摩登廚房 深水埗

摩登廚房 評價 相片

知道佢要執🥺 lunch即刻約埋朋友衝過黎食有啲啲遠 希望之後會重開 開近少少己經好好🥰🥰叫左個口水雞 $55 少飯套餐包左個湯 同 熱飲 同菜~$55性價比勁高個湯勁足料... 雞湯黎一飲就知好用心煲 好有屋企既味道而且無味精! 飲完一啲都唔渴感覺係: 好抵食呀!! 淨係個湯咁足料己經抵返曬叫左少飯真係會幫手少飯 其他餐廳照裝😂 個菜都好新鮮呀~ 少油~ 所以好健康件件雞都係良心雞 唔會淨係得骨而且比既位都幾靚~個辣都好吸引~ 唔會太辣搶左個雞味再要左杯熱檸蜜~

今日去同男朋友食嘢，來了這間香港人小店：支持一下！雖然行遠少少，當散步下午茶餐選擇都多，有麵、三文治、西多士等餐廳明亮又寬敞，乾淨舒服男朋友點了沙嗲牛肉、雞肉腸出前一丁麵，沙嗲牛肉都軟又惹味，雞肉腸正常，出前一丁麵軟硬剛好奶醬多士：薄薄又脆口，中間有麻醬及煉奶，好香甜，烤得香口香煎雞扒配薯條：熱辣辣香煎雞扒好香脆、唔油膩、雞肉嫩，薯條好脆卜卜，唔燶、有2種：薯條及薯角飲品：凍檸茶及熱杏霜凍檸茶（走甜）夠凍又多片檸檬；熱杏霜剛剛好的甜度，香滑！下次要食雞飯喔！

🐤摩登霸王雞飯🐤個樣好平凡 但極好食 好回味雞肉非常嫩滑 又厚肉😍😍😍😍雞肉係好天然嘅肉味 唔會有雪藏味醬汁係咸甜嘅 唔算濃 特出到雞味🥘溫馨雞煲 (1隻) $188🥘都幾多舊雞件 雞肉依舊出色醬汁辣辣地 好惹味 但唔過咸過濃撈飯一流🥰.🍖香炸豬排芝士撈丁$48🍖豬扒炸得幾好 即炸 外皮仲係脆脆地🥘咖哩牛柳粒芝士焗飯$48🥘咖哩係幾濃 雖然牛肉片都多 但唔係牛柳粒芝士味都被蓋過🤭🍳溶岩芝士蛋什錦飯$55🍳有漢堡扒 煙肉 腸仔 同炒蛋普通啦 點翻其他焗飯會好啲😂

今日帶仔老公去食午餐！首先，入去原本已冇咩位。

但老細細心為我地安排坐位，因帶住小B，職員見有卡位即刻幫我地轉，細心安排令人窩心。

叫咗一日花膠燉雞飯午餐，先係個雞好幼嫩而滑。

湯好夠鮮味，好有花膠同雞鮮味的湯。

小B只係未夠兩歲小B，完全愛上呢個飯餐。

仲要大大啖食食食，仲要追湯飲。

餐飲茶味十足！老公叫左個蒸魚午餐，魚🐟新鮮嫩好味。

重重重點：食完唔口渴，所以好放心俾小B食食食呀！PS：食店不幸被爆竊，無哂散錢。

所以今日要收齊頭數的紙幣，明明花膠燉雞餐起碼要$68，但老細竟然收齊頭變$60😖😖 已經有損失，但仲咁收費。

真係要大大支持！

呢日又喺外賣app搵食，因為又有優惠🙈。

由於係返工日子，所以我鎖定附近嘅餐廳，見到有間喺黃竹街叫摩登廚房嘅餐廳有炸脾撈丁賣，所以就試下啦。

落完單去拎外賣先發現個位其實唔近深水埗站，喺楓樹街遊樂場附近，太子站近啲。

去到就有外賣拎喇，拎上手都覺得有啲份量，炸雞脾🍗配芝士撈丁($48)，一打開發現撈丁份量超多(我估多過普通一個公仔麵餅)，個盒已經大，佢仲要真係佔超滿，芝士🧀又唔孤寒，加埋幾條菜同芽菜中和返添。

勁肥勁正。

🍗雞脾都好大隻嘅，又佔成個盒一半，炸到熱辣辣，但外表唔係特別脆，好入面好似有少少未熟，可能因為太大隻啦。

雞脾味道就屬中上水平。

另外包飲品，要咗凍柑桔蜜🍊(+$3)，比較甜，但夠哂冰凍，消暑一流。

因為我行去拎外賣拎到身水身汗。

總括嚟講，有機會都會再食下，芝士撈丁可以encore😋👍🏻，價錢無做優惠就正常價啦，餐廳都唔太細，可惜係佢哋做外賣嘅範圍唔送太遠。

摩登廚房餐單提供港式, 茶餐廳, 冰室等推介美食位於深水埗區，餐廳座位數未知人均消費約$50以下，結賬可以用現金，Booking訂位可以電話致電 25272260 查詢。

您對於深水埗餐廳「摩登廚房」有何 comment？

摩登廚房餐廳詳細資料：

• 摩登廚房地址:
  深水埗黄竹街3號地舖
  Moderno Kitchen, G/ F,3 Wong Chuk Street, Sham Shui Po
• 摩登廚房電話: 25272260
• 摩登廚房價錢: $50以下
• 分類: 港式, 茶餐廳, 冰室
• 座位: 未知
• 付款: 現金
• FB專頁: 摩登廚房 Facebook

更多摩登廚房相關資料:

• 摩登廚房分店
• Youtube
• Facebook
• Twitter
• Google