Omotesando Koffee 灣仔

Omotesando Koffee 評價 相片

一直也好鍾意食雞蛋三文治，尤其是雞蛋超厚身果種，上網見到這個三文治，已經心心眼😍於是決定lunch去會一會佢，店舖非常簡約，散發著高尚日式cafe感覺，成件事好舒服😌去食果日，得一名店員，收銀係佢，沖飲品係佢，攞食物出來也是佢，但所有野都好快👍🏻味道方面，日式厚蛋治真係好味，質感似啫哩feel，食食吓發覺有wasabi味😮 一開始以為是在蛋內加了wasabi，原來係在包上加上wasabi😱成件事好夾，一點也不搶鼻，簡直係令到個三文治嘅味道升華到一個點😋正👍🏻麵包又鬆軟，下次會再食😋另外叫了一舊甜品叫kashi ，細細粒，唔會過甜，易入口，用來送咖啡不錯😃

其實寂寞，就如自己一個飲咖啡😊自己一個都可以好chill去coffee shop坐下☕️今次不得不提呢杯iced cappuccino!!!🥰🥰真係要為左佢插隊post左呢間先~💓 呢間係東京表參道過江龍名氣店🇯🇵但今次好可惜淨係飲到咖啡坐左一陣，冇食到佢最出名嘅Egg Sandwich (玉子三文治)🥪聽講呢個厚玉子餡料滑到好似蒸蛋咁🥚留番下次再黎試！•👍🏼簡約風▪️用木做主題既文青咖啡店☕️好適合同閨蜜👩🏻‍🤝‍👩🏼/朋友黎傾計😚Self service但barista(好似日本人)好professional, 好有禮貌好好笑容😊每冲完一杯都同客人笑住講enjoy!☺️令人心情都好啲！🥰•👎🏼店內坐嘅位子係個小圓形，咖啡店黎講算坐得唔太舒服(patpat大)🥺櫈係要自己係枱下拉出，可以左右移動 (有幾次差啲坐到跌)🤣————☕️Iced Cappuccino (S) $55🤎🤎🤎🤎🤎真係好好飲😍😍😍賣相好得意，好似溶岩咁，好多小泡泡balubalu🛁foam真係做得幾出色，好creamy，好似飲緊真忌廉☁️上面再鋪左好多好多可可粉，淨係飲到泡泡都已經好濃味😋coffee body夠厚夠rich☺️•有得揀single💨/double shot💨💨，而我今次就揀左single shot，咖啡味唔太重，加左creamy foam唔會好苦，平時唔飲咖啡之人士不妨一試，相信一定接受到😋•

bookmark 咗呢間好耐都無機會黎食，今日做嘢做到好攰，琴晚又睇新聞睇到好攰，lunch time 決定去遠啲食返啲嘢開心吓Egg sandwich 📍$58一盒有3件，個蛋整得超厚超滑，仲加咗啲wasabi 醬係入面，幾特別，唔會好dryCafe mocha 📍$52上面個latte art 應該係馬騮仔，又幾得意喎 😍 朱古力同咖啡味都balance 得幾平均，唔會搶咗對方嘅味道Matcha latte 📍$42綠茶味好濃，不過有少少蓋過咗咖啡味本身諗住試吓佢個限定和牛三文治，點知原來呢間係無架 🙈 大家如果想食，記住去利東街個間呀

今日出開灣仔就決定睇吓有cafe可以比我坐一陣之後比我發現左呢一間專賣蛋治而出名嘅咖啡室行過去嘅時候環境都幾幾舒服去到門口發現裏面冇咩人.咁就可以自己揀位坐我想講呢度嘅裝修令人好舒服地方亦好空曠佢，唔會加好蛋張凳喺度入到黎好似去左日本咁令到人好relax佢中間有個木既pop up store咁個度就係沖咖啡既，好簡潔既設計放底個袋去叫野食喇，要行返去門口落單當然要叫佢呢度最有特色嘅蛋治啦另外因為我唔鍾意飲咖啡，問下有咩介紹，佢介紹左咗杯Green tea latte佢會送野食到你枱上既，等左十分鐘度就有喇佢個盒都好靚呀！好鐘意咁簡單既設計包裝蛋治非常好食，好欣賞佢可以切得咁靚，整齊到不得了咬落去麵包非常之軟蛋同麵包中間食到少少芥辣嘅味道～好開胃而且相信佢有芝士係入面令到佢有好香濃嘅奶味整體來講冇諗過呢個三文治咁簡單，但係佢可以整得咁好味佢既green tea latte偏甜，但都唔錯綠茶味濃，暖暖地好好飲呢間cafe令我好驚喜，可以話係灣仔區既清泉好味到食完之後我買多咗一盒外賣去俾媽媽食佢連個paper bag都好靚

餐廳外觀，日系，無印式裝修木製號碼籌牛油果蟹肉煙三文水波蛋多士正正常常不過不失的輕食厚蛋三文治(開箱前) 厚蛋三文治(開箱後) $58 本人十分喜歡蛋做嘅料理，所以奉蛋必試，視覺上，整齊嘅排列，讓眼睛看著，有說不出既舒服蛋厚，香甜，鬆軟，縱使價錢偏貴，依然值得一試。

與全統港式做法相比，少了煎蛋既香味，但換來如布丁般嘅口感餐廳以咖啡作主打，奈何我不喝，無緣評論。

而第二主打嘅蛋治，水準之作，餐廳環境舒適，行過路過唔好錯過。

Omotesando Koffee餐單提供西式, 咖啡店等推介美食位於灣仔區，餐廳座位數未知人均消費約$50以下，結賬可以用Visa,Master,現金,八達通,Apple,Pay，Booking訂位可以電話致電 26900023 查詢。

您對於灣仔餐廳「Omotesando Koffee」有何 comment？

Omotesando Koffee餐廳詳細資料：

• Omotesando Koffee地址:
  灣仔駱克道33號美國萬通大廈地下
  Omotesando Koffee, G/ F, Mass Mutual Tower,33 Lockhart Road, Wan Chai
• Omotesando Koffee電話: 26900023
• Omotesando Koffee價錢: $50以下
• 分類: 西式, 咖啡店
• 座位: 未知
• 付款: Visa,Master,現金,八達通,Apple,Pay
• FB專頁: Omotesando Koffee Facebook

更多Omotesando Koffee相關資料:

• Omotesando Koffee分店
• Youtube
• Facebook
• Twitter
• Google