Classic Orchard 灣仔

Classic Orchard 評價 相片

第一次寫食評@@這幾天,天氣相當熱,同bb經過灣仔,見到一間陌生的雪糕店,就不妨去試一試~~店舖不大,但一進去就能見到一列的陳列品,原來除了多款口味的雪糕之外,還有焗薯、三文治等等...賣相相當吸引@@而且bb正想吃些熱食, 岩晒佢啦~~~我望著雪糕,店員馬上向我介紹,原來這是天然雪糕,還可以試味tim~~我試了它最熱門的<榴槤>味,很香濃的榴槤味,不像其他的雪糕一樣,味道有點假~~~之後問可否再試多一種味,因為個人十分鍾愛朱古力~所以簡了<朱古力>味, 味道不錯~試完朱古力才見到有<莫加>味,再問問店員可否再多試,店員沒有出現不耐煩的樣子,(很好喔~)最後我選擇了<莫加> $19而bb就想吃焗薯,然後親切的店員對我們說可以選擇<午餐>,有焗薯+沙律+飲品 $30因為我沒有吃焗薯..不知道味道~但bb的反應不俗,勝在份量夠大而沙律正常,不差!總括來說,可以再光顧啦^^

天氣熱熱地 打算食杯雪糕la .入到去個服務員話可以試咪試下lor 我平時食開榴蓮既 咁就試下佢所謂既黃牌榴蓮啦!點知 嘩!無榴蓮味既.好淡.再試下個綠茶__ 一樣!得d奶味 話咩天然雪糕wo.淡就係淡啦 睇睇下都無咩好食 咪是但要個雲呢拿lor等緊果時..仲要俾我見到佢果d 斑斕蛋糕 發毛 既!!真係好嘔心....搞到連食都唔想食19蚊一球 都算貴架la.送果d所謂既toppings 以為好好__d棉花糖融左架lor真係唔會再有下一次!!!!!!

之前，睇到 Openrice 新餐廳資料搵到呢間 Classic Orchard；上次，去開灣仔道嘅瑞士咖啡室，順道搵埋呢度！今日，專登出灣仔為下星期三晚嘅開年飯探路。

可以走嚟一試呢間賣雪糕、乳酪、焗薯、法包小店！門面細小，加上有竹棚遮擋，行過都唔多覺。

其實要搵並不難！對面正是利景酒店，沿灣仔道往銅鑼灣方向，經集成中心，見到明將壽司，再行幾步就到。

入到去，主要有雪糕柜及三文治配料雪柜，以外賣為主。

呢度有雪糕及乳酪；仲有焗薯、法式三文治、飲品、蛋糕賣。

店內不停播放著同一首熱帶風情音樂，感覺幾悶！ 供應早餐、午餐及下午茶餐。

午餐大約分為三種類：各送沙律及熱飲。

( 凍飲+$2 / 汽水或果汁+$4 / 咖啡+$4 ) 焗薯 $30：千島醬吞拿魚、咸牛肉芝士、碎蛋沙律、煙肉碎茄汁焗豆、芝士西蘭花。

長通粉$33：白汁煙肉火腿、白汁吞拿魚西蘭花、番茄肉醬。

法式三文治$33：蜜糖芥末煙三文魚、煙火雞腿芝士、鮮茄芝士咸牛肉、生菜吞拿魚沙律、碎蛋沙律；配意式麵包、百吉包、小法包、全麥方包。

店員先為我遞了一張摺椅，唔高唔矮！ 坐得唔多舒服；剛好，我對住塊鏡食嘢！望住自己個食相，感覺不太好！我揀咗：千島醬吞拿魚焗薯 ( 散叫 $23 )等了5 分鐘有得食！ 衰在張枱高；個碟喺我下巴位置，個焗薯 Exactly 喺我面前，真係唔太就手，食完手都攰埋。

吞拿魚份量唔多，混合了千島醬，唔會口寡寡兼幾惹味！加入酸瓜粒，增加一點口感！味道配合起嚟都唔錯！薯仔焗得夠哂腍，可惜，一看薯皮沒有滿佈小圓圈嘅紋！就知用上中國薯仔， 比較美國薯仔粉些少，不及美國薯仔帶點特有嘅甜味！Size 大個西柚些少，算係大焗薯。

令我滿心歡喜！雖然薯仔夠飽肚，又係相等於飯嘅糖份三份之一；但係食得薯仔多會引起胃脹，都係唔好食太多！此外，雪糕 & 乳酪可以試食，不過無得跟餐！價錢尚算合理！黃色牌為皇牌口味：單球 $22 / 雙球 $35 / 家庭裝 $58藍色牌為標準口味：單球 $19 / 雙球 $30 / 家庭裝 $52乳酪口味：單球 $22 / 雙球 $38 / 家庭裝 $58包一款 Topping ，有 10 種口味，另加每款+$3，鮮果+$5。

我試了一次又一次，共試咗 4 款口味，女店員毫無黑面，服務態度真好，值得一讚！呢度嘅雪糕及乳酪以健康熱帶口味作賣點！有牛奶、雪芭、豆奶、椰漿、乳酪系列。

木瓜豆奶 木瓜顏色、木瓜味不太濃，但係味道甜得嚟有點怪！榴槤乳酪 係全店最受歡迎嘅一款乳酪，榴槤味濃郁！可惜，我不太好榴槤！櫻桃乳酪 感覺上唔似乳酪，食落好多粉，味道酸甜。

雜果乳酪 味道不錯！決定買！另外，有泡芙雪糕：皇牌口味：$23 / 乳酪口味：$23 / 標準口味：$20其實，都係多 $1，最終買下：雜果乳酪泡芙 $23我要求食完焗薯才遞給我；用紙袋裝，感覺衛生！ 泡芙細細個，味道有點似水泡餅，唔多鬆化，有啲硬，屬一般貨色！雜果乳酪食到有車厘子乾、提子乾及橙皮粒，加入橙皮粒帶點澀幾特別，乳酪唔係太酸！容易受落，味道不錯！而且有口感！

Classic Orchard餐單提供西式, 麵包店, 雪糕, 乳酪, 外賣店等推介美食位於灣仔區，餐廳座位數未知人均消費約$50以下，結賬可以用現金。

您對於灣仔餐廳「Classic Orchard」有何 comment？

Classic Orchard餐廳詳細資料：

• Classic Orchard地址:
  灣仔灣仔道232號地下A1舖
  Classic Orchard, Shop A1, G/ F,232 Wanchai Road, Wan Chai
• Classic Orchard電話:  
• Classic Orchard價錢: $50以下
• 分類: 西式, 麵包店, 雪糕, 乳酪, 外賣店
• 座位: 未知
• 付款: 現金
• FB專頁: Classic Orchard Facebook

更多Classic Orchard相關資料:

• Classic Orchard分店
• Youtube
• Facebook
• Twitter
• Google