上運餃子 深水埗
最後更新:
上運餃子推介
真材實料的餃子店，價錢親民。湯餃類主要配搭豬骨濃湯，另外亦有提供煎餃及麵食等。
深水埗上運餃子
| 餐廳分店 | 上運餃子 |
|---|---|
| 地區 | 深水埗 |
| 電話訂位 | 37053214 |
| 餐單 Menu | 港式, 粉麵, 米線, 雲吞, 餃子 |
| 人氣指數 | 909 |
| 價錢幾錢 | $50以下 |
上運餃子訂位位於深水埗區，詳細地址是深水埗青山道86-90號新明閣地下1號舖，餐廳寬敞座位數目共有未知幾多個。上運餃子幾錢？價錢優惠後人均消費大約$50以下埋單，早餐午餐晚餐上運餃子餐單包括有港式, 粉麵, 米線, 雲吞, 餃子等美食，付款方式有現金付款，Booking網上訂位可以電話致電 37053214 查詢訂座。
上運餃子優惠
上運餃子 評價 相片
深水埗一帶有乜新餐廳我都會想幫襯TryTry，呢日中午就同同事(一行三人)去咗一間新開嘅餃子店食晏🥟，餐廳叫做「上運餃子」。
小店舖面唔算太細，因為呈長方形，裝修非常簡約，但絕對係乾淨企理，唔會要客人屈就☺️。
中午時份餐廳都幾多客。
由於未食過，所以我哋問店員有乜推介，佢即刻作出介紹，招呼好好👍，令我感覺係一間人情味滿滿嘅小店。
呢度除咗有餃子食之外，亦都有賣多款小食，所以我哋乜都嗌左啲Share食。
湯餃($38/8隻，$42/10隻)，單併或者雙併同價，我哋要咗1️⃣香芹芫茜鮮肉餃以及2️⃣白菜鮮肉餃。
兩款餃嘅味道大不同，但外型有啲似，特別係浸湯後🙈，所以每次食有啲似抽獎嘅感覺。
前者味道好特別，香芹味比起芫荽味濃烈，所以芫茜味唔太出，但都可能未必算易入口，因為唔係個個啱芹菜浸味。
後者嘅白菜餡就未有太大驚喜，但同樣餡料飽滿，而且餃皮厚得嚟夠滑，唔易穿，我仲留意到佢包得好靚。
湯餃嘅湯底可以揀豬骨濃湯或加$2轉麻辣湯，由於大家都鍾意挑戰食辣🌶，所以課多兩蚊金。
一開始見到碗湯咁紅有啲嚇親，因為好似好辣咁，但食落發現辣度未能考驗到我哋，微辣帶點麻，好惹味🤤。
再者，只係餃子外皮索湯唔會辣得去邊。
我食得出麻辣湯本身有味，一問店員之下，佢就話個底其實都係豬骨湯嚟🦴，隨即佢仲走入廚房不多兩碗豬骨濃湯比我哋試！原味本身都唔錯，幾清甜，唔油兼無味精。
煎餃($39/8隻，$43/10隻)，煎餃稍為貴過湯餃少少，一蚊咁大把🤣，後尾諗返其實好多餐廳都係，唔通因為落油煎就要貴啲？我哋要咗3️⃣粟米芝士鮮肉餃以及4️⃣韭菜鮮肉餃，呢碟就易啲分清楚邊款餃打邊款！前者幾好食，🌽粟米爽脆嘅口感融入鮮肉餃無得輸，但就唔好預期會有好重芝士味。
同事話韭菜餃一定要煎先好食，我自己零興趣，但都食咗一隻，韭菜味而言佢都算易入口同幾香。
整體來說，煎餃口感同湯餃唔同，因為多一份煎嘅香氣，餃皮仲微微脆。
和麻醬雞絲粉皮($22)，🐔雞絲粉皮作為一份小食份量好多，麻醬落得好足，所以每啖都好夠味😋。
麻醬以外，粉皮仲落咗唔少青瓜片同花生粒，以提升口感，而且雞絲亦都好多。
呢度用嘅粉皮有別於其他餐廳，因為我覺得佢似用紅薯粉多啲，口感比較煙韌，粗幼就如河粉一樣，味道係幾正。
麻辣豬耳朵($22)，豬耳有勁多條🐷👂，我平日好少食，但原來做餐前小食都幾好，佢帶有骨膠原，所以脆得嚟又帶點軟，配埋麻辣味更好食，因為佢本身應該無乜味。
涼拌醋香雲耳($18)，雲耳大大片，涼拌食口感更爽脆。
醋味唔會太酸，但同時有醒神開胃嘅效果，面頭更落咗芝麻粒同芫茜葉以錦上添花。
我哋三扒兩撥就食晒😚。
熱檸檬薏米水($10)，估唔到熱飲都咁大杯‼️。
薏米水功效多就係人都知，但唔加味就唔係幾好飲。
呢度落咗少少糖同兩片檸檬🍋，味道即刻變得好飲，又唔會太甜。
總括嚟講，小店各方面都令我哋好滿意💯。
食物雖然係大眾化嘅餃子，但卻能夠令我印象深刻。
餐廳定價好平，人均消費$50左右已經令我哋食飽飽，滿載而歸。
再加埋店員嘅好客之道，我已經向身邊同事同朋友推介😁。
前幾天到深水埗逛街的時候， 到上運餃子吃晚餐， 店內光線充足又整潔， 餐廳主打手工餃子， 還有米線和特色小吃， 我點了以下幾款😋，湯餃雙拼🥟（十隻～ 雲耳椰菜鮮肉餃＋ 香芹芫茜鮮肉餃 ）$42＋ 麻辣湯底$2、 煎餃雙拼🥟（十隻～ 韭菜鮮肉餃＋ 粟米芝士鮮肉餃）$43、 陳醋手拍青瓜$16、 麻辣豬耳朵$22、冶味鳳凰爪$26、 檸檬薏米水$10、 有機豆漿$10。
🤤🔸湯餃雙拼十隻～雲耳椰菜鮮肉餃💕＋ 香芹芫茜鮮肉餃💕＆麻辣湯底💕～ 兩款湯餃皮薄餡靚， 脹卜卜的好大隻， 餡料爆棚， 雲耳椰菜鮮肉餃， 雲耳椰菜特別爽口。
香芹芫茜鮮肉更突出，明顯香芹味，配搭鮮肉， 口感豐富。
麻辣湯底辛麻又鮮香，配上餃子更滋味。
🔸煎餃雙拼十隻～ 韭菜鮮肉餃💕＋ 粟米芝士鮮肉餃💕～ 隻隻煎餃金黃色的， 煎得好香，餃餡特別飽滿， 韭菜鮮肉餃鮮美多汁， 韭菜味濃料足。
粟米芝士鮮肉餃的芝士與鮮肉混為一體， 粟米甜美 ，帶來雙重滋味效果！🔸冶味鳳凰爪～ 超入味的，酸酸辣辣的🤤， 好吃到停不下來。
🔸麻辣豬耳朵～柔韌又爽脆的豬耳，拌入麻辣醬吃，超開胃。
🔸陳醋手拍青瓜～ 爽口清涼又好食， 陳醋酸酸甜甜很開胃。
🔸檸檬薏米水～ 檸檬的清香， 加入熱的薏米水，好美味。
🔸有機豆漿～ 豆漿味道濃郁， 不算太甜。
整體來說這間餃子小店價錢相宜， 餃子每一粒都渾厚飽滿， 真材實料， 小食也有質素， 值得推介。
👍🏻😋
今日放工和同不事去探入咗寶血醫院做手術嘅同事，之後諗住一齊去搵餐廳食飯，經過青山道時見到新開嘅上運餃子，招牌寫住純手工製作，門口的餐牌傻錢又唔貴，喜歡試新店的我立刻和同事入座試吓！枝裝豆漿豆味香濃，不會太甜，檸檬薏米水，有凍有熱，同事揀咗熱，佢話甜甜地帶有檸檬香味，好好飲。
因為想試多啲唔同餡料的餃子，所以叫了雙拼，餃子有湯和煎兩種煮法，湯的我們叫了韮菜鮮肉餃拼香芹芫茜鮮肉餃，湯底是豬骨濃湯，味道鮮甜。
餃子都好大隻，皮薄餡鮮，餡料又夠多，韭菜營養豐富，配豬肉味道鮮香又美味。
香芹芫茜鮮肉餃，芫茜清香，香芹好爽口，餃芫茜豬肉餃每日鮮製，加咗香芹口味新穎，因全手工制作保留各種蔬菜應有的特質和口感，不含味精，菜肉比例均衡，健康之選！煎餃叫了雙拼，煎得香脆可口不油膩， 雲耳椰菜鮮肉餃：雲耳椰菜清甜爽口，豬肉調味適中，富肉汁又有鮮味。
粟米芝士鮮肉餃，有淡淡的芝士酥香，混入粟米和鮮肉，香味濃郁又鮮甜。
和麻醬雞絲粉皮：雞絲粉皮加咗和麻醬，又香又滑又好味！秘製四川擔擔麵：麵質幼滑，豬骨湯底鮮甜帶微辣，十分惹味！
小店理應要支持，所以附近周圍咁多餃子店都好，山長水遠都特登行過去棒場，但試過後，餃子質素確實有問題....韮菜餃（湯餃）菜多肉少，健康之選👍🏻 韮菜雖多，但陣豬肉騷味已掩過一切味道... 真係好難入口。
除左豬騷味，連鹹味都欠奉😖 我理解點解枱面咁多調味料了—醋、醬油、豆瓣醬、菜甫。
我全部都落哂，都掩蓋唔到陣豬騷味，非常失望。
粟米芝士豬肉餃（煎餃）比韮菜餃出色，起碼無明顯豬騷味，但也沒甚麼出色的味道，只係粟米豬肉煎餃，完全感覺唔到芝士味🤦🏻♀️ 一樣要落調味料，試過哂所有調味料，要數夾味的話，排名如下：豆瓣醬>菜甫>醬油>醋雞絲粉皮出色！相比餃子出色太多了！粉皮Q彈, 唔係一般透明的粉皮，是台灣冬粉嗰種。
調味亦到位，醬汁足夠，而且濃稠，唔係溝水嗰隻醬汁👍🏻檸檬薏米水（凍）出色！$10大大杯，而且足料，有料到，真利尿😂一次就夠，認真說，我不會因為雞絲粉皮及薏米水再來😅唔好計其他食店，餃子店向呢區競爭都好大，店主唔鑽研下味道及食材質素，真係好快就玩完😖
本人好少讚食物好吃的，呢間餃子店雖然款色唔算多，但滴餃子真是好好吃，價錢抵，餡足！值得推介！煎餃煎得非常靚皮又脆，韭菜餃又是我的最愛，老婆點了一個湯餃都讚不絕口，這家的豬骨湯煲得非常用心！濃濃的豬骨湯味又香又好飲，是真材實料的，老婆都話好好飲！隔離檯對情侶都聽到他們讚滴湯好飲同埋個淮山面好吃！下次真是要試一下個淮山面(呢次無機會試吃得太飽)喜歡的朋友真是可以去試下，包證唔會失望！希望這家店可以一直保持呢個水準
上運餃子餐單提供港式, 粉麵, 米線, 雲吞, 餃子等推介美食位於深水埗區，餐廳座位數未知人均消費約$50以下，結賬可以用現金，Booking訂位可以電話致電 37053214 查詢。
您對於深水埗餐廳「上運餃子」有何 comment？
上運餃子餐廳詳細資料：
- 上運餃子地址: 深水埗青山道86-90號新明閣地下1號舖 上運餃子, Shop1, G/ F, Sun Ming Court,86-90 Castle Peak Road, Sham Shui Po
- 上運餃子電話: 37053214
- 上運餃子價錢: $50以下
- 分類: 港式, 粉麵, 米線, 雲吞, 餃子
- 座位: 未知
- 付款: 現金
- FB專頁: 上運餃子 Facebook
更多上運餃子相關資料:
香港餐廳2026推介9月