新天地拉麵小籠飽 深水埗

新天地拉麵小籠飽 評價 相片

上個星期睇雜誌,都有介紹話陳妙英轉型開餐廳,介紹九龍城店新開張~雜誌講到好吸引~而且除了九龍城店外,仲有其他3間分店!其中一間就係呢間啦~一心諗住去試...點之...有d失望!食物水準麻麻地~價錢同其他同類食店相約!今次食飯,我又叫平時都會叫嘅嘢食~睇下同我之前食嘅,有咩唔同?叫左擔擔麵,唯一覺得好食.....小籠包....唔夠熱,但就很多汁.....鍋貼....又係入面凍凍地唔夠熱,唔係好新鮮....糖醋魚柳....呢個就夠熱啦,不過魚柳既粉好厚.....排骨拉麵....無什麼特別,只不過,個人唔鍾意麵太幼,唔似拉麵!!星期六7點幾去到都唔洗等位,亦無咩人~上菜好快!唔知係咪我誤解左呢間同雜誌賣o個間唔同~但就唔會詆下次啦~因為咁既質素,唔洗專登黎呢間食~第二度都有得食啊!

某個星期日想試這間京川午餐, 才發現原來星期六、日或假期的十二點前會有特價早茶雖然好少款( 好似只有十五、六個點心揀), 但家人認為這些點心的味道係附近酒樓中最好的, 而且假日飲茶, 其他酒樓又要等位, 又比這間貴, 所以一家人差不多每個星期都會來飲早茶素菜包: 我最愛, 每次必點的, 即叫即蒸, 包身脹卜卜、熱辣辣, 非常鬆軟, 未食過這麼好質素的中式包身, 包餡比例唔多, 有絲絲的白菜、冬菇, 清清地, 好多時都自己一次過k.o. 三個小籠包: 成日都因為太心急食而俾入面的湯辣親條脷, 我係第一次食有湯的小籠包, 比較唔到, 但家人話食過其他酒樓的, 這個最好味喎~皮唔厚, 上枱時榻哂o係蒸籠, 好得意 入面的豬肉份量剛好, 加上有味精湯汁的滋潤, 都幾好味~葱花腸: 一碟有好多條, 這個不太好, 蒸得過龍, 個面有d漿糊狀鳯爪: 我無食, 家人話ok正常叉燒包: 又係軟軟包身, 叉燒餡唔會好多醬, 叉燒夠瘦 (之前食)花生柴魚豬骨粥: 大約有兩碗半, 兩大舊豬骨都唔係得d骨, 肉有咸香, 好味。

柴魚無咩味, 花生軟淋淋好食~服務好好, 可能因為唔多客人, 侍應唔會扮睇你唔到 水夠滾, 而且這裡好似係免茶介的, 點心除了小蘢包, 全部唔過$12, 以假日來真係超抵！最重要係一定有位唔駛等！

我倆背著三十多本書，再要在灣仔找地方吃晚飯實在是"太沉重"了，所以最後也得先卸下這個"包袱"，才再為晚飯作打算。

放下了背包後，終於可以"輕鬆地"去覓食了.......還記得在愛群旁的食店好像還沒試過，加上又小籠包癮發作，所以便來這裡吃飯好了。

這裡既然以拉麵小籠包，便兩樣都試試~ 分別要了擔擔麵、醉鴿、小籠包、東玻肉、話梅骨和一個炒菜~<<擔擔麵>>的水準頗不錯，花生香氣濃郁，口感也算順滑。

只差在麵身不夠滑而且腍了一點點。

<<醉鴿>>在賣相上要加一點分數，不是一般的斬開幾件便上菜，而是工整也切成薄片地的，甚為吸引。

味道上酒味滲入了鴿肉，芳香撲鼻。

唯獨肉質嚡口了一點，但也算是不錯的作品了。

<<小籠包>>皮很薄，"湯汁"亦多，不過也是同一個老掉牙的問題，就是肉不夠鮮。

<<東玻肉>>賣相"正常"，意想不到的是入口油甘香而肉鬆化，想不到有如此水準。

如果真是要挑釁，便是在醬汁上的味道偏甜了一點點。

<<話梅骨>>的味道咸咸甜甜的，頗開胃的。

排骨的口感有點兒乾，炸粉也厚了一點，不過不失而已。

整體感覺算是不錯，以價錢來評也算合理，在沒預期下能嚐到不錯的食物，感覺是最好的。

昨晚去食晚飯，諗住今日父親節，預左多人，以為醒目，預先訂位啦！佢得兩個預訂時間：6:30pm和8:30pm，我地訂左8:30pm，我地都預早成20分鐘到達現場，仲通知埋果位知客，佢話：「好，你地係出面等一陣，我叫佢地埋單。

」ok...咁我地咪係出面等囉，等...呀...等....，咦...8:30pm囉喎，仲未得，入去睇下啦！仲未叫我地，都仲係叫我地等....，最慘我地有個大肚婆，籮咁大個肚，好彩門口都有幾張，再等...等...等...，唔對路喎，9:00pm都仲未有位，入去問啦...，原來仲有位「羅太」同我地有咁遭遇，但就見到有張，人都未齊，就已經有位坐，據「羅太」話已經坐左幾耐下，嘩！簡直「豈有此理」，火都黎埋，咪嘈佢地囉，結果都仲要等多十幾分鐘，「羅太」比我地早有，因為佢地9個，我地11個=.=。

招呼我地果位哥哥好有禮貌，全程服務都ok，最後仲幫我地影大合照，「芳芳」好笑容，斟幾次水都無問題，呢樣野就值得贊番！（服務俾2，係因為有你兩個，如果唔係，呢餐飯就認真谷氣！）至於食物方面，我地叫左，都係例牌野：小籠包、三絲炒年糕、賽螃蟹、酸辣湯、蒸炸饅頭、桂花糕、豆沙鍋餅、......；小籠包真係多汁兼熱辣辣，其他都可以，平均消費約100元一位，晚飯黎講，唔算貴。

次次夜晚去親刀幾迫...但今次早少少去竟然冇乜人@ . @一如以往點左我最愛既桂花酒釀小丸子\/"同埋吾記得叫咩名既竹筍,好味!今次試下東坡肉太酸喇d汁...小籠包刀系咁好味但其他吾記得名既刀不錯/\/\果道只系貴左d同廁所吾乾淨姐

新天地拉麵小籠飽餐單提供滬菜, 上海, 中菜館等推介美食位於深水埗區，餐廳座位數未知人均消費約$0，結賬可以用現金。

您對於深水埗餐廳「新天地拉麵小籠飽」有何 comment？

新天地拉麵小籠飽餐廳詳細資料：

• 新天地拉麵小籠飽地址:
  深水埗青山道155-181號天悅廣場地下CA3-5號舖
  新天地拉麵小籠飽,  
• 新天地拉麵小籠飽電話:  
• 新天地拉麵小籠飽價錢: $0
• 分類: 滬菜, 上海, 中菜館
• 座位: 未知
• 付款: 現金
• FB專頁: 新天地拉麵小籠飽 Facebook

更多新天地拉麵小籠飽相關資料:

• 新天地拉麵小籠飽分店
• Youtube
• Facebook
• Twitter
• Google