烘發油器粥店 深水埗

烘發油器粥店 評價 相片

這店已結業！好可惜啊！這類香港特色大排檔越來越少啦！真係好懷念以前細個時去大排檔食粥！老闆也很有人情味！坐在其他有冷氣的店嗰種感覺完全不同！料也不多！唉！好懷念啊！

最中意周圍行，o個日行到去石硤尾，見到哩條小巷就走入去睇睇，結果見到哩間冇乜原因就坐底了望望掛着ge餐牌，就叫碗碎牛粥食下，到了，一食就知道咩一回事，米俾佢地完全煲爛了，這是舊時口感，感覺係用火水爐煲的，米都爆到變成米漿了，可能好耐冇食過哩種粥了，唔係好慣，但食得出當年ge感覺，懷念。

。

。

笑了笑，俾錢，走人，回頭一望，再笑笑，下次再見

在九龍塘下課，晚了，想著除了到土瓜灣七喜外，還有哪兒有可以把車停下，施施然走到店內的地方。

轉眼到了大坑東，進入耀東街。

老舊的地方；正因為老舊，毫不起眼，才留得住幾個大排檔。

有幾家熱鬧的小菜飯店，我們都相不中，卻進了烘發；這兒有我兒時的回憶（見力撐小店系列之八）。

都說現在要維生，沒有十八般武藝不能；烘發除了幾十年前賣到如今的粥，還有蒸飯，更有個打冷檔。

反正晚飯與消夜混著吃，就一齊上吧！買「組合」飯盒，先盛白飯，上面放選好的材料（豬扒？香腸？斑塊？...），再加汁（或上色）。

飯還飯、餸還餸，我蠻怕的。

艇仔粥的原理也一樣，先下料（牛肉碎、魷魚、魚片粒 ...），加入粥底，再加「青」，我卻不抗拒。

各種材料，一股腦兒勺起，送進咀裡，甚麼口感都有。

很「立亂」，也很實在。

同伴則點了及第粥。

各式各樣的豬內臟都在了，在熱粥中浸到剛熟，再掏出來沾豉油（這兒還有潮州辣椒油，加埋更好味）。

吃及第粥就是有充滿矛盾的忐忑：內臟要熟，但又不可太熟；而粥底留下的鮮甜 ... 還是血 ... 也叫人提心吊膽。

蝦米腸，原以為是即叫即製的，怎料不然，上枱時不是熱辣辣的。

但這遺憾，被那出乎意料的打冷美食徹底填補了。

大腸拼墨魚，碟頭毫不吝嗇，也不是以大量豆腐墊底去混淆視聽，竟只收$38！（別太快高興，最近再去，已加價到$50了，加三成！通漲猛於虎啊！）而且水準一點不賴，墨魚爽脆、大腸入味，大快朵頤的情緒即時撻着！蠔餅也是同價，碟頭大件有餘。

話說蠔餅有兩大路線：煎的較常見，眼前的是炸出來的（跟水瓜烙的做法類似）。

蠔下得毫不手緊，雖然相當油膩，卻是吃得痛快！最驚爆的還是埋單一刻：吓？竟然一百蚊都唔駛？當然，進餐當日至今已有些年日，但加三成都係抵啫！這兒的件頭，水準，加上啱食的配搭（加忌冷 + 廣東粥），值得一再幫襯！係咪呀，貓貓？

一朝早由深水埗周圍中, 行到石硤尾呢頭聽到石油氣爐「逢逢逢」咁大聲, 狀似吸引大排檔內原來除了幾張擺在露天地方的枱外, 還有一間狀似破爛的打冷铺頭也可以坐, 不過如果可以忍受到一堆烏蠅在各張枱上行來行去, 牠們好像不怕人呢, 因为點嚇都唔飛走還是坐在露天位置好了~價錢幾實惠皮蛋碎牛粥$14...绵绵有味粥底, 滾一滾~上枱時還見到不少泡泡, 皮蛋就俾得蛋黃少了點, 可能隨手就係咁, 多蛋黃会甘香好多嘛~粉仔碎牛幾多, 上枱時碎牛呈粉紅色, 要撈勻d粥先好食, 碎牛入口都好軟綿, 味道亦唔錯。

鮮潤腸$12...豬潤还爽, 腸粉皮軟滑, 並沒有加澄麵那種膠質煙韌, 我比較喜歡它的米味豐富, 似是纯米漿製成, 好味一條腸粉有3粒潤, 好足料啦~

先前睇過某某週刊...topic 係"尋粥記" 介紹到呢間粥店有幾得, 今日晨早就去一試...點知就出咗事...皮蛋碎牛粥 ~ 先講粥底...一d 都唔綿, 食到一半巳變水"生粉水粥", 碎牛唔香無乜味!!蝦米炸兩 ~ 啲蝦米硬到咁點可以比人食呢, 油條夠脆!!叉燒腸 ~ 腸粉皮平平無其, 唔會有驚喜!!炒面 ~ 面質唔硬, 有少少牙菜, 加埋d甜辣醬, 味道常ok!!

烘發油器粥店餐單提供港式, 大牌檔等推介美食位於深水埗區，餐廳座位數5人均消費約$50以下，結賬可以用現金。

您對於深水埗餐廳「烘發油器粥店」有何 comment？

烘發油器粥店餐廳詳細資料：

• 烘發油器粥店地址:
  深水埗耀東街15-16門前大牌檔(近南昌街)
  烘發油器粥店,  
• 烘發油器粥店電話:  
• 烘發油器粥店價錢: $50以下
• 分類: 港式, 大牌檔
• 座位: 5
• 付款: 現金
• FB專頁: 烘發油器粥店 Facebook

更多烘發油器粥店相關資料:

• 烘發油器粥店分店
• Youtube
• Facebook
• Twitter
• Google