新曼谷泰國菜館 灣仔

新曼谷泰國菜館 評價 相片

銅鑼灣食野真系好貴，難得搵到間價錢相宜的泰菜Lunch set 大概$50左右，幾抵食一點鐘食飯唔算太難等位，等左五分鐘左右就入到座<乾炒豬頸肉河$52>本身想轉雞肉，不過姐姐話要加$10就算喇叫左個檸茶走甜，上到黎無到，見佢咁忙放棄叫佢轉跟住呢等左成三十分鐘，催左兩轉等到頸都長先個乾炒豬頸肉河先上到枱，真系等到燥底催第一次個呀姐都無認真跟過單，第二次講到明夠鐘走先有個呀姐幫手入廚房跟下河粉味道其實都ok ，唔會太油同太咸算系咁，不過豬頸肉真系得三、四舊，唔夠喉本身諗住炒野出得好快，點知要搞咁耐，打工仔食之前都要諗諗

作為新界人 通常同一班friend出去食飯 都係要做就人嗰個 不過我都唔介意嘅 今次就出咗去過海嘅灣仔食呢一間泰國餐廳 最大嘅賣點當然係可以坐六個人 我哋今次一行五人 就決定試下呢一間。

望一望餐牌價錢亦相當抵食 我哋叫咗一個南瓜海鮮 黃咖哩好香 蝦同海鮮亦好多最後我哋仲刮西入面啲南瓜肉嚟食 另外我哋仲叫咗個菠蘿海鮮炒飯 有大量嘅腰果同埋肉鬆喺上面相當惹味 咁同埋叫咗金邊粉 同埋 酸辣鳳爪沙律 仲有一個青咖哩呢三樣就中規中矩啦 而最後我都叫咗個椰青 好大個好多水 值得一試呀!!

生牛肉湯河好鍾意食生牛肉湯河，不過呢度既牛就預先煮熟左既，食落就韌左少少，不過湯底夠味，河粉爽滑，份量非常多，而且四十幾蚊，絕對收貨😁炒金邊粉金邊粉爽口彈牙，酸酸甜甜，配料主要有豆腐乾，蝦，份量都唔少，lunch黎講絕對抵食

沙哇Dee Cup🙏 好耐無去泰國啦🥲本身自己都好鍾意泰國🇹🇭之前仲有去學下泰文添😂泰國菜喺香港都都真係開好多😲呢間新曼谷泰國菜館開左喺灣仔好耐但就無試過🤪 門口玻璃係睇唔到店內環境所以成日覺得間野伏伏地😂叫左個大😂 兩個人食係有D過份🥲用個傳統邊爐裝住😍 湯底好濃好香仲好足料 D蝦好大隻仲有膏😳👍食得多Pad Thai😂 今次就試下乾炒雞肉河😛味道都唔錯 鍾意佢用左蛋絲炒😍略嫌個河粉碎左D 但整體味道唔錯👍呢道菜都好少出事既😂每次食泰菜都會嗌 辣度夠🌶送啤酒一流👍 個人推介Singha Beer🍻一上枱熱辣辣😍 真係好難輸😂咬落無油淋淋嘅感覺 蝦膠好厚實👍食完仲有椰汁糕送呀大佬！😂😂真係值得一試👍

今時今日喺香港搵食真係好難，尤其港島區物價好貴，想搵間平少少嘅良心小店一啲都唔易。

其實之前都幫襯過呢間泰國餐廳幾次，散吖湯麵大約$50咁上下價位，唔算太貴。

但今日咁啱路過，估唔到今日明明係星期六，居然都有lunch set，$44可以食到一碗份量夠飽而且味道唔錯嘅豬頸肉湯河，仲要包一杯冇偷工減料嘅椰汁紅豆冰。

（menu寫lunch set只限一至五，但個店員姐姐都照樣送咗杯嘢飲比我😳）本身個價錢已經吸引，質素都真係唔錯。

啲湯唔會太鹹，河粉都煮到啱啱好適中嘅淋度，唔硬亦唔會硬梆梆，食得幾滿意😙（飲咗幾啖先記得影相留念🙈）

新曼谷泰國菜館餐單提供泰國菜等推介美食位於灣仔區，餐廳座位數未知人均消費約$51-100，結賬可以用Visa,Master,AlipayHK,支付寶,現金,AE,銀聯，Booking訂位可以電話致電 25758981 查詢。

您對於灣仔餐廳「新曼谷泰國菜館」有何 comment？

新曼谷泰國菜館餐廳詳細資料：

• 新曼谷泰國菜館地址:
  灣仔軒尼詩道366號
  New Bangkok Restaurant, 366 Hennessy Road, Wan Chai
• 新曼谷泰國菜館電話: 25758981
• 新曼谷泰國菜館價錢: $51-100
• 分類: 泰國菜
• 座位: 未知
• 付款: Visa,Master,AlipayHK,支付寶,現金,AE,銀聯
• FB專頁: 新曼谷泰國菜館 Facebook

更多新曼谷泰國菜館相關資料:

• 新曼谷泰國菜館分店
• Youtube
• Facebook
• Twitter
• Google