滋潤棧 深水埗
地址: 深水埗元洲街10號慶成大廈地下
最後更新:
滋潤棧推介
隨便食一間，點知中大伏點左個三杯雞，以為台式三杯雞的樣，但出到黎完全被騙，似鹵水雞肉，完全低成本之作，d雞肉都係雞胸肉，又散又唔掂，冇任何配料，人地三杯雞都係用炒，呢度用炆，仲要勁出水，一塌糊塗。好心唔好用三杯雞呢個名。知道伏左，想加餸加8蚊點個魷魚煎肉餅，但店員話煎肉餅已經切片，冇得後加，只可以加其他餸，真心伏到咁，超難食，又冇得加肉餅，唉。個豬骨湯係好少少外，其他都係垃圾。真心違反商品說明，根本唔係三杯雞，係鹵味雞。
深水埗滋潤棧
| 餐廳分店 | 滋潤棧 |
|---|---|
| 地區 | 深水埗 |
| 電話訂位 | 2387-9861 |
| 餐單 Menu | 港式, 甜品, 糖水 |
| 人氣指數 | 905 |
| 價錢幾錢 | $50以下 |
滋潤棧訂位位於深水埗區，詳細地址是深水埗元洲街10號慶成大廈地下，餐廳寬敞座位數目共有未知幾多個。滋潤棧幾錢？價錢優惠後人均消費大約$50以下埋單，早餐午餐晚餐滋潤棧餐單包括有港式, 甜品, 糖水等美食，付款方式有現金付款，Booking網上訂位可以電話致電 2387-9861 查詢訂座。
滋潤棧優惠
滋潤棧 評價 相片
隨便食一間，點知中大伏點左個三杯雞，以為台式三杯雞的樣，但出到黎完全被騙，似鹵水雞肉，完全低成本之作，d雞肉都係雞胸肉，又散又唔掂，冇任何配料，人地三杯雞都係用炒，呢度用炆，仲要勁出水，一塌糊塗。
好心唔好用三杯雞呢個名。
知道伏左，想加餸加8蚊點個魷魚煎肉餅，但店員話煎肉餅已經切片，冇得後加，只可以加其他餸，真心伏到咁，超難食，又冇得加肉餅，唉。
個豬骨湯係好少少外，其他都係垃圾。
真心違反商品說明，根本唔係三杯雞，係鹵味雞。
去了黃金買野，順便平平地在深埗食個午餐，餐廳每日都有幾款不同的午餐選擇，除了肉、魚、還有素菜，素食者都啱食。
例湯是舞茸粟米豬骨湯，完全無味精，湯料豐富，粟米清甜，還有大大件的豬骨及舞茸，真材實料。
雲腿肉絲津白有粉絲、津白等，津白煮得很腍，加上雲腿咸味，味道正常不會過咸，而粉絲就吸收了雲腿咸味，送飯一流。
豉椒涼瓜煎封金倉魚，倉魚細細條，正好一人份量，表面煎封至金黃色，魚肉嫩滑，再以苦瓜炆一炆，魚肉帶了苦瓜香。
開返4人堂食，呢日同幾個同事黎深水埗做野，同事A介紹呢頭有間家常小菜店無味精又大大碟，重點係話好平🤣咁無理由唔試啦😚.餐廳位於元州街10號，近深水埗地鐵站，大約行5分鐘就到，餐廳裝修就無乜，一睇就知係街坊小店。
每日有56款既「每日精選飯餐」，價錢由$42$44不等，送湯/咖啡茶/糖水（紅豆沙、綠豆沙、西米露、椰汁涼粉）。
.▪️是日例湯老火湯：土茯苓生地紅棗豬骨湯；素湯： 沙參肉竹雪梨湯每個餐跟一碗，個湯好正，無味精又足料😍.▪️魷魚蒸肉餅$42每日叫個餐食，最中意就係個蒸肉餅，肥瘦均勻既豬肉碎加左馬蹄魷魚，好有煮家飯既feel. .▪️豉椒涼瓜炆排骨$42涼瓜切斜片去籽，完全無苦味得黎都唔會加太多糖去煮，加上用豉椒醃製左排骨，簡單家常餸都好滿足。
.▪️柱候牛腩炆蘿蔔$44呢個話就話牛腩，其實除左牛腩仲有牛根，而且都算幾多，白蘿蔔炆煮時間夠，又唔會過淋身，不過不失。
.▪️鹹魚雞粒炒飯$46最後同事叫左個鹹雞，幾欣賞佢炒飯都落咁多菜心同蔥，令到成個飯好colourful ，鹹魚香味好重，佢係廚房炒緊已經聞到🙈 炒飯最緊要夠乾身，都做得好👌🏻.深水埗家常小菜店，如果我住呢頭都應該會幾常幫襯🤣睇佢奇貌不樣，但又真係好有屋企餸Feel👍🏻👍🏻 最緊要無味精好重要呀。
中午想去玩具街買農曆新年掛飾🧧，於是就順便喺嗰邊搵嘢食。
行嚟行去唔知食乜好，又見到有姐姐派傳單，於是就幫襯咗「滋潤棧」。
其實之前都有經過過依個舖位，但就冇細心留意。
入到去先發現環境原來都幾光猛，而且座位闊落兼排列整齊，舒服過茶記好多☺️。
餐廳每日有六款指定精選飯餐，價錢較為相宜，而且加幾蚊仲可以雙拼。
只可惜今日嗰幾款唔太啱我哋口味😣，所以唯有轉戰正餐牌。
本身以為餐廳主打中式小菜，但其實亦有賣炒粉麵、湯飯湯米線同(港)美式扒餐等。
而我最欣賞係呢度有提供唔少素菜🥦，就連例湯都有素湯，咁素食者就多一個好選擇。
是日老火靚湯係海底椰粟米豬骨湯🌽🐷，湯品味道幾好，飲落清清哋，而且最重要係唔油。
如果唔飲湯，你可以揀飲品或者糖水。
我哋兩款小菜都揀咗牛，感覺係幾好笑，因為撞哂味。
不過我哋都鍾意食牛，加埋天氣涼涼哋，想食煲仔菜，睇嚟睇去都係得牛嗰款比較啱心水。
喺度食飯唔使驚唔夠飽，🍚因為白飯好大碗，係酒樓嘅1.5倍以上。
中式炒牛柳($65)，我好少食呢味菜，原來個汁都幾惹味😋。
我哋一致認同茄汁同糖同喼汁嘅比例調得啱啱好，甜酸度適中，亦無咕嚕汁咁濃烈，撈飯食唔錯。
牛柳有好多件，而且係真．牛柳，肉身呈長方形兼且有一定厚度。
除咗牛柳外，餐廳仲用上好多三色椒同洋蔥一齊炒，所以唔會冇菜食。
另一邊廂，呢碟小炒出奇地幾夠鑊氣👍。
沙嗲金菇牛肉煲($65)，🥣煲仔菜份量夠哂多，打開後見到覺得幾澎湃。
顧名思義，金菇同牛肉就當然唔少得，但同時亦都有幾條小白菜。
至於醬汁方面，老實講佢唔太有沙嗲或沙茶醬嘅味道，唔算好香亦唔辣，但食落又無乜嘢，都係好食嘅。
🐮牛肉並唔係用上肥牛薄片，而係用上偏厚身嗰種，食得出牛味，但有個別肥膏就多咗啲。
總括嚟講，小店嘅出品幾高質，味道唔錯，而且比出面食開嘅無咁重口味，清淡但絕不代表無味。
我哋都幾肯定呢度冇落味精，好有住家菜嘅感覺🏡。
再者，呢度飯菜嘅量真係超多，本身想食埋糖水，但最終都食唔落。
堂食客人唔算好多，相反外賣單就做唔停，電話係咁響。
小店有一份唔係好多地方有嘅人情味，老闆以至店員都好友善，用心經營🙏🏻。
疫情過後，有機會請同事食下午茶，我都會考慮幫襯佢啊。
呢間餐廳平時主打家常營養小菜，但每逢秋冬都有藥膳雞煲（$128）同羊腩煲（$138）。
今次同男朋友試咗羊腩煲，兩個人食一煲加碟菜（$15）飽晒🤤😋。
🥘羊腩煲（$138）每份羊腩煲奉送生菜一碟同埋白飯一碗。
羊腩煲有大概20件羊肉，相當抵食。
羊肉每件都帶皮，而且肉質軟腍。
醬汁係經典柱侯醬汁，好香但鹹度唔高，食完唔口渴。
腐竹吸收晒醬汁，餸飯好惹味。
餐廳似乎有唔少熟客，店主會為年紀較大嘅食客推介及準備軟腍易咬嘅飯菜，令人感受到小店嘅貼心。
滋潤棧餐單提供港式, 甜品, 糖水等推介美食位於深水埗區，餐廳座位數未知人均消費約$50以下，結賬可以用現金，Booking訂位可以電話致電 2387-9861 查詢。
您對於深水埗餐廳「滋潤棧」有何 comment？
滋潤棧餐廳詳細資料：
- 滋潤棧地址: 深水埗元洲街10號慶成大廈地下 Zhi Yun Shop, G/ F.,10 Un Chau Street, Sham Shui Po
- 滋潤棧電話: 2387-9861
- 滋潤棧價錢: $50以下
- 分類: 港式, 甜品, 糖水
- 座位: 未知
- 付款: 現金
- FB專頁: 滋潤棧 Facebook
更多滋潤棧相關資料:
香港餐廳2026推介9月