榮華茶餐廳 深水埗

榮華茶餐廳 評價 相片

齋睇餐牌唔會諗到多士會咁上法十分之搶眼球呢個我會叫做港式open sandwiches 味道正常芝士鹹牛肉互相平衡得好好仲要係厚多士茶走茶味濃唔太甜下茶餐嚟講性價比已經好好

榮華茶餐廳喺深水埗有兩間店，兩間到好地道，北河間呢間喺生隆餅家隔離，去幫襯要有心理準備，人好多，坐得唔太舒服，要快叫快食。

要快，就梗係叫常餐啦😂。

不過常餐嘅沙嗲牛肉麵湯太多，麵較淡，牛肉鬆肉粉亦有啲重手，沙嗲汁味道較似蠔油，唔係我鍾意嘅味道。

火腿同炒蛋都係一般貨色，無甚驚喜，反而個多士烘得幾香口，唔錯，另外就係杯凍檸茶，茶味夠濃，絕對消暑解渴。

雖然呢餐質素唔算得上高，但去同聲同氣嘅小店食嘢，本身就已經好滿足啦。

某日早咗起身，有時間返工前食早餐，所以揀咗來榮華。

好耐冇食過茶餐廳早餐，亦都好耐冇去過舊區嘅茶餐廳，老實講入去嘅時候覺得自己格格不入😂，不過又好鍾意呢種傳統港式嘅地道。

一入去覺得個姐姐好親切，即刻問我食乜我又即刻order左。

我就叫咗雞扒早餐熱檸茶，其實本身冇乜期望㗎，早餐姐都係咁㗎啦，估唔到咁有驚喜🥶😱。

個雞扒焗豆加煎蛋嚟咗先，我就問姐姐係咪個多士漏咗，佢話轉頭上。

好快多士就嚟到，嘩，我估唔到係一整塊厚多士，係真係一整塊啊！本身戒澱粉質諗住唔食多士嘅我，見到塊多士敵不過，食晒成塊🙃。

我會為咗塊多士下次再嚟。

熱檸茶個茶底幾好飲。

抵食兼好食$62一個小菜包埋白飯，仲有埋例湯添而且係無味精！！男友表示椒鹽排骨好食我叫左個沙爹牛米，$30，牛肉都幾多又大塊Bonus係電視播緊既係viutv而唔係某嘔心台～～～～～～～～呢樣野茶記黎講真係好少見，要特別一讚！！！如果唔係好一路食一路睇到d垃圾真係會背脊骨落架～見到好多人食煲，都係6十幾蚊，真係幾抵～～～～～～～Menu選擇都多👍🏻👍🏻侍應都好有禮貌，唔會西面/鬧人tone，茶記黎講算係好脫俗

有朋自遠方來，當然要約出來食返個飯仔啦。

不過，正式大聚會的那一天就因為有事而不能出席了。

改日再約時，就決定小圈子，約在深水埗輕便地聊聊天。

其中一個友人就提及了一間名叫《榮華茶餐廳》的小店，一齊嘆奶茶，邊食個小茶餐，邊聚舊。

說地方就不好說了，因為此茶餐廳算是地方淺窄。

我們6人圍著一檯，親親密密的，氣氛非常好。

說食了，下午茶有這一個魚香茄子炒公仔麵。

味道就是魚香茄子煲的味道，有濃香的咸魚味，而茄子同麵亦吸收晒所有的味道。

吃入口就是一個魚香茄子煲加公仔麵，很惹味。

我同太太其實是未食午飯的，所以大家都叫一大份餐來吃。

然而，下午茶的炒粉麵餐並沒有素食啊。

她只好叫這一個咖哩雜菜飯。

香港式的黃色咖喱，有黃薑的味道。

由於這一份咖喱只有芥蘭、蛋同薯仔，所以味道很淡，也很青。

同行朋友點了一份鮮牛肉撈麵。

生滾的牛肉十分之嫩滑。

配上了蠔油同麵，撈埋食，比鮮起牛肉湯麵更濃香。

麵爽，醬香，肉香。

朋友說，這是《榮華茶餐廳》的招牌，我看了後，認同。

奶茶，也是《榮華茶餐廳》的招牌之一。

這一杯茶很濃，眼見茶餐廳已經落了好多奶，杯茶都呈現出很濃的色澤。

不過，入口卻是非常香滑的，茶味又濃，又香，入口滑更是令大家覺得這奶茶美好的原因。

簡單一聚，簡單一餐，輕鬆地談天說地，就是一件非常好的事。

地方細，只好密密坐。

而就是這一份親密感，再加上食物質素好，就是大家倍添開心的原因。

榮華茶餐廳餐單提供港式, 粉麵, 米線, 茶餐廳, 冰室等推介美食位於深水埗區，餐廳座位數未知人均消費約$50以下，結賬可以用現金，Booking訂位可以電話致電 27283033 查詢。

您對於深水埗餐廳「榮華茶餐廳」有何 comment？

榮華茶餐廳餐廳詳細資料：

• 榮華茶餐廳地址:
  深水埗北河街66號地下
  榮華茶餐廳, G/ F,66 Pei Ho Street, Sham Shui Po
• 榮華茶餐廳電話: 27283033
• 榮華茶餐廳價錢: $50以下
• 分類: 港式, 粉麵, 米線, 茶餐廳, 冰室
• 座位: 未知
• 付款: 現金
• FB專頁: 榮華茶餐廳 Facebook

更多榮華茶餐廳相關資料:

• 榮華茶餐廳分店
• Youtube
• Facebook
• Twitter
• Google