新森林焗之專門店 2021年1月推介餐廳優惠

餐廳新森林焗之專門店評價及照片：

-足份量的芝士鮮茄焗牛脷飯，粒粒充滿蛋香炒飯底，加入芝士鮮茄焗製，配上肉厚的牛脷豐腴軟腍，啖啖刺激味蕾。可加$18 order小食，小食款式都算多選擇，我點選鮮菌芝士焗西蘭花，味道濃郁。😋😋😋-

-依家多數買外賣番屋企食，今晚去灣仔買外賣。大盛豚王拉麵牛腩好大嚿，炆得好腍。豬肉半肥瘦，食落甜甜地。拉麵麵質煙韌，軟硬適中。配菜有清甜嘅粟米粒同爽脆嘅木耳絲，有菜有肉，係你嘅健康之選。黑椒美國牛仔骨芝士焗飯黑椒汁多過芝士，芝士味被黑椒蓋過。飯稍微硬了點。牛仔骨配黑椒好入味，真係冇得輸！蜂蜜喺依家新冠肺炎疫情下飲更覺清甜潤喉。-

-～ 早餐輕盈之選頂級餐肉煎蛋公仔麵煎蛋改咗做炒蛋，午餐肉有2片味道合格。呢度係用大光麵做底、師傅煮麵煮到味淡兼滑潺潺，真心唔懂得欣賞。。。 ～ 早餐輕盈之選2煎豬扒公仔麵除咗食得飽之外無乜嘢好講。。。跟餐奶茶入口味澀。留意到奶茶係用即棄紙杯同膠條做調羹，明白到今時今日香港地租貴人工貴，請個洗碗伙記非常之難，但咁做非常之唔環保。。。綜合嚟講係一間港式連鎖茶記。。。除咗價錢合理抵食（$29蚊個早餐）之外冇其他嘢想發表了。。。-

-今日ot咗幾個鐘去到成9點幾，本來都無咩期望食啲咩，但呢間餐廳竟然未關，我即刻9秒9入去食啦。本身鍾意食焗飯，呢間嘢啱晒我口味。我叫咗個鴛鴦焗飯，一邊係白汁海鮮一邊係黑椒汁雞扒。海鮮算多，雞扒大舊又juicy。加多杯凍檸茶都係60蚊，區內算係抵食。-