順德私房菜 油麻地

順德私房菜 評價 相片

我覺得黎食得私房菜，一定要叫海鮮食！因為平時係屋企整真係好麻煩！同媽咪兩個人其實叫兩碟餸都好夠食！我地叫左正宗客家雉雞同清蒸海班仔，因為伙記話今日海班仔新鮮啊，咪就試下佢囉！我覺得個正宗客家雉雞個食物擺設幾整齊、仲有用花做點綴，整體都幾得意，令個視覺效果豐富左！啲雞肉肉質好嫩滑，真係好新鮮！個清蒸海班仔都好好食，一啲都唔腥，因為我唔仲意食有腥味既魚，所以好滿意！啲汁淋落啲魚肉到真係一流！啲汁又唔會太鹹、仲可以撈飯食喎！同媽咪超級滿足！又唔洗自己落手落腳煮又唔洗自己洗碗就可以享受到煮家飯既味道，呢個體驗真係好正👍🏼

朋友介紹油麻地話有間私房菜好正,琴日同男朋友去左試下!店內空間尚算寬躺都坐得舒服，餐牌上有好多選擇咩都有，選擇困難症之下最後揀左3樣最想食既野😆分別係重慶雞煲，蒜蓉粉絲蒸大元貝，濃湯鮮腐竹浸菜苗。

首先講下個雞煲先，啲雞好滑，份量都多，因為我地唔係食得好辣所以叫小辣個味岩岩好，好惹味！咁凍既天氣會特別想食d暖笠笠既野😍粉絲蒸大元貝都想讚一讚，好新鮮👍🏻又大隻，😍😍個底啲粉絲索哂啲汁既精華，蒜味好重，超好食，一碟有4隻每人食2隻，大滿足！😋😋最後就係浸菜苗，其實唔算太特別，另外果2道餸重口味，所以叫碟菜清清地中和返😆總結黎講呢幾樣野都好好食，朋友無介紹錯👍🏻👍🏻🥰🥰 黎緊媽咪生日，可以帶屋企人黎食飯慶祝😚

今日我係油麻地，搵到一間好地道嘅私房菜😍 因為同朋友係油麻地會面，咁岩又知道附近好多特色私房菜，最後我地黎左呢一間‘順德私房菜‘試一試🤤店員服務態度好好，好快就安排左我地入座👍🏻 我地睇一睇餐牌發現餐廳有好選擇同款式比我地揀🥳咁我地就叫左啲小菜食飯 最首先來左個砵仔焗魚腸，魚腸味道好濃沃，用來配飯一流😋 再來就有甜梅菜籠仔蒸菜心，菜心加上甜梅👍🏻菜甜甜酸酸咁好開胃，仲有淡淡梅菜香，整得好正 😝最後仲個正宗客家大騸雞，雞肉嫩滑皮爽，雞味道都濃沃😍極力推薦呢道菜比大家🤗如果大家都想食地道啲嘅私房菜，可以來呢間‘順德私房菜’一定覺得食過翻尋味🤤

同朋友想搵個地方食下野傾下計，聽聞有間食私房菜既餐廳都唔錯就過黎試下🍽！我地見唔係咁肚餓、所以只係叫左炸既小食！首先,我地叫左椒鹽豆腐粒,豆腐粒外脆內軟、好香口、雙重口感好豐富😋😋！配埋酒就真係一流🍷🍷!而椒鹽鮮魷就係我既最愛！鮮魷口感好爽、好鮮甜！最後,蜆蚧鯪魚球外脆內軟、而且鯪魚肉質仲好彈牙！雖然我地只係試左小食，但其實呢到仲有好多選擇嫁！除左海鮮之外、呢到仲有小菜、煲仔飯、涼拌、粉飯類！鐘意同朋友飲酒食小菜既你，呢間餐廳真係非常推薦!👍👍

今日突然間好想食海班🐟所以就同屋企人去左食順德私房菜🥳見今日天氣都幾涼就叫個熱辣辣既濃湯試下啦🍲個濃湯雞煲翅真係好香好好飲😍仲可以湯撈飯食多兩碗飯😳飲完個湯個人暖笠笠好滿足除左濃湯之外我地仲嗌左蜆蚧炸鯪魚球同清蒸海班仔為左個清蒸海班仔黎食既我緊係要試真啲啦!海班既味道好鮮甜 而且夠大條配埋豉油汁真係好出色好美味😝炸鯪魚球都好正 外脆內軟👍🏻啲肉又好彈牙 仲夠大粒咬落去啖啖肉真係好滿足啊😋📍 油麻地砵蘭街61號長盛中心地下

順德私房菜餐單提供粵菜, 廣東, 順德菜, 茶餐廳, 冰室等推介美食位於油麻地區，餐廳座位數未知人均消費約$101-200，結賬可以用現金，Booking訂位可以電話致電 23321136 查詢。

您對於油麻地餐廳「順德私房菜」有何 comment？

順德私房菜餐廳詳細資料：

• 順德私房菜地址:
  油麻地砵蘭街61號長盛中心地下
  順德私房菜, G/ F, Sun Shine Centre,61 Portland Street, Yau Ma Tei
• 順德私房菜電話: 23321136
• 順德私房菜價錢: $101-200
• 分類: 粵菜, 廣東, 順德菜, 茶餐廳, 冰室
• 座位: 未知
• 付款: 現金
• FB專頁: 順德私房菜 Facebook

更多順德私房菜相關資料:

• 順德私房菜分店
• Youtube
• Facebook
• Twitter
• Google