小巴黎越南餐廳 灣仔

小巴黎越南餐廳 評價 相片

呢度香茅豬扒真係無得頂，係我食過最正0既香茅豬扒。

仲要一碟兩件豬扒，大件夾抵食。

牛肉飯都好好味。

去書展前...先醫肚...lunch hour去....差不多滿哂人呀....好在搵到兩個位sip埋去姐...午餐都好多野揀呀....價錢又唔貴...平時夜晚去都唔會叫飲品...但午餐加$5就有特飲喇...好經濟!雖然多人....但唔洗等好耐就有野食生牛肉湯河:最中意個湯底....好清..但好夠味道...牛肉唔會切得太薄..仲好有咬口同肉味...豬扒雞翼飯:蔥油yummy!! 無左佢就會好似乾啃白飯咁....豬扒很讚...!!!不過雞翼太咸喇..係唯一要扣分既地方!埋單每人$30都唔洗....比滿足還要滿足...

原本想去食漢堡包,點知唔齊人,最後都係食番碟頭飯.最後食了南乳雞肶飯,由於這個飯的肶係即炸關係,最少要預留15鐘等待,趕時間就不要叫了. 雞肶炸到熱辣辣又唔會炸到肉質好乾,雞肶肉還是滑滑的,醬汁雖說是南乳味道和顏色,只是味道幾似腐乳的,醬汁唯一唔好是太過杰,唔愛杰醬汁的人可能不太喜歡 凍奶茶幾好味,做法似港似唔係越南味道呢 這個餐27元包飲品,如要轉凍飲要俾2元,熱飲不用加錢,這餐合共29元正

2月28日, 做gym之後睇戲之前, 今日抽起條筋想食越南野. 銅鑼灣d越南野都食得七七八八, 於是就同呀比行到灣仔食呢間都係由銅鑼灣搬到灣仔之後都無食過嘅小巴黎試下喇~::: 烤牛肉凍檬 ::: $23絕對係極大堆頭嘅撈檬!! 不論係配料同檬粉都好多!! 配料方面有烤牛肉, 花生蒜粒, 蔥粒仲有大量生菜絲~ 全部材料都好惹味, 甚至係搶味. 檬汁偏甜, 撈埋所有野都十分唔錯, 啖啖都勁多料, d粉大兜到我都食唔晒!烤牛肉好碎, 碎到根本食唔到一塊正常嘅牛肉… 雖然真係好好味不過就油得滯~::: 咖哩牛腩飯 ::: $28又一次中招, 同朗豪坊foodcourt既金寶咖哩一樣, 稀到好似湯咁, 撈落飯到變湯飯~ 完全唔似越南咖哩, 冇香味淨係得少少咖哩粉味. 有d香料喺裏面不過食唔出任何味道~ 牛腩亦好普通, 又唔入味… 食物水準參差甚大!小巴黎除咗貼牆d卡位以外一律都係坐無椅背圓凳. 我地入去唸住坐卡位啦, 有個呀姐話張台reserved咗… 食小巴黎都要訂位唔係下話?! 不過算啦, 整體舖頭都算乾淨企理, 而且星期六晚市都唔係好多人. 都ok抵食啦~ 有緣的話都可以翻食, 不過一定唔會再食咖哩!

小巴黎的食物一向有水準，特別是豬扒最好吃! 所以我今天亦吃了豬扒飯。

蔥油好香，豬扒入味!雖然各分店的食物水準有別，但亦相差不多。

但講到服務，卻以灣仔這店最差~我自知午市人多，從來都唔擇位，阿姐叫我坐邊我就坐邊。

但有一位客人，可能想坐入少少，收銀阿姐竟然話 “真係麻鬼煩，你一個人咋，想座幾多個位呀?”自問係一個唔搞事既人，亦知阿姐脾氣一般，所以已經好小心。

點知都在俾錢時出事。

事由我在收銀處俾錢時，阿姐放左一張櫈在收銀櫃旁，我一個唔小心俾張櫈”卡”親，幾乎跌倒，張櫈亦被推入了收銀櫃枱，點知阿姐對唔住都無句，仲即時怒目看著我!! 我於是又望住佢，跟住佢就話我：阿姐，你張張櫈推入來，我一下睇唔到行出來，你想跣死我呀!!!”天呀, 我真係未試過咁委屈，同埋未見過咁惡既服務員! 我以後都唔會再來這間店吃!

小巴黎越南餐廳餐單提供越南菜等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「小巴黎越南餐廳」有何 comment？

小巴黎越南餐廳餐廳詳細資料：

• 小巴黎越南餐廳地址:
  灣仔軒尼詩道333號軒轅大廈地下
  Mini Paris Vietnamese Restaurant, G/ F, Hennessy Court,333 Hennessy Road, Wan Chai
• 小巴黎越南餐廳電話:  
• 小巴黎越南餐廳價錢: $50以下
• 分類: 越南菜
• 座位: 未知
• 付款: 現金
• FB專頁: 小巴黎越南餐廳 Facebook

更多小巴黎越南餐廳相關資料:

• 小巴黎越南餐廳分店
• Youtube
• Facebook
• Twitter
• Google