老街坊菜館 深水埗
地址: 深水埗青山道260-266號永隆大廈1樓B號舖及地下D號舖
最後更新:
老街坊菜館推介
朋友生日，訂咗一圍食小炒，好有驚喜，原來除咗鵝煲好食，小炒亦好出色，燒鵝皮好脆，鵝肝麵都好正， 避風塘炒肉蟹好野味，最抵係一蚊一只膠花雞湯，正體都好好！直得一去再去
深水埗老街坊菜館
| 餐廳分店 | 老街坊菜館 |
|---|---|
| 地區 | 深水埗 |
| 電話訂位 | 54012601 |
| 餐單 Menu | 港式, 中菜館 |
| 人氣指數 | 907 |
| 價錢幾錢 | $51-100 |
老街坊菜館訂位位於深水埗區，詳細地址是深水埗青山道260-266號永隆大廈1樓B號舖及地下D號舖，餐廳寬敞座位數目共有未知幾多個。老街坊菜館幾錢？價錢優惠後人均消費大約$51-100埋單，早餐午餐晚餐老街坊菜館餐單包括有港式, 中菜館等美食，付款方式有AlipayHK,支付寶,現金付款，Booking網上訂位可以電話致電 54012601 查詢訂座。
老街坊菜館優惠
老街坊菜館 評價 相片
朋友生日，訂咗一圍食小炒，好有驚喜，原來除咗鵝煲好食，小炒亦好出色，燒鵝皮好脆，鵝肝麵都好正， 避風塘炒肉蟹好野味，最抵係一蚊一只膠花雞湯，正體都好好！直得一去再去
朋友介紹，話長沙灣有間食店又抵食又好食，最緊要係服務用心，所以即管一試。
到步後，沿着樓梯上一層，已經感覺到朋友所講嘅親民，侍應哥哥一早就喺樓梯口接待。
見到牆上邊嘅海報，一蚊一煲花膠雞湯！？！ 嘩！咁抵唔係啩！咁冇理由唔試啦！雞煲嚟到後，啲花膠又大件又諗，最重要係隻雞係原隻走地雞，雞肉仲係好多汁好甜，我哋成班朋友第一件事梗係飲咗啲花膠雞湯啦，煲湯熱辣辣又甜，味道好到不得了！呢一蚊真係超級超級抵比！食完煲雞都已經飽咗一半，之後再嚟多一隻象拔蚌刺身，再加上椒鹽焗奄仔蟹，滷水鮑魚，個肚已經好滿足了！ 呢間食肆除咗服務用心，食物真係超級抵食同好味道，我已經訂咗一個禮拜後再嚟，下次決定要試吓啲小炒先得，之後再向大家報告！
又黎到一年一度嘅端午節！我最鍾意做節。
因為做節代表一家人可以齊齊整整，坐埋一台食飯，最主要都係因為多人可以食多啲好西啦😘男朋友一早同我講咗，今日要同佢屋企人做節，通常都係姑姐包辦一家人食乜，今次竟然話book私房菜，我都好期待，知道一定係好嘢嚟。
7:30準時到，喺樓下已經見到佢賣緊廣告，寫住一蚊花膠雞窩，但今次我哋過嚟係食私房菜，呢啲咁抵嘅優惠唯有留返下次啦🙌🏻先來一個炸魚皮，冇影到，因為我冇食🤣佢係即炸攞出嚟㗎！好快俾人清晒。
第二就係鱆紅魚刺身，我平時就小食刺身，唔係隻隻都食，唯獨拖羅同埋鱆紅魚我會食。
睇落去同埋食落去，浸味係有啲似油甘魚，不過鮮味再出啲！！👍🏻好食。
之後個頭同埋尾佢仲有椒鹽左俾我哋食添！之後一人一盅，花膠螺頭燉烏雞。
完全燉左烏雞嘅精華出嚟！個湯係啡黑色，可以見到佢用心制作，飲落去入邊浸味完全唔係味精唔係鹽，係真係雞嘅鮮味👍🏻👍🏻👍🏻螺頭同雞唔會老哂👍🏻花膠就冇食，我留返俾男朋友😘黑松露蝦多士，即炸即起，上菜嗰陣仲係燙口。
個人覺得稍微油膩咗啲，咬落去有少少油咇咗出嚟。
蝦肉彈牙👍🏻咬到中間黑松露味好香。
蝦肉可以再多啲，整體有啲薄。
不過屋企人都另外叫多一碟🤣豉油王鵝腸，偏甜味，冇咗鵝腸嗰陣油膩嘅感覺，依然爽口👍🏻不過冇乜特別，可能個人本身唔係咁好鵝腸，食咗一條就夠。
小炒王見佢炒得唔錯👍🏻唔會成碟都係油！呢個好重要呀🤣睇啲韭菜嗰個反光面都知唔係成碟都係油。
啲銀魚仔都依然係乾身嘅👍🏻客家鹹雞，我食咗四舊五舊左右🤣因為我本身鍾意食雞啦，同埋佢個雞係好滑囉👍🏻真係要讚👍🏻但係覺得沙薑汁可以再多啲，雖然而家食到雞嘅鮮味👍🏻不過食到第四舊覺得可以點下汁👍🏻成條芫荽放落口一流呀😘跟住再嚟！我鍾意食嘅咕嚕肉😻咕嚕肉係一門好難整得好食嘅小菜，因為個粉唔可以太厚，你挑選嘅部位又唔可以太肥唔可以太多骨，肉同骨嘅比例要適合，另外太甜又唔好食，甜酸比例又要調校得好。
汁又唔可以多個龍，如果唔係好易淋。
呢個咕嚕肉啱啱炸起，一咬落去外脆內軟嘅👍🏻👍🏻要讚，我食咗3，4舊。
覺得可以再酸d，可能因為佢係落蜜桃唔係落菠蘿，所以偏甜，但係都夠酸嘅。
個人期望佢會有菠蘿囉，因為嗰個口感又會多少少。
蒜蓉蒸頭腩。
呢個比較普通。
雖然嗰個魚腩都好滑👍🏻整得比出邊嘅茶樓好，出邊茶樓普遍都好油膩，咬落去嗰陣魚油腥味會蓋過真正嘅魚味，呢間都冇得避免，不過少啲。
但佢個魚整得滑👍🏻其實仲有個臘味糯米飯嘅，不過我冇影到🤣因為已經食飽咗忘記咗🤣同埋過程中我一路幫我男朋友打包，其實有啲餸係冇影到。
個糯米飯我食咗少少㗎，佢係好難得有潤腸👍🏻所以成個飯係會更加香，更加有特別嘅味道👍🏻令到我同其他屋企人都不禁想加啲花生落去👍🏻有冬天嗰陣嘅味道😻最後想讚下個香芋紫米露👍🏻👍🏻👍🏻通常出邊啲人俾你個甜品例如紅豆沙啊、紫米露啊呢啲都會好求其，可能會好甜。
但呢個香芋紫米露係完全唔太甜，我食晒成碗👍🏻芋頭又唔會多都搞到好多渣，佢係切開咗細細粒正方形👍🏻椰汁味好香👍🏻食完成碗都唔會好油膩👍🏻
老街坊菜館餐單提供港式, 中菜館等推介美食位於深水埗區，餐廳座位數未知人均消費約$51-100，結賬可以用AlipayHK,支付寶,現金，Booking訂位可以電話致電 54012601 查詢。
您對於深水埗餐廳「老街坊菜館」有何 comment？
老街坊菜館餐廳詳細資料：
- 老街坊菜館地址: 深水埗青山道260-266號永隆大廈1樓B號舖及地下D號舖 Old Street Restaurant, Shop D, G/ F& Shop B,1/ F, Wing Loong Building,260-266 Castle Peak Road, Sham Shui Po
- 老街坊菜館電話: 54012601
- 老街坊菜館價錢: $51-100
- 分類: 港式, 中菜館
- 座位: 未知
- 付款: AlipayHK,支付寶,現金
- FB專頁: 老街坊菜館 Facebook
更多老街坊菜館相關資料:
香港餐廳2026推介9月