FW Shop 灣仔

FW Shop 評價 相片

咁啱黎開灣仔，得知新開咗呢間麻糬麵包專門店起天橋下面，天仁茗茶隔離嚟到已經見唔少人買，不過仲未有長龍，可能遲啲多啲報道就有🤫足足有六種口味：原味、朱古力、肉鬆、紫薯、斑斕、綠茶紅豆每款都有有菠蘿皮或者冇菠蘿皮，變相有12隻款！要視乎運氣同銷售，今日去都冇晒肉鬆，芝士、紫薯、斑斕都去得快⚡️好在有不斷焗同「補貨」所有麻糬波波圓轆轆大大粒(梅窩麻糬王同James bonbon之間)屬於非常軟糯type而唔係外脆內軟type，應該落咗好多木薯粉，超煙煙韌韌 (暫時食過最煙靭係佢)😋鍾意mochi一定鍾意呢個一拎上手已經feel到好重手，滅落非常有「韌力」，絕對唔係空心👍🏻雖然唔係熱辣辣出爐，但都係新鮮製造，加上呢個唔熱食仲好，所以我返屋企都冇焗熱食▶️ 紫薯麻糬 ($7)成嚿都超紫💜應該用咗唔少紫薯粉係三款入邊唯一冇餡料嘅麻糬波波，亦因為咁樣最煙靭最mochi最dense有趣地食落唔係紫薯味，反而有泰式甜品椰汁紫米味😮好有驚喜!如果期望紫薯可能會失望，但自己覺得呢個味道幾好食幾特別 (佢應該改名)▶️ 斑斕麻糬 ($7)唔係第一間出斑斕味麻糬波波呢個入邊有唔少一粒粒溶溶地嘅朱古力碎🍫形成朱古力醬效果味道方面完全冇斑斕味，俾濃濃嘅朱古力味蓋過咗🤥可能冇朱古力碎仲好，因為斑斕本身清香，好在朱古力唔太甜唔知真正嘅朱古力味同呢個會有咩分別呢？▶️ 綠茶紅豆菠蘿皮麻糬 ($8)佢哋最新口味✨一去到成間店散發出嚟就係綠茶香味👃🏻特登揀咗個有菠蘿皮試吓～食落綠茶味超芳香🍵食完個口仲有少少「餘韻」(唔係抹茶味所以冇甘苦味)紅豆味道亦好出，唔算大粒但幾有質感🫘菠蘿皮比較失色🥲本身已經好薄，食落完全唔脆，做唔到菠蘿皮效果，加咗好似冇加咁，反而令到麻糬波波甜咗啲 (又或者綠茶紅豆本身就係三個口味入邊最甜嗰個)個人覺得可以唔使揀菠蘿皮，普通仲好食味道方面有少少失望嘅，感覺真實味道同名唔同，但麻糬波波質感做得好會推介大家食紫薯(椰汁紫米)味，亦可以試綠茶紅豆，不過就未必需要叫菠蘿皮服務都可以，非常快手拎到返屋企麻糬波波冇扁冇爛價錢來講可以話抵食，$7已經買到一粒，全部口味同價最好係唔使一袋咁買或者至少買幾多粒，咁就可以買唔同味道，一次過試多啲😙

普普通通，吹大咗。

麻薯波波店越開越多，但係唔係間間好食依間勝在多味，斑斕、芝士菠蘿皮都有已經特登焗返熱嚟食，但係都冇外脆內軟嘅感覺入面都夠煙韌嘅 但唔夠香要排隊就真係冇下次

見咁多人介紹就去試下，點知中伏今次叫左2款麻糬，包括朱古力味同芝士味菠蘿皮。

朱古力味叫做正常發揮，同其他麵包店一樣，只係叫大粒少少。

芝士味菠蘿皮，我只係食到菠蘿皮個甜味，完全零芝士味好失望，都唔會有下次

灣仔人氣小店買左原味，朱古力，菠蘿斑蘭，菠蘿芝士原味：無乜特別朱古力： 好濃嘅朱古力味，推薦菠蘿斑蘭：菠蘿皮脆口，但略嫌無乜班蘭味菠蘿芝士 : 啖啖芝士味 👍🏻手板咁大個都係$7/$8 推薦朱古力 同 菠蘿皮系列😋😋

見到ig d foodie介紹依間新開不久既人氣麻糬店 位置相當方便 就係係灣仔地鐵站出左行幾步 天仁茗茶同找換店隔離 可能咁岩落雨天 唔算多人排隊買 上網睇平時都是排哂長龍。

雖然唔係多人 但人流還是keep住咁黎，店員相當快手地一個收錢一個包裝，所以都唔會聚集過多人排隊等😎價錢方面幾抵 大概$7$8/粒 ， 口味款式都好多😎 而今次我就簡左4款口味，分別係「綠茶紅豆麻糬」（$7） 、「芝士麻糬」（$7）、「班蘭菠蘿皮麻糬」（$8）、「朱古力菠蘿皮麻糬」（$8） 包裝精美 個人最中意綠茶紅豆麻糬， 依款都係依間店既人氣推介， 口感比較煙韌又唔會過硬。

綠茶味幾為濃 班蘭菠蘿皮麻糬班蘭味幾濃幾正 菠蘿皮口感仍不錯 食落去又唔會狂甩皮搞到成手都係芝士麻糬比想像中普通 芝士味反而唔算濃 似原味口感咁 朱古力菠蘿皮麻糬朱古力味幾濃

FW Shop餐單提供西式, 麵包店, 西式糕點等推介美食位於灣仔區，餐廳座位數未知人均消費約$50以下，結賬可以用現金，Booking訂位可以電話致電 56131338 查詢。

您對於灣仔餐廳「FW Shop」有何 comment？

FW Shop餐廳詳細資料：

• FW Shop地址:
  灣仔軒尼詩道149號萬寶樓地下C號舖
  FW Shop, Shop C, G/ F, Main Pole House,149 Hennessy Road, Wan Chai
• FW Shop電話: 56131338
• FW Shop價錢: $50以下
• 分類: 西式, 麵包店, 西式糕點
• 座位: 未知
• 付款: 現金
• FB專頁: FW Shop Facebook

更多FW Shop相關資料:

• FW Shop分店
• Youtube
• Facebook
• Twitter
• Google