碟內八小塊香酥鴨.6. 馬拉千層糕$22一籠,切開6小件, 哩個千層糕好味到震,蒸既時間剛剛好, 糕身鬆軟芳香, 糕面有碎瓜子粒, 中間有流沙狀既奶黃薄薄一層, 千層內仲有少量碎鹹蛋王粒. 奶黃流沙, 糕身, 鹹蛋粒, 瓜子粒簡直係4重既味覺享受.值得一提, 見餐牌有反沙芋$78, 哩款甜品我己經好幾年未食過, 其實今日係好想食. 4人 (仲要有一個係大肚婆黎) 叫3餸1湯1冷盤, 諗住實唔會飽得去邊, 心諗一定試到個反沙芋, 點知碟頭太過大, 實在飽到無緣品嚐反沙芋, 下次再幫襯時, 我一定要留肚試番次.

潮州世家餐單提供潮州菜, 點心, 酒樓等推介美食位於灣仔區，餐廳座位數未知人均消費約$101-200，結賬可以用Visa,Master,現金。

您對於灣仔餐廳「潮州世家」有何 comment？

潮州世家餐廳詳細資料：

• 潮州世家地址:
  灣仔軒尼詩道288號英皇集團中心2樓
  Chiu Chow Dynasty, 2/ F, Emperor Group Centre,288 Hennessy Road, Wan Chai
• 潮州世家電話:  
• 潮州世家價錢: $101-200
• 分類: 潮州菜, 點心, 酒樓
• 座位: 未知
• 付款: Visa,Master,現金
• FB專頁: 潮州世家 Facebook

更多潮州世家相關資料:

• 潮州世家分店
• Youtube
• Facebook
• Twitter
• Google