怡興 灣仔

怡興 評價 相片

Lunch time 同事介紹去熟食中心食鹵味，4個人叫左3碟野再加人頭白飯，咖啡薯仔雞翼煮到好軟綿綿，好有家既味道，墨魚有咬口好食，豆腐有豆味都好好食，今餐最出色係韭菜豬紅，勁入味份量又多，最後埋單每人$30唔洗，抵到癲！

灣仔駱克道街市原來有好野食，平靚正，材料新鮮，無欺場，次次5，6個人，食到好飽，都唔駛$40，係灣仔，邊度揾咁抵嘅野食。

不過，你要環境當然無得要求，如果唔鐘意大排檔feel嘅，就唔啱你。

提提大家，佢星期日唔開。

特別推介依間打冷，次次都會叫鹵水鵝，豬紅，咖喱雞翼。

豬紅:好入味，唔散，粒粒都咁大粒，材料靚。

咖哩雞尸翼:就咁睇相都知道入味，薯仔粒粒都咁霖，唔會有硬薯仔出現。

次次我地都搶薯仔食。

今次第1次叫豬耳，麻麻地，切得太粗，唔夠霖，麻麻地，唔會再叫。

到主角出場，超好味鹵水鴨，4人左右份量，只需40幾蚊，邊度揾。

鴨好新鮮，好夠肉，唔肥，入味，我地次次都叫。

近日到灣仔上堂，煩惱着在那處食午飯。

經過一番資料搜集後， 決定上洛克道街市食鹵水鴨飯。

點了個鹵水鸭拼豆腐，白飯， 及樽裝可樂，共47元。

上枱時覺很大碟，雖然鴨肉食落有點唔夠實淨， 鹵水味偏淡一點， 不過以午飯時間在灣仔區來講已非常超值。

我今個暑假搵左份parttime係灣仔返工, 雖然灣仔食Lunch無中環咁貴, 但自己想儲錢, 女朋友又唔識煮飯, 冇愛心飯盒, 日日都食差唔多$5060既午餐. 不過琴日啲同事介紹左一間係灣仔街市既打冷, 叫怡興, 埋單都係$3540 左右, 食物方面, 怡興主要銷售潮州鹵味, 客人可以單拼, 雙拼, 甚至三拼, 佢地亦有咖喱薯仔雞翼. 今次我叫左牛腩拼紅腸, 份量真係幾多, 如果係2個女仔食呢個雙拼已經好足夠. 鹵水汁顏色好深, 啲牛腩入晒味,牛腩入口即溶咁, 唯一可惜既係牛筋比較多, 但當補充下骨膠原啦!

比較少寫香港食評, 有各大師傅食友執筆, 無需出到我呢D無名小卒. 不過有時遇啱D唔錯或難食既, 又不防上黎交流一下.閑話少說. 星期六中午要返學, 算係增值一下自己. 早D係屋企出黎食埋午飯先去上堂. 灣仔軒尼詩官立小學呢一帶比較少黎食野, 又唔想行返去修頓果頭. 好耐之前都上過市政大廈個food court食過, 今日不如又上去果度食呢. Food court大排檔型式, 全部都係賣中式食品. 行左一轉, 就選左係怡興食. 佢地主打潮州鹵水食品. 先睇餐牌, 價錢又幾實惠. 大食既我就要左一個鹵水鴨(一人份量)$19, 及一個豬紅鵝腸(一人份量)$19. 雖然話係一人份量, 但portion真係唔细. 鹵水鴨唔會舊舊骨, 仲有幾多肉. 豬紅夠實淨唔散, 鵝腸剛熟夠爽口. 兩樣野既鹵水汁都好入味, 真係唔錯. 加$6有白飯一大碗及例湯(淨叫白飯$4). 是日例湯菜干豬骨, 唔覺有味精. 其實一般叫一個餸以經夠食. 唯一要彈既就係佢地人手唔多夠, 落單有時要耐D, 但落左單就好快有得食. 以經番口啅.

怡興餐單提供港式, 熟食中心等推介美食位於灣仔區，餐廳座位數未知人均消費約$50以下，結賬可以用現金，Booking訂位可以電話致電 25197407 查詢。

您對於灣仔餐廳「怡興」有何 comment？

怡興餐廳詳細資料：

• 怡興地址:
  灣仔軒尼詩道225號駱克道市政大廈街市熟食中心2樓
  怡興, 2/ F, Lockhart Road Market,225 Hennessy Road, Wan Chai
• 怡興電話: 25197407
• 怡興價錢: $50以下
• 分類: 港式, 熟食中心
• 座位: 未知
• 付款: 現金
• FB專頁: 怡興 Facebook

更多怡興相關資料:

• 怡興分店
• Youtube
• Facebook
• Twitter
• Google